Saturday, 22 July 2017

ചാന്ദ്രദിനത്തിൽ ......./അസ്ലം മാവില

*ചാന്ദ്രദിനത്തിൽ/*
*മണ്ണിലവർ വിണ്ണും*
*വിസ്മയവും തീർത്തു*
*പട്ല സ്കൂൾ അങ്കണം*
*സൂര്യനും ഭൂമിയും ചന്ദനും*
*നക്ഷത്രങ്ങളും കൊണ്ട് നിറഞ്ഞു*
__________________

അസ്ലം മാവില
__________________

ആകാശം ഭൂമിയിലേക്ക് ഇറങ്ങി വന്നു. ക്ലാസ്സ് മുറിവാതിലുകൾ മലക്കെ തുറന്നു. കേട്ടവർ കേട്ടവർ സ്കൂൾ അങ്കണത്തിലേക്കോടി,  വട്ടത്തിൽ കൂടി. അവർ മുറ്റത്ത് തിളങ്ങിക്കൊണ്ടിരിക്കുന്ന കുഞ്ഞു നക്ഷത്രങ്ങളെ നോക്കി വിസ്മയം പൂണ്ടു. കണ്ണുകൾ പരതിയിടത്ത് സൂര്യനെയും ഭൂമിയെയും ചന്ദ്രനെയും അവർ കൺകുളിർക്കെ കണ്ടു.

അതെ ജൂലൈ 21 നമുക്ക് ചാന്ദ്രദിനമായിരുന്നു. 1969ലെ ഒരു ജൂലൈ മാസത്തിലാണ്   മനുഷ്യ പാദസ്പർശമേറ്റ് ചന്ദ്രൻ നമ്മുടെ കണ്ണിലുണ്ണിയാകുന്നത്.

ചാന്ദ്രദിനത്തിന്റെ ഓർമ്മ പുതുക്കിയാണ് ഇന്നലെ നമ്മുടെ സ്കൂളിലെ കുഞ്ഞുമക്കൾ വിസ്മയക്കാഴ്ചയൊരുക്കിയത്. അതും വർണ്ണശബളമായി, പ്രൊഫഷനൽ ടച്ചോടെ ...

ഒന്നാം ക്ലാസ്സിലെ പിഞ്ചു പൈതങ്ങളാണ് ഇന്നലെ നമ്മുടെ സ്കൂളിലെ , അല്ല, വിണ്ണിലെ താരകങ്ങളായത്. സൂര്യൻ സംസാരിച്ചു. ഭൂമിക്കും പറയാനേറെയുണ്ടായിരുന്നു. ചുറ്റും കൂടി നിന്നവർക്ക് ചോദിക്കാനുണ്ടായിരുന്നത് പക്ഷെ,  അമ്പിളിമാമനോടായിരുന്നു.

സ്കൂൾ സയൻസ് ക്ലബായിരുന്നു ചാന്ദ്രദിനാഘോഷത്തിന്റെ സംഘാടകർ.  നേരത്തെ, സ്കൂൾ അസംബ്ലിയിലും ചാന്ദ്രദിനം പരാമർശിക്കപ്പെട്ടു. ശാസ്ത്ര വിദ്യാർഥികൾ തയാറാക്കിയ സ്പെഷ്യൽ പതിക്ക് സ്കൂൾ അസംബ്ലിയിൽ ഹെഡ്മിസ്ട്രസ്സ് കുമാരി റാണി ടീച്ചർ കയ്യടികളുടെ  അകമ്പടിയോടെ പ്രകാശനം ചെയ്തു.

"ചന്ദ്രനും ബഹിരാകാശവും" വീഡിയോ പ്രദർശനം കുട്ടികൾക്ക് പുതിയ അറിവുകൾ നൽകി. ക്വിസ്സ് മത്സരവും കൊളാഷ് നിർമ്മാണവും ചാന്ദ്രദിനത്തിന് മാറ്റുകൂട്ടി.  അമ്പിളി മാമനെ നോക്കി കുഞ്ഞുമക്കൾ കുഞ്ഞു കവിതകൾ ചൊല്ലി, ഈരടികൾ നീട്ടി പാടി. അത് കേട്ടവർ താളം പിടിച്ചു.

സയൻസ് ക്ലബ് കൺവീനർ സാബിറ ടീച്ചറും മലയാളം അധ്യാപകൻ ഷരീഫ് ഗുരിക്കൾ മാഷുമാണ് വർണ്ണശബളമായ ചാന്ദ്രദിന പരിപാടിക്ക്  നേതൃത്വം നൽകിയത്. മുഴുവൻ അധ്യാപകരുടെയും നിർല്ലോഭ സഹകരണം പരിപാടിയെ ധന്യമാക്കി.
_____________________
Rtpen.blogspot.com

സഫ് വാന്റെ ഉമ്മ* *പൊയ്പോയി ;* *പ്രാർഥിക്കുക / അസ്ലം മാവില

*സഫ് വാന്റെ ഉമ്മ*
*പൊയ്പോയി ;*
*പ്രാർഥിക്കുക*.
_________________

അസ്ലം മാവില
_________________

ഒരു മരണവീടിൽ നിന്ന് ഇറങ്ങിയതേയുള്ളൂ. ശോകമൂകമായ അന്തരീക്ഷം. യൂനിഫോമിട്ട കുട്ടികൾ ഞങ്ങൾക്ക് മുന്നിലും പിന്നിലുമായുണ്ട്. അധികവും പട്ല സ്കൂളിൽ പഠിക്കുന്നവർ. സഫ്-വാന്റെ ഉമ്മയുടെ മരണവാർത്ത അറിഞ്ഞാണ് അവരൊക്കെ ഞങ്ങളെ പോലെ എത്തിക്കൊണ്ടിരിക്കുന്നത്.

ശിരി ബാഗിലുവിൽ താമസമുള്ള സഫ്വാൻ നമ്മുടെ സ്കൂളിലെ പത്താം തരം വിദ്യാർഥിയാണ്. അവന്റെ പൊന്നുമ്മയാണ് ഇന്നുച്ചയോടെ പടച്ചവന്റെ വിളിക്കുത്തരം നൽകി പൊയ്പോയത്. ഇന്നാലില്ലാഹ്!

ഷരീഫ് മാഷ് ഫോണെടുക്കുമ്പോൾ അതൊരു മരണ വാർത്തയായിരിക്കുമെന്ന് കരുതിയിരുന്നില്ല. "സഫ്വാനെ എത്തിക്കണം,  ഉമ്മയ്ക്ക് ദീനമൽപം കൂടിയെന്ന് പറയണം." സംസാരത്തിലെ   ഇടർച്ചയിൽ തന്നെ അതിനൊരു മരണവാർത്തയുടെ സൂചനയുണ്ടായിരുന്നു.

സഫ്വാൻ   അടക്കം ആ ഉമ്മയ്ക്ക് നാല് മക്കൾ. സമദ്, സവാദ് , സഹീദ.  സഫ്വാന്റെ ഉപ്പ ,അബ്ദുല്ലച്ചയെ ഞങ്ങൾ കണ്ടു. ജിവിത പങ്കാളിയെ എന്നെന്നേക്കുമായി നഷ്ടപ്പെട്ട ദു:ഖവുമായി ഞങ്ങളെയദ്ദേഹം നോക്കി. നമുക്ക് ആശ്വസിപ്പിക്കാനല്ലേ പറ്റൂ. ഒരു പാട് വർഷമായി കിടപ്പിലായിരുന്നു ആ ഉമ്മ.

ഈ വേർപാട് താങ്ങുവാനുള്ള സഹനവും ക്ഷമയും ആ കുടുംബത്തിന് പടച്ചവൻ നൽകട്ടെ,

നമ്മുടെ സ്കൂളിൽ പഠിക്കുന്ന സഫ്വാനെ സമാധാനിപ്പിക്കാൻ അവന്റെ അധ്യാപകരും സഹപാഠികളുമാണിനിയുള്ളത്, നിങ്ങളാണവന് കരുത്ത്.

ദുഃഖാചരണവും കഴിഞ്ഞ്  ക്ലാസ്സിൽ വരുമ്പോൾ നിങ്ങളവന് സാന്ത്വനത്തിന്റെ തൂവാലയും തൂവൽസ്പർശവുമാവുക.

സ്വാഗതം ഷരീഫ് സാർ

*അറിയിപ്പ്*📃
_____________

GHSS പട്ലയിലെ ഹൈസ്കൂൾ വിഭാഗം മലയാളം അധ്യാപകനും സംസ്കാരിക പ്രവർത്തകനുമായ ഷരീഫ് സാറിനെ RT യിൽ അംഗമാക്കുന്നു.

നല്ലൊരു വാഗ്മിയും സംഘാടകനുമായ അദ്ദേഹം സംസ്ഥാന സ്കൂൾ പാഠപുസ്തക സമിതിയിലെ സംസ്ഥാന റിസോർസ് പേർസൺ കൂടിയാണ്.

ഹെഡ്മിസ്ട്രസ്സിന്റെ അഭാവമുണ്ടാകുമ്പോൾ   സ്കൂൾ HM ന്റെ ചാർജും ഷരീഫ് സാറാണ് വഹിക്കുന്നത്.

RT യിൽ കണ്ട്പോരുന്ന ആസ്വാദന - സംവാദ - സഹൃദയ ഗുണമേന്മ തുടർന്നും നമ്മുടെ മുഴുവൻ അംഗങ്ങളും നിലനിർത്തുമല്ലോ.

പട്ല സ്കൂൾ അധ്യാപകരിൽ ചിലർ RT യിൽ ജോയിൻ ചെയ്യാൻ സന്നദ്ധത പ്രകടിപ്പിച്ചത് കൂടി കൂട്ടത്തിൽ സൂചിപ്പിക്കട്ടെ.

സ്നേഹപൂർവ്വം
*RT മാനേജ്മെന്റ്*
____________________

*സ്വാഗതം*
*ഷരീഫ് സാർ*💐
*ഇനി മുതൽ*
*താങ്കളും RT-യുടെ*
*ഭാഗമാകുന്നു*
_____________

GHSS പട്ലയിലെ ഹൈസ്കൂൾ വിഭാഗം മലയാളം അധ്യാപകനും സംസ്കാരിക പ്രവർത്തകനുമായ ഷരീഫ് സാറിന് RT യിലേക്ക്  സ്വാഗതം.

