*ഇപ്പോൾ A+ കിട്ടിയാലും*
*ചൊറെയാണല്ലോ ?*
*ചൊറെയാണല്ലോ ?*
അസ്ലം മാവില
SSLC പരീക്ഷാ ഫലം വന്നാൽ ഓൺലൈൻ മീഡിയകളിൽ ചെലവില്ലാതെ കറങ്ങുന്ന ചില എഴുത്തുകളുണ്ട്. എന്തെന്നോ ? മികച്ച വിജയം നേടിയവരെ ഒന്നാക്കുക. അവരെ അഭിനന്ദിച്ചവരെ ഒന്ന് കൊട്ടുക.
എന്റെ കുട്ടിക്ക് ഫുൾ A+ കിട്ടാത്തതിനോ അതിന്റെ പകുതി കിട്ടാത്തതിനോ, ഇതൊക്കെ കിട്ടിയവർ എന്ത് പിഴച്ചു ? ഏത് രക്ഷിതാവും ആഗ്രഹിക്കുക മക്കൾ നല്ല മാർക്ക് നേടണമെന്നല്ലേ ? അവർ അഭിനന്ദനത്തിന് അർഹരല്ലേ ? കൂടുതൽ പഠിച്ചവർക്ക് കൂടുതൽ വിഷസിന് അർഹതയില്ലേ ?
എന്ന് വെച്ച് മാർക്ക് കുറഞ്ഞവരോ A+ കുറഞ്ഞവരോ ആരും തന്നെ അഹഹേളിക്കപ്പെടുന്നുണ്ടോ ? ഇല്ലല്ലോ. ചിലർക്ക് കളിയിലായിരിക്കും താത്പര്യം. അവർ അതിൽ മികച്ച പ്രകടനം നടത്തുമ്പോൾ പൂവും ലൈക്കും അങ്ങിനെ വരും. സേവന പ്രവർത്തനങ്ങളിൽ സജിവമായവർ ആ സന്ദർഭങ്ങളിൽ പ്രശംസക്കർഹരാകും. ഇപ്പോൾ തൽക്കാലം SSLC വിജയികൾ പ്രശംസിക്കപ്പെടട്ടെ, A+ കൂടുതൽ കിട്ടിയവർക്ക് കൂടുതൽ പുഗ്ഗ് നൽകട്ടെ.
എന്നാൽ പിന്നെ SSLC ജയിച്ചവൻ ഉന്നത പoനത്തിന് അപേക്ഷിക്കുമ്പോൾ, അവന് ഇഷ്ടപ്പെട്ട സ്കൂളിൽ ഇഷ്ടമുള്ള സ്ട്രീം തെരഞ്ഞെടുക്കാൻ പൊതു മെറിറ്റിൽ എന്ത് മാനദണ്ഡമാണ് നോക്കേണ്ടത് - ചേലോ? ചന്തമോ ? വെളുക്കെച്ചിരിയോ േ അതല്ല കൂടുതൽ മാർക്കോ ? മാർക്ക് ആണെങ്കിൽ, ആ മാർക്ക് നന്നായി സ്കോർ ചെയ്തവർ അളവിൽ കവിഞ്ഞ പ്രശംസയൊക്കെ കിട്ടിയെന്ന് വരും.
SSLC യിൽ ഉന്നത മാർക്ക് ലഭിച്ചവരേ, നിങ്ങൾ അവര് പറഞ്ഞു, ഇവര് പറഞ്ഞതൊന്നും നോക്കണ്ട' എല്ലാ പ്രശംസക്കും നൂറുവട്ടം നിങ്ങൾ അർഹരാണ്.
No comments:
Post a Comment