നല്ലൊരു വാഗ്മി,
സംഘാടകൻ,
സംസ്ഥാന സ്കൂൾ പാഠപുസ്തക സമിതിയിലെ സംസ്ഥാന റിസോർസ് പേർസൺ.  വിശേഷണങ്ങൾ ഏറെ.

താങ്കളുടെ സാനിധ്യം
RTക്ക് മുതൽകൂട്ടാകട്ടെ എന്നാശംസിക്കുന്നു,
ആഗ്രഹിക്കുന്നു.

*RT സഹൃദയർ*

അധ്യാപന നിലവാരം* *ചർച്ചയ്ക്ക് വരുമ്പോൾ* / അസ്ലം മാവില

*അധ്യാപന നിലവാരം*
*ചർച്ചയ്ക്ക് വരുമ്പോൾ*
__________________

അസ്ലം മാവില
__________________

ഒറ്റപ്പെട്ടതാണെങ്കിലും അവ്യക്തതകളും ആകുലതകളും വിട്ടേച്ച് പോകുന്ന മെസ്സേജ് നൽകിക്കൊണ്ടുള്ള ഒരു പ്രതികരണം എന്റെ " സ്കൂൾ വികസന സമിതി ചേരുമ്പോൾ " എന്ന കുറിപ്പിനു പിന്നാലെ ഒരു ഫോറത്തിൽ വായിക്കാനിടയായി. ഒരു രക്ഷിതാവിന്റെ പരിഭവത്തിലപ്പുറമായിട്ട് മാത്രമേ  വിദ്യാഭ്യാസ പ്രവർത്തകനെന്ന നിലയിൽ എനിക്കത് വായിക്കുവാൻ സാധിക്കുകയുള്ളൂ.  അതിലെ പരാതിയിലെ ശരി - ശരിയില്ലായ്മയിൽ നമ്മുടെ ചർച്ച ചുറ്റിമറിയാതെ, വളരെ പോസിറ്റീവായ പ്രൊആക്റ്റീവായ ആലോചനകളിലേക്കും തുടർനടപടികളിലേക്കും വിഷയം ബോൾഡക്ഷരത്തിൽ നക്ഷത്ര ചിഹ്നമിട്ട് വരിക തന്നെ വേണമെന്നാണ് എന്റെ അഭിപ്രായം.

അധ്യാപന ഗുണനിലവാരമുയർത്താൻ വിദ്യഭ്യാസ വകുപ്പ് അതത് കാലങ്ങളിൽ  ഘട്ടംഘട്ടമായി അധ്യാപകർക്ക് ഓറിയന്റേഷൻ ക്ലാസ്സുകൾ നടത്താറുണ്ട്.  LP വിഭാഗം അധ്യാപകർ സർക്കാർ സ്കൂളുകളിൽ എത്തുന്നത് അടിസ്ഥാനപരമായ ടീച്ചിംഗ് കോഴ്സ് വിജയകരമായി പൂർത്തിയായ സർടിഫിക്കറ്റുകളുമായിട്ടാണെന്നാണ് ഞാൻ മനസ്സിലാക്കുന്നത്. അധ്യയന രംഗത്തെ പുതിയ വെല്ലുവിളികൾ അപ്പപ്പോൾ ശ്രദ്ധയിൽ പെടുത്താനും അവയ്ക്ക് റെമഡി നിർദ്ദേശിക്കുവാനുമുള്ള മെക്കാനിസം  നിലവിലുള്ള സംവിധാനത്തിൽ ഉണ്ടെന്നാണ് എന്റെയൊരു  Educated Guess (വിദ്യാഭ്യാസജ്ഞാനത്തിൽ നിന്നുള്ള അനുമാനം).

ഏതായാലും,  ടീച്ചിംഗ് ക്യാലിറ്റി ഇംപ്രൂവ് ചെയ്യുവാനും അത് ട്രാക്ക് ചെയ്യുവാനും സ്കൂൾ തലത്തിൽ ഒരു നിരീക്ഷണ ബോഡി ഉണ്ടാകുന്നത് എന്ത് കൊണ്ടും നല്ലതാണ്.  നമ്മുടെ പ്രദേശം സെമി - അർബാൻ (അർദ്ധ - നഗരം) വിഭാഗത്തിൽ പെടുന്ന ഒന്നാണ്. കുട്ടികളിലെ മനോനിലയിൽ തന്നെ വലിയ മാറ്റങ്ങളുണ്ടായിട്ടുണ്ട്. pedagogy യിൽ തന്നെ അധ്യാപകർ ചില കൈക്രിയകൾ നടത്തേണ്ടതുണ്ടെന്നാണ് എന്റെ പക്ഷം. ടീച്ചിംഗ് ടെക്നിക്സിലും ഒരു ഫൈൻ ട്യൂണിംഗ് ആവശ്യമാണ്.  

പക്ഷെ, ഇതിനൊക്കെ സഹകരണം ആദ്യം വേണ്ടത് രക്ഷിതാക്കളിൽ നിന്ന് തന്നെയാണ്.  ക്ലാസ്സ് ടെസ്റ്റുകളിൽ കുട്ടികൾക്ക് ലഭിക്കുന്ന മാർക്ക് പരിശോധനയിൽ മാത്രമാകരുത് മക്കളെ പറഞ്ഞയക്കുന്നവർ നടത്തുന്ന "അധ്യാപനവിലയിരുത്തൽ". അന്നന്ന് പഠിപ്പിക്കുന്ന പാഠഭാഗങ്ങൾ മക്കൾ എത്രമാത്രം  ഗൃഹപാഠം ചെയ്യുന്നുവെന്നതും രക്ഷിതാവിന്റെ സജീവ ശ്രദ്ധയുടെ ഭാഗമാകേണ്ടതുണ്ട്.  നാട്ടിൽ നടക്കുന്ന "വിരുന്നുബിസ്താരങ്ങളിലെ" ആവശ്യത്തേക്കാളേറെയുള്ള അനാവശ്യ സാന്നിധ്യങ്ങളിൽ LP കുട്ടികളുടെ ആധിക്യം വരെ രക്ഷിതാക്കളുടെ "അധ്യാപനമാർക്കിടൽ" പരിധിയിൽ വരികയും വേണം. മഗ്രിബിന് ശേഷമുള്ള 3 മണിക്കൂറുകൾ LP കുട്ടികൾക്കും  ഏറെ പ്രധാനമുള്ളതെന്ന ബോധ്യവും ഇതിലെ ഒരു ഫാക്ടറാണ്.

പലപ്പോഴും എന്നെപ്പോലുള്ളവർക്കുള്ള തെറ്റുധാരണ കുട്ടികൾക്ക് എക്സസ്സീവ് ഹോംവർക്ക് (അമിത ഗൃഹപാഠം) കൊടുക്കുന്ന സ്ഥാപനമേ  നല്ല സ്കൂളാകൂ എന്നാണ്. ചില അൺ എയിഡഡ് സ്കൂളുകളുടെ മഹത്വവത്ക്കരണം ഈ രീതിയിൽ നടത്തപ്പെടാറുമുണ്ട്. (ഹോംവർക്ക് പാടേ പാടില്ലെന്നല്ല. അതിനും ചില മാനദണ്ഡങ്ങൾ വിദ്യാഭ്യാസ വിചക്ഷണർ നിർദ്ദേശിക്കുന്നുണ്ട്.)

എങ്കിലും,  പരാമർശ ആരോപണത്തിൽ ലവലേശം വസ്തുതകളുണ്ടെങ്കിലും ഇല്ലെങ്കിലും ടീച്ചിംഗിൽ ഒരു വൈവിധ്യവൽക്കരണം (Diversity of teaching) ഉണ്ടാകേണ്ടതുണ്ട്.  "Grow Your Own " എന്ന തലത്തിലേക്ക്  താഴേക്ലാസ്സുകളിലെ അധ്യാപകർ അടിയന്തിരമായി ശ്രദ്ധ പതിക്കട്ടെ.. അത് വഴി pedagogy skills (അധ്യാപന ശാസ്ത്ര വൈദഗ്ധ്യം ) വർധിപ്പിക്കുവാനുള്ള മാർഗ്ഗങ്ങൾ ആരായാനും ഇത്തരം ഒറ്റപ്പെട്ട ടെക്സ്റ്റുകൾ ഇടയാവുകയും വേണം. വിലയിരുത്തുേവാൻ സ്കൂൾ മേധാവിയുടെ കീഴിൽ ഒരു സപ്പോർട്ടിവ് മോണിറ്ററിംഗ് വിംഗ് എപ്പോഴും നല്ലതാണ്.

ഒരു രക്ഷിതാവെന്ന നിലയിലുള്ള അഭിപ്രായം കൂടി വരുംചർച്ചകൾക്ക് തുടക്കം കുറിച്ച് കൊണ്ട് ഞാനീ കുറിപ്പ് (ദൈർഘ്യം ഭയന്ന്) നിർത്താം. ഒരു മഴയ്ക്ക് ഒരു കുടയെന്നതല്ല രക്ഷിതാവെന്ന നിലയിൽ നമ്മുടെ ഭാഗത്ത് നിന്നുണ്ടാകേണ്ടത്. തന്റെ കുട്ടിയുടെ പഠനഗ്രാഫ് താഴോട്ട് പോകുന്നത് അധ്യാപന നിലവാരക്കുറവ് മാത്രമാണെന്ന് വിധി പറഞ്ഞ് ടി സി വാങ്ങി പോകുന്നതിന് മുമ്പ് അധ്യാപക- രക്ഷകർതൃ - വിദ്യാഭ്യാസ പ്രവർത്തകരടക്കമുള്ളവരുടെ മുന്നിൽ  ഈ വിഷയം നിരന്തരം മുന്നോട്ട് വെക്കുന്നതാണ് കൂടുതൽ ഉചിതം. പുതുതായി ചേർത്ത സ്കൂളിലും സമാന അനുഭവമാണ് എപ്പോഴെങ്കിലും ഫീൽ ചെയ്തതെങ്കിൽ  അനുമാനത്തിൽ വന്ന പിഴവിന് നമുക്ക് തന്നെ കുറ്റബോധമുണ്ടാകാനത്  വഴിവെച്ചേക്കും.

ഒരു സ്ഥാപനം അനുമാനത്തിലെ കയ്യബദ്ധം കൊണ്ട്  മോശം പ്രതിച്ഛായയ്ക്ക് പാത്രീഭവിക്കാൻ നമ്മുടെ മൗത്ത് പബ്ലിസിറ്റി ഒരു കാരണമാകുന്നത് ഒരിക്കലും അഭികാമ്യമല്ലെന്ന് കൂട്ടത്തിൽ പറഞ്ഞ് വെക്കട്ടെ.  
______________________
Rtpen.blogspot.com

Thursday, 20 July 2017

സ്കൂൾ വികസന സമിതി* *നാളെ യോഗം ചേരുമ്പോൾ / അസ്ലം മാവില

*സ്കൂൾ വികസന സമിതി*
*നാളെ യോഗം ചേരുമ്പോൾ*
________________

അസ്ലം മാവില
_______________

കുറച്ച് വർഷം മുമ്പായിരുന്നെങ്കിൽ,  ഈ തലക്കെട്ട്  വായിക്കുമ്പോൾ ഒരു " സർക്കാർ സ്കൂൾ പരിസരം " നമ്മുടെ ആലോചനാ പരിധിയിൽ വരിക അസംഭവ്യമായിരുന്നേനേ! ഇന്നങ്ങിനെയല്ല. മാറ്റങ്ങളും കാഴ്ചപ്പാടുകളും ഇടപെടലുകളുമെല്ലാം ആ തലത്തിലേക്ക്  ഇപ്പോഴെത്തിക്കഴിഞ്ഞു.

നാളെ നമ്മുടെ സ്കൂൾ വികസന സമിതി യോഗം ചേരുകയാണ്. നേരത്തെ ചേർന്ന യോഗങ്ങളുടെ തുടർച്ചയായാണിത്. അവസാന യോഗനടപടികളും തീരുമാനങ്ങളും തുടർചലനങ്ങളും പ്രവർത്തന ഘട്ടങ്ങളും നാളെ തീർച്ചയായും റിവ്യൂ ചെയ്യപ്പെടും.

ഈ കുറിപ്പും ഒരു പക്ഷെ, മിക്ക രക്ഷിതാക്കളിലും അധ്യാപകരിലും പട്ല സ്കൂൾ  ഗുണകാംക്ഷികളിലും എത്തുമെന്ന് തന്നെ ഞാൻ വിശ്വസിക്കുന്നു. ഒരു ഗൃഹപാഠത്തിന് കൂടി നിമിത്തമാകാനുമിത് വഴിവെക്കട്ടെ.

സ്മാർട്ട് സ്കൂൾ എന്ന ലക്ഷ്യസാക്ഷാത്കാരത്തിന്റെ പശ്ചാത്തലമൊരുക്കാനാണല്ലോ സ്കൂൾ വികസന സമിതി രൂപീകരണമുണ്ടായത്. രക്ഷിതാക്കളും പൂർവ്വ വിദ്യാർഥികളും അധ്യാപകരും ഈ സംരംഭത്തിന്റെ ഭാഗമാകാൻ മുന്നോട്ട് വന്നത് ശുഭലക്ഷണമായിരുന്നു.

ചെറിയ ചെറിയ പ്രൊജക്ടുകൾ അവതരിപ്പിച്ച് സംരംഭകരെ ആകർഷിക്കാൻ സമിതിക്ക് സാധിച്ചുവെന്നത് ചെറിയ കാര്യമല്ല. ഔദ്യോഗിക സമിതികൾ കൂടെക്കൂടെ ചേർന്നില്ലെങ്കിലും ഓൺലൈൻ സാധ്യതയുപയോഗിച്ച് പ്രൊജക്ടുകൾ ഹൈലൈറ്റ്  ചെയ്യുന്നതിൽ നാം വിജയിച്ചിട്ടുണ്ട്.  അത് വഴി പൂർവ്വ വിദ്യാർഥികൾക്ക് ഇതിൽ വലിയ ഭാഗമാകാനുമായി. കൺക്റ്റിംഗ് പട്ല പോലുള്ള പട്ല മുഖ്യധാരാ ഓൺലൈൻ ഓപൺ ഫോറങ്ങളിൽ വന്ന അഭ്യർഥനകൾക്കും പ്രൊജക്ട് നിർദ്ദേശങ്ങൾക്കും കുടുംബയോഗങ്ങളിലും ഇ- ഫാമിലി ഫോറങ്ങളിലും  വലിയ പ്രതികരണങ്ങളാണുണ്ടായത്.

ഇനി നാല് വിഷയങ്ങളായിരിക്കണം തുടർ സമിതികളിൽ മുഖ്യ അജണ്ടകളിൽ പ്രധാനമായും ഉൾപ്പെടേണ്ടത്.  ഒന്ന്, ഓഫർ ചെയ്ത പണത്തിന്റെ/ മെറ്റീരിയൽസിന്റെ ശേഖരണം. രണ്ട്, നടന്ന് കൊണ്ടിരിക്കുന്ന പ്രൊജക്ടുകളുടെ വിജയകരമായ പൂർത്തീകരണം. മൂന്ന്, ഓഫർ ചെയ്ത് ഇനിയും തുടങ്ങാത്ത പ്രൊജക്ടുകളുടെ താമസംവിനായുളള ഷെഡ്യൂൾ തയാറാക്കൽ. നാല്,  വികസനസമിതി മുന്നോട്ട് വെച്ച ബാക്കിയുള്ള പ്രൊജക്ടുകൾ ഏറ്റെടുക്കുവാൻ അഭ്യുദയകാംക്ഷികളെ നേരിട്ട് പോയി കാണൽ.

കഴിഞ്ഞ വർഷം നാം കണ്ട ഒരു സർക്കാർ സ്കൂളിന്റെ കോലമല്ല ഇന്നുള്ളത്. പട്ല സ്കൂളിന്റെ എല്ലാ ഹാവഭാവങ്ങളും മാറിക്കഴിഞ്ഞു. നാളത്തെ ( വെളളി)  വികസന സമിതി യോഗത്തിൽ വരാനും ചർച്ചകളിൽ സജീവമാകാനും നാട്ടുകാർക്ക്  ഒരു  പ്രത്യേക ഉത്സാഹം   ഉണ്ടാകുമെന്നതിൽ ഞാൻ സംശയിക്കാത്തതും അത് കൊണ്ട് തന്നെ. പൂർവ്വ വിദ്യാർഥികൾ നാളത്തെ യോഗത്തിലെ അവിഭാജ്യ ഘടകം കൂടിയാണെന്ന് പ്രത്യേകം പറയേണ്ടല്ലോ.
______________________
Rtpen.blogspot.com

പത്താം ക്ലാസ്സ്*: *കുട്ടികളുടെ കാര്യത്തിൽ* *പാരന്റ്സിനുണ്ടാകേണ്ട ശ്രദ്ധ / അസ്ലം മാവില

 *പത്താം ക്ലാസ്സ്*:
*കുട്ടികളുടെ കാര്യത്തിൽ*
*പാരന്റ്സിനുണ്ടാകേണ്ട ശ്രദ്ധയും*
*ഇന്നലത്തെ രക്ഷകർതൃ യോഗവും*
__________________

അസ്ലം മാവില
__________________

പട്ല സ്കൂളിലെ പത്താം ക്ലാസ്സ് പഠിക്കുന്ന കുട്ടികളും അവരുടെ രക്ഷിതാക്കളും അധ്യാപകരും ഇന്നലെ സ്കൂൾ അങ്കണത്തിൽ ഒരു സുപ്രധാന യോഗം ചേർന്നു. 90% രക്ഷിതാക്കളും ഇന്നലെ സംബന്ധിച്ചു. അവർ നേരത്തെ എത്തി, പോകുമ്പോൾ വൈകുകയും ചെയ്തു. HS, യു.പി., എൽ.പി. 'പ്രിസ്കൂൾ  വിഭാഗങ്ങളിലെ രക്ഷകർതൃ സംഗമങ്ങൾ ഇന്ന് നടക്കും.

110 കുട്ടികളാണ് ഇപ്രാവശ്യം പത്തിൽ. A, B, C എന്നീ മൂന്ന് ബാച്ചും. ഇന്നലെ നടന്നത് മൂന്ന് ബാച്ചുകളുടെയും സംയുക്ത യോഗമായിരുന്നു. ഇതിനി ഈ അധ്യായന വർഷം രണ്ട് വട്ടം കൂടി നടക്കുമെന്ന് കരുതുന്നു.

ഇനി മാസാമാസം നടക്കുന്നത്  ഓരോ ബാച്ചിന്റെയും വെവ്വേറെ സ്റ്റിയറിംഗ് യോഗങ്ങളാണ്. അതാണ് ഏറ്റവും പ്രധാനം.  പത്തിലെ കുട്ടികളുടെ എല്ലാ രക്ഷിതാക്കളും  മാസത്തിൽ ഒരു ഉച്ചകഴിഞ്ഞ 2 മണിക്കൂർ സമയം  അതിനായി  മാറ്റിവെച്ചേ തീരൂ.

A,B, C എന്നീ ബാച്ചുകൾക്ക് മാത്രമായി രക്ഷകർത്താക്കളിൽ നിന്ന് തന്നെ ചെയർമാൻ, വൈസ് ചെയർമാൻ എന്നിവരെ വെവ്വേറെ ഇന്നലെ തെരെഞ്ഞെടുത്തുവെന്നത് ഈ അവലോകന യോഗങ്ങളുടെ പ്രാധാന്യം മനസ്സിലാക്കി തരുന്നു. മൂന്ന് ക്ലാസ്സ് ടീച്ചേർസാണ് ചെയർമാൻ, വൈസ് ചെയർമാൻമാരോടൊപ്പം ഈ ക്ലസ്റ്റർ മീറ്റിംഗുകൾക്ക് ചുക്കാൻ പിടിക്കുക.

എല്ലാ മാസവും ക്ലാസ് ടെസ്റ്റ് നടത്തും. അതിന്റെ വാല്യൂഷൻ വളരെ പ്രധാനമാണ്.  പ്രസ്തുത യോഗത്തിൽ ഓരോ കുട്ടിയെയും രക്ഷകർത്താവിന്റെ മുന്നിലിരിത്തിയുള്ള പoനവിലയിരുത്തലുകൾ നടക്കും. ഉഴപ്പി നടന്ന കുട്ടികൾ മതിയായ വിശദീകരണങ്ങൾ തന്നേ തീരൂ.

ഇനി മക്കൾക്ക് പ്രത്യേകം ട്യൂഷൻ വേണ്ട. നമ്മുടെ അധ്യാപകർ തന്നെ നേരത്തെ സ്കൂളിൽ എത്താൻ തയ്യാറാണ്; അത് പോലെ വൈകി പോകാനും. അവർക്ക് കണ്ടിഷൻ ഒന്നേയുള്ളൂ - എല്ലാ മക്കളും അധ്യാപകർ പറയുന്ന സമയത്ത് ക്ലാസ്സിലെത്തണം. 35 പിള്ളേരുള്ള ക്ലാസ്സിൽ 35 ഉം ഹാജരാകണമെന്നർത്ഥം. വരാൻ വൈകുന്നവരെ പറ്റി കാരണസഹിതം അവരുടെ രക്ഷിതാക്കൾ ക്ലാസ് ടീച്ചർക്ക് വിളിച്ച് പറയുകയും വേണം. അതു തോന്നുമ്പോഴല്ല ; അതിരാവിലെ തന്നെ.

ഇത് പെട്ടിക്കട സ്കൂളല്ല. നാളെ അംഗീകാരം റദ്ദാകുമോന്ന്  പേടിക്കുന്ന സ്ഥപനവുമല്ല. നമ്മുടെ സർക്കാർ സ്കൂളാണ്. എ നമ്പർ വൺ മോഡൽ സ്കൂൾ.

ഇത്രയും ശ്രദ്ധയും ശുഷ്ക്കാന്തിയും കാണിച്ചിട്ടും കുട്ടികളെങ്ങാനും തേരാപാര നടന്നാൽ ഇനി അതിന്റെ മുഴുവൻ ഉത്തരവാദിത്വവും എന്നെപ്പോലുള്ള രക്ഷിതാക്കൾക്ക് തന്നെയാണ്. അത് കൊണ്ട്  ഈ വർഷത്തെ SSLC ബാച്ചിന് വലിയ ഉത്തരവാദിത്വമുണ്ട്. അത് ഉണ്ടെന്ന് മനസ്സിലാക്കി തന്നെയാണ്  ഇന്നലത്തെയോഗത്തിൽ നിന്ന് എല്ലാവരും പിരിഞ്ഞതും.

വൈകുന്നേരമുള്ള 7 മുതൽ 10 വരെയുള്ള സമയം കുട്ടികൾ (ആൺകുട്ടികൾ) ഒരു കാരണവശാലും വീട്ടിന്ന് പുറത്തിറങ്ങില്ലെന്ന് ഉറപ്പ് വരുത്തരണം, വളരെ വളരെ അത്യാവശ്യമൊഴികെ.

പ്രാർഥനക്ക് ഒരു സമയമുണ്ട്. അതും കഴിഞ്ഞ് 10 മിനിറ്റ് വൈകിയെങ്കിൽ, പിന്നെ കൊറെ പരീക്ഷണങ്ങൾക്ക് നിൽക്കരുത്.  വീട്ടിൽ അതിനുള്ള സൗകര്യം ചെയ്യുക. മഗ്രിബ് വരെ  പറഞ്ഞിട്ടും തീരാത്ത സൊറയായിരിക്കാം പിന്നെയും അവർക്ക് പറയാനുണ്ടാവുക. പുറത്ത് വിട്ടാലല്ലേ അത് നടക്കൂ - വിടണ്ട, തീർന്നല്ലോ.

പെൺകുട്ടികൾക്കും  അടുക്കളിലെ സഹായമൊക്കെക്കഴിഞ്ഞ് 7- 10 ഇടയിലുള്ള സമയത്തിൽ കൂടുതൽ ഭാഗവും പഠിക്കാനായി രക്ഷിതാക്കൾ വിട്ട് കൊടുക്കണം. രാവിലെ കിട്ടുന്ന സമയവും എല്ലാവരും മാക്സിമം ഉപയോഗപ്പെടുത്തുക.

ഇന്നലത്തെ ആ യോഗത്തിൽ സംബന്ധിച്ചപ്പോൾ വളരെ നല്ല അനുഭവം. അധ്യാപകരുടെയും രക്ഷിതാക്കളുടെയും ഉത്സാഹം കണ്ടപ്പോൾ  വളരെ സന്തോഷവും തോന്നി.

എല്ലാവരും ഒന്നാഞ്ഞു വലിച്ചാൽ ഇക്കുറി പത്തിൽ മികച്ച ഗ്രേഡുകൾ ലഭിക്കും, അതുറപ്പ്.  100 മേനിയുടെ തിളക്കത്തിന് അതൊന്നുകൂടി വെളിച്ചം കൂടും. ലക്ഷമണൻ മാഷ് നന്ദി പ്രസംഗത്തിൽ പറഞ്ഞത് പോലെ നമ്മുടെ സ്കൂളിന്  പുതിയ ഭാവവും രൂപവും അതിലേറെ തെളിച്ചവും വെളിച്ചവും നൽകിയ ഹെഡ്മിസ്ട്രസ്സ് റാണി ടീച്ചർ ഇക്കൊല്ലം അധ്യാപന രംഗത്ത് നിന്ന് വിരമിക്കുമ്പോൾ, അവർക്ക്  നമ്മുടെ സ്കൂളും കുട്ടികളും നൽകുന്ന ഏറ്റവും നല്ല ഗുരുദക്ഷിണയും സമ്മാനവുമായിരിക്കുമത്.

അതിന് ഇട വരട്ടെ, എല്ലാവരും പ്രയത്നിക്കുക.
____________________
Rtpen.blogspot.com

ഒാട്ടോഗ്രാഫ്. / അദ്ദി പട്ല

'' *ഒാട്ടോഗ്രാഫ്* ''📩



💉

അവളവനെഴുതി...,,🖊

'''മായാത്ത ഇ മെയിലും.. എഫ് ബിയും., ഗൂഗ്ൾ ,എെഡിയും...!!
മറക്കാത്ത ഫോൺ നമ്പരും ഉണ്ടെങ്കിൽ എന്തിനീ  ഒാട്ടോ ഗ്രാഫ്..''
മെെ...ഇമെയിൽ ×××××××××@gmail.com
മെെ...,,മൊബെെൽ നമ്പർ  ××××××××××
വിനോദം..ചാറ്റിങ് ..

ലോകത്തിന്റെ മൂലയിൽ എവിടെയെങ്കിലും വെച്ച്  നാം കണ്ട് മുട്ടുകയാണെങ്കിൽ മേൽ പറഞ്ഞവ തരാൻ മറക്കരുത്..,,!!
നീ നിന്റെ  മാതാപിതാക്കളെ മറന്നാലും..,,
എന്നെ മറക്കല്ലെ...,!!

കല്ല്യാണം  കഴിക്കാൻ പോകുന്നവരോടായ് അവളെഴുതി...വീണ്ടും.!!
ചൂടിയ പൂ ചൂടിയാലും..,,വാടിയ പൂ ചൂടരുത്..!!

കല്ല്യാണം  കഴിഞ്ഞവളെഴുതി...

വിടർന്ന പൂവിനെ കാണുമ്പോൾ വാടിയ പൂവിനെ മറക്കുക..!!

ഒരിക്കലെങ്കിലും..പ്രണയിക്കാത്തവരും..പ്രണയം തോന്നാത്തവരും..., പ്രണയിക്കുന്നവരും അല്ലായിരുന്നെങ്കിൽ ..,,

*നിങ്ങൾക്കെന്നെ  കല്ലെറിയാം...!!*

.                      



🔱🔱🔱🔱🔱🔱

സോഷ്യൽ മീഡിയ : തിരിച്ചറിയേണ്ട ചിലത് / P. A. Musthafa

*സോഷ്യൽ മീഡിയയിൽ എഴുതുന്ന ഓരോ അക്ഷരവും നിങ്ങളുടെ നിലപാടാണെന്ന് തിരിച്ചറിയുക*
➖➖➖➖➖➖➖➖
     *P. A. Musthafa*
Face book. Pa Musthafa
pamusthafa@rediffmail.com

ചുമരിനു പെയിന്റ് ചെയ്യുന്നത് പോലെ കറുത്ത ചുമരിന് വെള്ള പെയിന്റടിച്ചു മാറ്റുന്നത് പോലെ നിമിഷങ്ങൾക്കകം തിരിച്ചു മറിച്ചും പ്രചരിപ്പിക്കാൻ പറ്റിയ ചുമരാണ് സോഷ്യൽ മീഡിയ നടൻ സിദ്ധീക്ക് ഈ അടുത്ത ദിവസം മീഡിയക്കാരോട് പറഞ്ഞത് ഇവിടെ ചേർക്കുന്നു "
 മലയാളികളായ നാം സോഷ്യൽ മീഡിയ വരുന്നതിന് മുൻപ് ട്രൈ നിന്റെ വാതിലിലും റയിൽവേ സ്റ്റേഷനിൽ ടോയിലറ്റിന്റെ ഡോറുകളിലും പലരും തന്റെ മനോ നിലയ്ക്കനുസരിച്ച് എഴുതാറുണ്ടായിരുന്നു"

അതാണ് ഇന്ന് സോഷ്യൽ മീഡിയയിൽ ഒരോരുത്തരുടെ മനോ നിലയ്ക്കനുസരിച്ച് കുറിക്കുന്നതല്ലേ കണ്ട് വരുന്നത് ... സിദ്ധീക്ക് പറഞ്ഞത് വളരേ ശരിയാണ്. അത് കൊണ്ട് നിങ്ങൾ ഷയർ ചെയ്യുന്ന അല്ലെങ്കിൽ ഫോർവേർഡ് ചെയ്യുന്ന മെസ്സേ ജുകൾ പൂർണ്ണമായി വായിക്കുകയോ കേൾക്കു കയാ ചെയ്ത് വിലയിരുത്തിയതിന് ശേഷം മാത്രം ഷയർ ചെയ്യുക. അന്ധമായി ഷെയർ ചെയ്യുന്നത് സമൂഹത്തിൽ ഉണ്ടാക്കുന്ന ഭവിഷ്യത്ത് ചെറുതെന്നും അല്ല, സത്യം അസത്യമായും, അസത്യം സത്യമായും പ്രചരിപ്പിക്കുക സാമൂഹ്യ വ്യവസതയിൽ ഉണ്ടാക്കുന്ന മാറ്റങ്ങൾ ആപത്കരണമാണ്. ഇത് നമ്മുടെ സമൂഹത്തെ മോശമായ തലത്തിലേക്ക് എത്തിക്കുന്നു എന്നത് ഈ അടുത്ത കാലത്തുണ്ടായ ഒരുപാട് സംഭവങ്ങൾ നമുക്ക് മുന്നിലുണ്ട് അത് കൊണ്ട് ഒരോ ദിവസം ഉണ്ടാകുന്ന ഒരോ വിഷയത്തിനോടനുബന്ധിച്ച് വരുന്ന ക്കുറിപ്പ് അപ്പാടെ ഫോർവേഡ് ചെയ്യുന്നത് സാമൂഹ്യ നന്മക്ക് ഒരു ഗുണവും ചെയ്യില്ല എന്ന് നാം തിരിച്ചറിയണം.

ന്യൂ ജനറേഷൻ മാത്രമല്ല 10 വയസ്സ് മുതൽ 70 വയസ്സ് വരെ ഉള്ളവർ സോഷ്യൽ മീഡിയൽ സജീവമാണ് അത് കൊണ്ട് സോഷ്യൽ മീഡിയ എന്നത് ലോകത്തെ ഡ്രൈവ് ചെയ്ത് കൊണ്ടിരിക്കുന്ന  നവ മാധ്യമമാണ്,തിൻമ ആയാൽ പാതാളത്തിലേക്കുള്ള വഴിയായിരിക്കും, നന്മ ആയാൽ പർവ്വതങ്ങളിലേറി നന്മയുടെ വെള്ളി വെളിച്ചം വീശി തുടങ്ങും. നന്മയുടെ പ്രകാശം പരത്തുന്നവരാകുവാൻ നാം ഒരോരുത്തരും പരിശ്രമിക്കുക.

Tuesday, 11 July 2017

ഇനി പറയാതെ വയ്യ / അസ്ലം മാവില

*ഇനി പറയാതെ വയ്യ*
________________

അസ്ലം മാവില
_______________

എനിക്ക് അത്ഭുതം തോന്നിയത്  മറ്റു അംഗങ്ങൾ എന്ത് കൊണ്ട് ബാക്കിയുള്ള പത്രങ്ങളുടെ എഡിറ്റോറിയൽ ഇവിടെ പോസ്റ്റ് ചെയ്യാൻ താത്പര്യം കാണിക്കുന്നില്ല എന്നതിലാണ്.

കുറച്ച് മെനക്കടണം. കുറച്ച് സമയം മാറ്റിവെക്കേണ്ടി വരും. അത്ര എളുപ്പം നടക്കുന്ന വിഷയവുമല്ല.

ചില തെറ്റുധാരണകൾ തിരുത്തിയേ തീരൂ. അതിൽ ചിലവ - ഞാനിതിലൊന്നും ഇടപെടേണ്ടവനല്ല. എന്നെ ആരു ശ്രദ്ധിക്കും ? ആര് വായിക്കും ?  ഇതൊക്കെ എന്ത് ?

മനസ്സിലാക്കേണ്ട ഒന്ന് - എഡിറ്റോറിയൽ ഒരു പത്രത്തിന്റെ നിലപാട് മാത്രമല്ല; അതിൽ നിന്ന് ഒരുപാട് അറിവുകൾ നമുക്ക് ലഭിക്കും. ഡാറ്റാസ് ശേഖരിക്കാൻ സാധിക്കും. നമുടെ പ്രതിവായനയ്ക്കും പ്രതിദിനവായനയ്ക്കും സംവാദത്തിനും വഴിയൊരുക്കും.

 അഭിപ്രായങ്ങളിൽ തന്നെ അപ്ഡേഷൻ നടക്കും. ഇങ്ങിനെയുമൊരു കാഴ്ചപ്പാടുണ്ടെന്ന് നമ്മെ ബോധ്യപ്പെടുത്തും. ഓരോ വാചകങ്ങളും ഒന്നിനൊന്ന് മെച്ചവുമായിരിക്കും.

അത്യാവശ്യം വിവരവും പരിജ്ഞാനവുമുള്ളവരാണ് എഡിറ്റോറിയൽ ബോർഡിൽ ഉണ്ടാവുക. അത് കൊണ്ട് നല്ല ഭാഷയായിരിക്കും. കണക്കുകളും കാര്യങ്ങളുമവതരിപ്പിക്കുന്നതിനും ചില വസ്തുതാപരമായ മാനദണ്ഡങ്ങൾ ഉണ്ടാകും.

ചില രാഷട്രങ്ങൾ ലോകത്തോട് ഔദ്യോഗികമായി സംസാരിക്കുന്നത് എഡിറ്റോറിയൽ വഴിയാണ്. ഖതറിനെതിരെ സഊദി സഖ്യരാഷ്ട്രങ്ങൾ ഉപരോധമേർപ്പെടുത്തുന്നതിന് മുമ്പ് ആ രാജ്യങ്ങളിലെ പത്രാധിപ കോളങ്ങളായിരുന്നു വിവാദങ്ങൾക്കും സംവാദങ്ങൾക്കും തുടക്കമിട്ടത്. രാഷ്ട്ര നേതൃത്വങ്ങളുടെ അനുമതി ഉണ്ടായിരിക്കണം.

ചൈന, ഉത്തര കൊറിയ പോലുള്ള  രാജ്യങ്ങളുടെ മിക്ക അഭിപ്രായങ്ങളും നിലപാടുകളും മുന്നറിയിപ്പുകളും  നാം വായിക്കുന്നതും അറിയുന്നതും ആ നാടുകളിൽ നിന്നുള്ള എഡിറ്റോറിയൽ കോളങ്ങളിൽ കൂടിയാണല്ലോ.

കാസർകോട് ജില്ലാ രൂപീകരണത്തിന് തന്നെ ഉത്തരദേശം പത്രം  നിരന്തരമെഴുതിയ എഡിറ്റോറിയൽ കോളങ്ങൾ ഒരു കാരണമാണ്. കാസർകോട് തന്നെ കേരളത്തിന്റെ ഭാഗമാകാനും മാതൃഭൂമി പത്രാധിപർ കെ .പി . കേശവമേനോനെ പോലെയുള്ളവരുടെ എഴുത്തിടപെടലുകൾ വലിയ പങ്ക് വഹിച്ചിട്ടുണ്ട്.

ചില പത്രങ്ങളുടെ എഡിറ്റോറിയൽ വായിക്കാൻ തന്നെ സുഖമാണ്. ചിലർ അതിന്റെ അഡിക്റ്റുമാകാറുണ്ട്. നിങ്ങളെ നല്ല എഴുത്തുകാരനും ബോറടിക്കാത്ത വാചകമടിക്കാരനും  പ്രസംഗകനുമൊക്കെയാക്കുവാൻ എഡിറ്റോറിയൽ കോളങ്ങൾ പേജുകൾക്കാകും.

വ്യക്തിപരമൽപം : വിദ്യാർഥി-യുവത്വ കാലങ്ങളിൽ എന്റെ പ്രസംഗശൈലിയും,  അതിന്റെ ഘടനയും ഉള്ളടക്കവും  രൂപപ്പെടുത്തുന്നതിൽ മാധ്യമം, കേരളകൗമുദി, ശബാബ് തുടങ്ങിയ പത്രപ്രസിദ്ധീകരണങ്ങളിലെ എഡിറ്റോറിയൽ കോളങ്ങൾ ചെറുതല്ലാത്ത പങ്ക് വഹിച്ചിട്ടുണ്ട്. 1985- 90 കാലങ്ങളിലെ മാധ്യമം എഡിറ്റോറിയൽ നീളത്തിൽ  കട്ട് ചെയ്ത് ശേഖരിച്ച് വെച്ചത് ഇന്നുമെന്റെ തറവാട്ട് വീട്ടിലെ മച്ചിന്മേൽ പരതിയാൽ കിട്ടും. ഞാൻ ഡിഗ്രിക്ക് പഠിച്ച കോളേജ് ലൈബ്രറിയിൽ നിന്ന് സോഡാക്കണ്ണൻ ലൈബ്രേറിയന്റെയും "ഏംഗൽസ് "  ലൈബ്രേറിയന്റെയും കണ്ണുകൾ വെട്ടിച്ച്,   എഡിറ്റോറിയൽ പേജ് ഒരു തലക്ക് നിന്ന് മുറിച്ച് ആയത്തിലത് ചുരുട്ടിച്ചുരുട്ടി അടർത്തിയെടുക്കുക എന്നത് അന്നത്തെ വലിയ സാഹസങ്ങളിൽ ഒന്നായിരുന്നു.  
__________________🌱

Crime is crime / പി. എ. മുസ്തഫ

Crime is crime
➖➖➖➖➖➖
പി. എ. മുസ്തഫ

എത്ര നന്മ ചെയ്യുന്നവനായലും ക്രിമിനൽ മൈണ്ടോടെ നടക്കുന്നവനെ നാം തിരിച്ചറിയണം. മനസ്സു കൊണ്ട് ഒരാളെയൊ ഏതെങ്കിലും സംവിധാനത്തെയോ തകർക്കാൻ ശ്രമിക്കുന്നതും crime ആണ്.

എല്ലാം ഒരു നിമിത്തം ആയി കണ്ട് ജീവിതം മുന്നോട്ട് കൊണ്ട് പോകാത്തതാണ് ദിലീപിന് പറ്റിയ ബുദ്ധി ശൂന്യം. അല്ലെങ്കിൽ നാല് വർഷക്കാലം ഒരു കുറ്റം ചെയ്യാൻ മനസ്സിലത് വെച്ചു നടന്നു എന്നറിയുമ്പോൾ ഞെട്ടൽ ചെറുതൊന്നും അല്ല. ദിലീപിന്റെ കുടുംബ ജീവിതം തകർക്കാൻ ആ ഇര എന്തെങ്കിലും ചെയ്തിട്ടുണ്ടെങ്കിൽ ആ ഇരയ്ക്ക് ദൈവം തന്നെ അവർക്ക് അവരുടെ ജീവിതത്തിൽ കൊടുക്കുമായിരുന്നു . ഇപ്പം എന്തായി ? ദിലീപ് തന്റെ കാലിനടിയിലെ മണ്ണ് എടുത്ത് മാറ്റാൻ അദ്ദേഹം തന്നെ അവസരം നൽകി എന്നാണ് വസ്തുത.

പാര ആർക്കും പണിയാം ആ പാര തനിക്ക് തന്നെ ഒരു ദിവസം തിരിഞ്ഞു കുത്തുമെന്ന് ദിലീപ് ഇപ്പോൾ ജയിലിനകത്ത് നിന്ന് ആലോചിച്ചു തല പുകയ്ക്കുന്നുണ്ടാവും. പറഞ്ഞിട്ടെന്ത് കാര്യം,  കൈ വിട്ട് പോയില്ലേ ?

Saturday, 8 July 2017

പ്രേമം, മിശ്രവിവാഹങ്ങൾ, അനന്തര കോലാഹലങ്ങൾ / അസ്ലം മാവില

പ്രേമം,
മിശ്രവിവാഹങ്ങൾ,
അനന്തര കോലാഹലങ്ങൾ

അസ്ലം മാവില

വേറിട്ടൊരു ചിന്തയാണോ ഇനി പറയുന്ന വിഷയത്തിൽ നിങ്ങൾ സമാനമനസ്കരാണോ എന്നെനിക്കറിയില്ല. ഈ ഫോറത്തിലുള്ളവർക്ക് എക്സ്ക്ലൂസായി വായിക്കാനോ (ഇs പെടാനോ ) ഒരു വിഷയം എന്ന രൂപത്തിൽ ഇതിനെ കണ്ടാൽ മതി. മറ്റു ഗ്രൂപ്പുകളിലേക്ക് ഫോർവേർഡ് ചെയ്യേണ്ടതില്ല.

കോടതി വളപ്പിലെ ഒരു പിതാവിന്റെ നിലവിളി ഒരു മിനിറ്റിൽ താഴെയുള്ള വീഡിയോ വഴി സോഷ്യൽ മീഡിയയിൽ രണ്ട് ദിവസമായി മൊത്തം കറങ്ങുകയാണല്ലോ. ഒപ്പം തലങ്ങും വിലങ്ങും ടെക്സ്റ്റുകളുടെ പൂരവും അതിന് ചുവട് പിടിച്ച്  കുറെ പ്രസംഗകരുടെ വോയിസ് നോട്ടുകളും. (പ്രേമം തലക്ക് പിടിച്ച രണ്ട് സമുദായത്തിൽ പെട്ടവരുടെ കേസ് കോടതിയിൽ എത്തിയതുമായി ബന്ധപ്പെട്ടതാണ് വിഷയം.)

റാഹീ... റാഹീ.. വിളിയാണിപ്പോൾ അന്തരീക്ഷത്തിലെങ്ങും. ഒന്നൊന്നൊര വര്ഷം മുമ്പ് സമാന രീതിയിൽ കോടതിയിൽ നാടകീയമായ രംഗങ്ങളുണ്ടാക്കിയ സംഭവമുണ്ടായിരുന്നു. അതാകട്ടെ ഭർതൃമതിയായ ഒരു സ്ത്രീ രണ്ടോ മൂന്നോ മക്കളെ ഉപേക്ഷിച്ച് കാമുകന്റെ കൂടെ പോകാൻ കോടതി വളപ്പിൽ തീരുമാനിച്ചതായിരുന്നു വിഷയം. അന്ന്  കുട്ടികളും മാതാപിതാക്കളും കൂടിയുള്ള നിലവിളിയായിരുന്നു സോഷ്യൽ മീഡിയയിൽ നിറഞ്ഞ് നിന്നത്.

ഇതൊക്കെ വായിക്കുന്ന,  കേൾക്കുന്ന ശുദ്ധമനസ്കനായ ഒരാൾക്ക് എന്താണ്  തോന്നുക ? ഇപ്പറഞ്ഞത്  ഒരു സുപ്രഭാതത്തിലോ ഒറ്റ രാത്രി കൊണ്ടോ നടക്കുന്ന ഒന്നായിട്ടാണോ?

ആഴ്ചകളും മാസങ്ങളുമെടുത്ത് ആരുടെയും കണ്ണിലും കാതിലും ശ്രദ്ധയിലും പെടാത്ത രൂപത്തിൽ, ഇനി അഥവാ പെട്ടാൽ തന്നെ അതിനുള്ള മറുമരുന്ന് കാലേകൂട്ടി തയ്യാറാക്കിയും നടത്തുന്ന ഏർപ്പാടല്ലേ ശരിക്കുമിത്.

ഒരു സംശയവുമില്ല,  ഏതെങ്കിലുമൊരു തരത്തിൽ ഈ വിഷയം  ബന്ധുക്കൾക്ക് നേരത്തെ എത്തിയിരിക്കും. മാതാപിതാക്കൾ അറിയാൻ ചിലപ്പോൾ കാലതാമസമെടുക്കുന്നുണ്ടാകും. പക്ഷെ, അടുത്ത സുഹൃത്തുക്കളോ അകന്ന ശത്രുക്കൾ വഴിയോ ഈ പ്രക്രിയയുടെ തുടക്ക ദിനങ്ങൾ അറിയേണ്ടവരിലേക്ക് എത്തുന്നുമുണ്ടാകും. അതിന്റെ നിജസ്ഥിതി അറിയാനോ വളരെ ഡിപ്ലോമാറ്റിക്കായി കൈകാര്യം ചെയ്യുവാനോ മാതാപിതാക്കൾക്ക്  സാധിക്കാറില്ല എന്നതാണ് വിഷയം. വിഷയം ചെവിയിലെത്തിച്ചവന്റെ മെക്കിട്ട് കേറാനായിരിക്കും പലപ്പോഴും പലർക്കും താൽപര്യം. ചില കേസുകൾ രക്ഷിതാക്കളെ വളരെ വൈകിയാണ്  പലരും അറിയിക്കുക (എല്ലാ മതസ്ഥരിലും ഈ ഒരു പ്രശ്നമുണ്ടാകുമെന്ന് ഞാൻ കരുതുന്നു )

എല്ലാവരും സോഷ്യൽ മീഡിയയിൽ വൈകാരികമായി  കാടടച്ച് പ്രതികരിച്ചാൽ എന്ത് ഫലമാണ് ലഭിക്കുക ? ഇതൊക്കെ വായിച്ച് ഇനിയുമിപ്പോൾ പെൻഡിംഗിൽ കിടക്കുന്നവരും, അടുത്ത ഊഴത്തിനായി കാത്തിരിക്കുന്നവരും പിന്തിരിയുമെന്ന് കരുതുന്നുണ്ടോ? അവരുടെ ശ്രദ്ധയിൽ ഇതത്ര ഗൗരവമായി വരുമോ ? I dont think So.

ഏത് മത വിഭാഗത്തിൽ പെട്ടവരായാലും, തങ്ങളറിയാതെ ദീർഘനാളായി കാലേകൂട്ടി തയാറാക്കിയ ഒരു തിരക്കഥയുടെ ഭാഗമായി,  കുടുംബ ബന്ധങ്ങൾ തത്കാലത്തേക്കോ എന്നെന്നേക്കുമായോ വേർപെടുത്തി , പെണ്മക്കൾ അത് വരെ ജീവിച്ച വീടും കുടുംബവും വിട്ടിറങ്ങിപ്പോകുമ്പോൾ സ്വാഭാവികമായും മാതാപിതാക്കൾക്ക്  അതിന്റെതായ പ്രയാസവും ദു:ഖവുമുണ്ടാകുക സ്വഭാവികം.  ഒരു പക്ഷെ വലിയ ഒരു ഒറ്റപെടൽ ആ വീട്ടുകാരിൽ ഉണ്ടാകാനും സാധ്യതയുണ്ട്.  കുടുംബത്തിലും അയൽപ്പക്കങ്ങളിലും ഈ അകൽച്ച ദൃശ്യമാവുകയും ചെയ്യും.  വിവാഹപൂർവ്വ പ്രേമമെന്ന സങ്കൽപം തന്നെ അന്യമായ ഇസ്ലാം മതക്കാർക്ക്  പ്രത്യേകിച്ചും.

ഇവയൊക്കെ തിരിച്ചറിഞ്ഞ്, സാഹചര്യങ്ങൾ മനസ്സിലാക്കി, മക്കളിലും കൗമാരക്കാരിലും ബോധനം നൽകാൻ പറ്റുന്ന മഹല്ല് മതനേതൃത്വത്തിനേ എന്തെങ്കിലും ചെയ്യാൻ സാധിക്കൂ. അറബി കോളേജിലെയും പള്ളിദർസുകളിലേയും പഠനം കഴിയുന്നതോടെ പിന്നെ ഒരു ക്ലാസ്സിലും പഠിക്കാനോ, അറിയാനോ ഒരാളുടെ മുമ്പിലും  ഇരിക്കില്ലെന്ന് വാശി പിടിക്കുന്ന (അവർ ഏത് വിഭാഗമായിക്കൊളളട്ടെ) ഖത്വീബുമാർക്ക്  ഈ വിഷയത്തിലെന്നല്ല, കാലികമായ ഒരു വിഷയത്തിലും ഒന്നും ചെയ്യാനില്ല. വെറുതെ "ചറപറ" പറഞ്ഞ് കറണ്ട് ചാർജ് കൂട്ടാമെന്നല്ലാതെ കാടടച്ച് വെടിവെച്ച് ഒച്ചയുണ്ടാക്കി ഒരു കാര്യവുമില്ല. സോഷ്യൽ മീഡിയയിലെ ആവേശക്കാർ  "മഹല്ല് നേതൃത്വം ഉണരണ"മെന്നിങ്ങനെ പറഞ്ഞോണ്ടിരിക്കാമെന്നല്ലാതെ ഗുണപരമായി  വല്ലതും നടക്കാനോ നടത്താനോ പോകുന്നുമില്ല.

പെണ്ണ് ഹിന്ദുവോ മുസ്ലിമോ കൃസ്ത്യനോ ആരായാലും, അവരേത്  സമുദായക്കാരായാലും,   ഇത്തരം കെട്ട് കേസുകളുണ്ടാകുമ്പോൾ  ആൺവീട്ട്കാർ നൽകുന്ന സ്വീകരണമാണ് (തത്കാലത്തേക്കോ, പെർമനന്റായോ) മിക്ക പെൺകുട്ടികൾക്കും ഇത്തരം സാഹസങ്ങൾക്ക്  ഒരു പരിധി വരെ പ്രോത്സാഹനമായി മാറുന്നതെന്നാന്ന്  ഞാൻ മനസ്സിലാക്കുന്നത്.  പിന്നെ, പ്രേമമെന്നത് സ്വസമുദായങ്ങൾക്കിടയിലും മിശ്ര സമുദായങ്ങളിലുമുള്ള ഒരേർപ്പാടാണ്. ഇപ്പോഴത് ആളോഹരി വർധിച്ചിട്ടുമുണ്ട്.  വർഗ്ഗീയ - രാഷ്ട്രീയമാനങ്ങൾ കൂടി കടന്നുവന്നുവെന്നതാണ് ഈ അടുത്ത കാലത്തുണ്ടായ വലിയ ടെർണിംഗ് പോയിന്റ്.
 

Friday, 7 July 2017

*ഇടപെടലുകളാണ്* *സാംസ്കാരിക കൂട്ടായ്മകളിലുണ്ടാകേണ്ടത്;* *വിവാദങ്ങളല്ല/ അസ്ലം മാവില

*ഇടപെടലുകളാണ്*
*സാംസ്കാരിക കൂട്ടായ്മകളിലുണ്ടാകേണ്ടത്;*
*വിവാദങ്ങളല്ല*
__________________

അസ്ലം മാവില
__________________

ജനാധിപത്യ ലോകത്ത് അഭിപ്രായ സ്വാതന്ത്ര്യത്തിന് കൂച്ചുവിലങ്ങിടുക എന്നത് മൗഢ്യമാണ്. അങ്ങിനെ ചിന്തിക്കുന്നതും അതിനുള്ള ഏർപ്പാടുകളിൽ മുഴുകുന്നതും ശരിയല്ല താനും. എല്ലാവർക്കുമതറിയുകയും ചെയ്യും. ഇത് ആദ്യമേ പറഞ്ഞ് വെക്കട്ടെ.

പൊതുലൈബ്രറിയിൽ പാലിക്കുന്ന ചില ചിട്ടവട്ടങ്ങളുണ്ട്. അകത്തെ മതിലിൽ നിശബ്ദമെന്ന്  എഴുതിവെക്കാത്ത ഒരു ലൈബ്രറിയുമുണ്ടാകില്ല. പാർട്ടി ലൈബ്രറികളാണെങ്കിലും സാമുദായികയിനം തിരിച്ചുള്ള "കചടതപ "ലൈബ്രറികളാണെങ്കിലും ഇത് പാലിക്കപ്പെടാറുണ്ട്.

മറ്റു ഉദാഹരണങ്ങളൊന്നും നൽകാതെ വായനാശാലാ പൊതുമര്യാദ മാത്രം എഴുതിയതിൽ നിന്നും വായനക്കാർ ഈ കുറിപ്പിന്റെ ഉദ്ദേശവും  അതിനോടനുബന്ധിച്ചുള്ള കാര്യങ്ങളും എളുപ്പം മനസ്സിലാക്കുമല്ലൊ. അതിനുള്ള പക്വതയും പാകതയും എല്ലാവർക്കുമുണ്ടെന്ന് ഞാൻ കരുതുന്നു.

ചില ലക്ഷ്യങ്ങൾ നടപ്പിലാക്കുന്നതിന്റെ ഭാഗമായാണ് കൂട്ടായ്മകളും അനുബന്ധ സംവിധാനങ്ങളും ഇരുത്തങ്ങളുമുണ്ടാക്കുന്നത്. ഇന്ന് നടന്ന ഗ്രാമസഭയിൽ അഭിപ്രായ വ്യത്യാസങ്ങൾ മറന്ന് നാട്ടുകാരായ സമ്മതിദായകർ ഒന്നിച്ചിരിക്കുമ്പോൾ അവരുടെ മനസ്സുകളിൽ അറിയാതെ രൂപപ്പെടുന്ന കെമിസ്ട്രിയുണ്ട്. ഒരു വാർഡിന് കിട്ടാവുന്നതൊക്കെ പരിമിതികൾ തിരിച്ചറിഞ്ഞ് ചോദിച്ചു വാങ്ങുകയോ ആവശ്യങ്ങൾ അധികാരികളെ ബോധ്യപ്പെടുത്തുകയോ ചെയ്യുക എന്നതാണത്. അവിടെ ആഗതരിൽ ആരുടെയെങ്കിലും  സദുദ്ദേശത്തിന് ഭംഗം വരുമ്പോൾ അവ തിരിച്ചറിയാനുള്ള രാഷ്ട്രീയ പ്രബുദ്ധത, ഏറ്റക്കുറച്ചിലുണ്ടാകുമെങ്കിലും, ഓരോരുത്തർക്കുമുണ്ട്. ഉണ്ടായേ തീരൂ.

ഈ ആമുഖങ്ങൾക്ക് ശേഷം വിഷയത്തിലേക്ക്. സാംസ്കാരിക കൂട്ടായ്മയിലും ചിലതൊക്കെ പാലിക്കപ്പെടുമ്പോഴാണ് ഔന്നത്യം നിലനിർത്തപ്പെടുന്നത്. അവിടെ "ചെയ്യൂ, ചെയ്യരുത്" എന്നത് എഴുതിപ്പറഞ്ഞുകൊണ്ടേയിരിക്കേണ്ട ഒരേർപ്പാടല്ല. നമ്മുടെ തന്നെ തിരിച്ചറിവുകളാണ് നമ്മുടെ സൈൻബോർഡുകളും മുന്നറിവുകളും. (മുന്നറിയിപ്പെന്ന് ബോധപൂർവ്വം ഞാൻ ഉപയോഗിക്കാത്തതാണ് ). ആ വിഷയത്തിൽ ഓരോരുത്തരുടെയും നല്ല ബോധ്യമാണവരെ മര്യാദയുടെ മാനദണ്ഡം നിശ്ചയിക്കുന്നത്.

ചില വിഷയങ്ങളെ വിവാദമെന്ന് ജനറലൈസ് ചെയ്യാതെ ( സാമാന്യവൽക്കരിക്കാതെ) ഇടപെടലുകളെന്ന് പേര് വിളിക്കുകയും ആരോഗ്യകരമായ തലത്തിലേക്കത്  എത്തിക്കുകയും ചെയ്യുമ്പോഴാണ് സാംസ്കാരിക കൂട്ടായ്മകൾ വ്യതിരിക്തമാകുന്നത്. അല്ലെങ്കിൽ "അതുമിതും " എന്ത് വ്യത്യാസതെന്ന് വായനക്കാർ  എളുപ്പം  ഗണിച്ചെടുക്കും. അതിന് സഹൃദയരോരുത്തരും  കോലോത്തെ കണിയാനാകണമെന്നില്ല.
______________________
Rtpen.blogspot.com

സുബ്രതോ കപ്പ്* *സബ് ജില്ലാ ഫുട്ബോൾ* *(ജൂനിയർ വിഭാഗം)* *ജി.എച്ച്.എസ്. പട്ല* *റണ്ണർസ് അപ്പ്

*സുബ്രതോ കപ്പ്*
*സബ് ജില്ലാ ഫുട്ബോൾ*
*(ജൂനിയർ വിഭാഗം)*
*ജി.എച്ച്.എസ്. പട്ല*
*റണ്ണർസ് അപ്പ്*
_____________________

Rtpen.blogspot.com
_____________________

ഇന്ന് രാവിലെ മുതൽ കാസർകോട് സ്റ്റേഡിയത്തിൽ നടന്ന സ്കൂൾ തലത്തിലെ  കാസർകോട് സബ് ജില്ലാ , ജൂനിയർ വിഭാഗം സുബ്രതോ ഫുട്ബോൾ ടൂർണമെന്റിൽ ജി.എച്ച്.എസ്. പട്ല സ്ക്കൂളിലെ ചുണക്കുട്ടികൾ റണേർസ് അപ്പായി.
ചട്ടഞ്ചാൽ സ്കൂളാണ് സബ് ജില്ലാ കപ്പിൽ മുത്തമിട്ടത്. ഗോൾ നില 1-0 .

നേരത്തെ  മൊഗ്രാൽ പുത്തൂർ സ്കൂൾ, കാസർകോട് ജി.എച്ച്. എസ്. എന്നീ സ്കൂളുകളെ പരാജയപ്പെടുത്തിയാണ് പട്ല സ്കൂൾ ഫൈനലിൽ എത്തിയത്.


1956 മുതൽ ഇന്ത്യയിൽ സ്കൂൾ തലം തൊട്ട് ഫുട്ബോൾ പ്രതിഭകളെ കണ്ടെത്തുവാനാണ് അന്നത്തെ പ്രധാനമന്ത്രി പണിറ്റ് നെഹ്രുവിന്റെ കാലം മുതൽ സുബ്രതോ ടൂർണമെന്റ്  സംഘടിപ്പിക്കുന്നത്. സ്വതന്ത്ര്യ ഇന്ത്യയിലെ ആദ്യ എയർ ചീഫ് മാർഷൽ സുബ്രതോ ചാറ്റർജിയുടെ സ്മരണാർഥമാണ്  ഈ ടൂർണമെന്റ്.

റണ്ണർസ് അപ്പായ പട്ല സ്കൂളിനെയും കുട്ടിത്താരങ്ങളെയും സ്പ്പോർട്സ് ഇൻ ചാർജ് ലക്ഷമണൻ മാഷെയും RT &CP അഭിനന്ദിക്കുന്നു.
____________________
Rtpen.blogspot.com

Thursday, 6 July 2017

മഴയും മഞ്ഞും കാടും താണ്ടി കുമാറ പർവതം കണ്ട കഥ... /Abnu Patla

==========================
മഴയും മഞ്ഞും കാടും താണ്ടി കുമാറ പർവതം കണ്ട കഥ...

===========??

പെരുന്നാൾ കഴിഞ്ഞപ്പാടെ ഞളുടെ പ്ലാൻ ഈ മഴയും കൊണ്ട് കാട്ടു പാതയിൽ സഞ്ചരിക്കണം എന്നായിരുന്നു ഒടുക്കം എന്റെ ഇടപെടൽ മൂലം സഞ്ചാരം മാത്രമല്ല  താമസവും വേണം എന്നായി അതും കൂട്ടുകാരും ഒത്തു ബൈക്കിൽ ഒരു യാത്രയുടെ അനുഭവം വേറെത്തന്നെ യല്ലേ..
താമസിക്കാൻ വെറും ഒരു പ്ലാസ്റ്റിക് ഷീറ്റ് മായി ഞങ്ങൾ വൈകുന്നേരം ബൈക്ക് എടുത്തു ഞങ്ങൾ ആറു പേരും മൂന്ന് ബൈക്ക് മാണ് ഉള്ളത്  കാദർ ലത്തീഫ് യൂനുസ് ഹൈദർ അനസ്  പിന്നെ ഞാനും
ഞങ്ങളുടെ ലക്ഷ്യ സ്ഥാനം കുമാരപർവതം
അതുനു സുബ്ര്ഹമണ്യ പട്ടണം പിടിക്കണം ഞങ്ങൾ തിരഞ്ഞടുത്ത റൂട് മഡ്ക്കരി ഹൈവേ യാത്ര തുടങ്ങുമ്പോൾ തന്നെ മഴ ഞങ്ങളെ സ്വികരിച്ചു കോരിച്ചൊരിയുന്ന മഴയും കൊണ്ട് ഞങ്ങൾ യാത്ര തുടർന്നു സുള്ള്യ എത്തുമ്പോഴേക്കും നേരം ഇരുണ്ടിരുന്നു ഇനി സുബ്ര്ഹമണ്യ റൂട്ടിൽ ഇരുട്ടത് യാത്ര കൂരിരുട്ടും മഴയും പിന്നെ സ്ട്രീറ്റ് ലൈറ്റ് ഇല്ലാത്തത് കൊണ്ടും കാടിന്റെ ഇരുവശവും കാണാൻ പറ്റുന്നില്ല ഇടയ്ക്കിടക്ക് ചെറിയ കവലകൾ കാണാം അതും മെഴുകു തിരി വെളിച്ചം കൊണ്ട്..
രാത്രി 10 മണി ആവുമ്പോഴേക്കും ഞങ്ങൾ സുബ്രമണ്യ ടൗണിൽ എത്തി അന്നത്തെ താമസം സൗകര്യം ഒരുക്കി നേരെ നടന്നു കൊണ്ട്  നഗരതിൽ നിന്നും ഭക്ഷണം കഴിക്കാൻ നീങ്ങി ഭക്ഷണം കാഴ്ചപ്പാടെ ഞങ്ങൾ ക്ഷേത്രത്തെ ലക്ഷ്യമാക്കി നടന്നു ക്ഷേത്ര മുൻവശത്തിൽകൂടി കുറച്ചു നടന്നു റൂം ലക്ഷ്യമാക്കി നടന്നു പിറ്റേന്ന് രാവിലെ തന്നെ കുളിച് ഒരുങ്ങി ചെറിയ ചാറ്റൽ മഴ പുറത്ത് പെയ്യുന്നുണ്ട് ഞങ്ങൾ ഒരുങ്ങി റൂം വെകെറ്റു ചെയ്തു ഇനി ഇന്നലെ പാതി വഴിയിൽ നിർത്തിയ അമ്പലപറമ്പ് മുഴുവനും കാണണം നേരെ അമ്പലമുറ്റത്തേക് വണ്ടി വിട്ടു കവലകളിൽ തിരക്കു കൂടി കൊണ്ടിരിക്കുന്നു സുബ്രമണ്യ മലനിരകളിൽ വെള്ള കളർ പൂശി തലഉയർത്തി നിൽക്കുന്ന ക്ഷേത്രം ക്ഷേത്ര പരിസരം കറങ്ങിയ ഉടനെ പ്രഭാത ഭക്ഷണത്തിനു ഇറങ്ങി അങ്ങാടിയിൽ നോൺ വെജ് ഭക്ഷണം ഇല്ല എല്ലാം വെജിറ്റേറിയൻ ഭക്ഷണം കഴിച്ചപ്പാടെ ഞങ്ങൾ ട്രെക്കിങ് ആവശ്യമായ ഫുഡ്..
ബ്രെഡ്, ജാം, ബിസ്ക്കറ്റ്, വെള്ളം മൂന്നു നേരം ഇനി അതാണ് ഭക്ഷണം ഏതായാലും കുഴപ്പമില്ല ഞങ്ങൾ മലകയറാൻ തന്നെയാണ് തീരുമാനം അതിന് മുമ്പ് ട്രെക്കിങ്ങിനു ഇടയിൽ അട്ട ശല്യം ഉണ്ട് എന്ന് മറ്റു സഞ്ചാരികളുടെ വിവരണത്തിൽ നിന്നും മനസ്സിലായിരുന്നു അതിനു മുൻകരുതൽ എന്ന നിലക്ക് ഞങ്ങൾ ഉപ്പ് പാക്കറ്റ് വാങ്ങി വെച്ചു ഇനി നേരെ പുഷ്പ ഗിരി ട്രെക്കിങ് കവലയിൽ നിന്നും ഏഴു കിലോമീറ്റർ മാറിയാണ് മുഷ്‌പഗിരി അവിടെ പോകുന്ന വഴിക്കു തന്നെ ടെന്റ് റെന്റ് നു  കൊടുക്കുന്ന സ്ഥലങ്ങൾ ഉണ്ട് ഞങ്ങൾ അത് വേണ്ട എന്നു വെച്ചു 3000 Rs അഡ്വാൻസും 700 പെർ ഡേ  യുമാണ് വാടക അതും 3 പേർക് താമസിക്കാം ഞങ്ങൾ വെറുതെ അന്വേഷിച്ചു...
ഒടുക്കം പുഷ്പഗിരി ട്രെക്കിങ് പോയിട്ന്റിൽ എത്തി പക്ഷെ വണ്ടി വെക്കാൻ സ്ഥലം ഇല്ലാത്തത് കൊണ്ട് അടുത്തുള്ള വീട്ടിൽ വെച്ചു ഇനി ആയിരുന്നു പൂരം ചെറിയ ഫോറെസ്റ്റു  ഗേറ്റ് കടന്നപാടേ കൊടും വനം നടക്കും തോറും കൂടുതൽ ഇരുട്ട്  പോരാത്തതിന് ചെറു പ്രാണികളും പക്ഷികളും എന്തിന്നില്ലാതെ ഒച്ച വെക്കുന്നുണ്ട് കൂട്ടിനു പേമാരിയും ട്രെക്കിങ് നു ഇടയിൽ ഇതും കൂടി ആയതോടെ ക്ഷീണം കൂടി വന്നു കൂടുതൽ നടക്കും തോറും ക്ഷീണം അനുഭവിക്കാനും കാലുകളുടെ ഭലം കുറയുന്നത് പോലെ തോന്നി ശ്വാസത്തിന് ചെറിയ പ്രശ്നം വന്നതോടെ അല്പം വിശ്രമിക്കാൻ ഞങ്ങൾ ഇരുന്നു അപ്പോഴാണ് കാദറിന്റെ  കാലിൽ നിന്നും രക്തം വരുന്നത് കണ്ടത് അവൻ പയ്യെ പാന്റ് പൊക്കിയപ്പടെ ഒരു അട്ട പാവം ചോര കുടിച്ചു ക്ഷീണിതനാണ് ഞാൻ ഉടനെ തന്നെ കയ്യിലിരുന്ന ഉപ്പു വെച്ചു കൊടുത്തു ഉടനെത്തന്നെ അട്ട മലർന്നു വീണു എല്ലാവരും സ്വയം ഒന്ന് പാന്റ് പൊക്കി നോക്കിയപ്പോഴാണ് മനസ്സിലായത്   അട്ട എല്ലാര്ക്കും പണി തന്ന കാര്യം ഉടനെ തന്നെ ചാടി എണിറ്റു നടത്തം ആരംഭിച്ചു ഇനി അട്ടയുടെ ശല്യം തീരാണ്ടു ഇരിക്കാൻ പറ്റത്തില്ല എല്ലാവര്ക്കും നല്ല ക്ഷീണം കൊണ്ട് വന്ന വെള്ളം മുഴുവനും ട്രെക്കിങ് പകുതി ആവുമ്പോഴേക്കും തീര്ന്നു ഇനി ഒന്നര ദിവസം വെള്ളമില്ലാതെ ജീവിക്കണോ ? കൂട്ടത്തിൽ ഒരുത്തൻ ചോദിച്ചു ഞാൻ അവനെ സമതാനിക്കാൻ ചുമ്മാ വെള്ളം കിട്ടും എന്ന് പറഞ്ഞു അപ്പോഴാണ് ട്രെക്കിങ് മാപ്പിൽ ബട്ട്‌ മനേ  എന്ന ലൊക്കേഷൻ കണ്ടത് മനേ എന്ന് കന്നഡത്തിൽ വീട് എന്നാണ് ഞങ്ങള്ക് സമാധാനമായി ഇനി ആവീട്ടിൽ നിന്നും വെള്ളം എടുക്കാൻ പറ്റുമല്ലോ അപ്പോഴും എനിക്ക് സംശയമാണ് ഈ കൊടും കാട്ടിൽ ആർക്കാണ് വീട് ഹാ ന്തായാലും അത് ഞമ്മളെ പോലെ ഉള്ളവർക്കു ഒരു ആശ്വാസമാണ്  സമയം കഴിയുന്നതല്ലാതെ  ബട്ട്‌ മനേ കാണുന്നില്ല എല്ലാരും ദാഹിച്ചു വരണ്ടു ജീവിധത്തിൽ ആദ്യമായിട്ടാണ് കോട മഞ്ഞും മഴയും കൊണ്ടിട്ടും ദാഹം അനുഭവിക്കുന്നത് അവസാനം നടത്തത്തെക്കാൾ കൂടുതൽ ഇരിത്തം ആയി എവിടെ നോക്കിയാലും കൊടുംകാട്
എല്ലാവരുടെയും മുഖ ഭാവം മാറി തുടങ്ങി ഈ കൊടും കാട്ടിൽ ഞമ്മൾ ആറു പേരു മാത്രം   എല്ലാവര്ക്കും സംശയം വഴി തെറ്റിയോ എന്ന് പടച്ചോനെ അതും ശെരിയാണ് ഇതു വരെ ഇടയ്ക്കു ഫോറെസ്റ് ഡിപ്പാർട്മെന്റിന്റെ ബോർഡുകൾ കാണാമായിരുന്നു ഇപ്പൊ അതു കാണാതെ കുറെ കഴിഞ്ഞു ഭയം ഉള്ളിൽ കൊണ്ട് കൊടുംകാട്ടിൽ യാത്ര തുടർന്നു
കുട്ടത്തിൽ ആദ്യമുള്ളവന്റെ ഒച്ച 'ഹാവു'... എന്തായാലും ഞമ്മൾക് സുഖമുള്ള വർത്തയാണെന്നു അവന്റെ മുഖഭാവത്തിൽ മനസ്സിലായി അടുത്തു ചെന്നു നോക്കുമ്പോൾ മലനിരകൾ കൊടും കാടുകളിലെ കൂരിരുട്ടിൽ നിന്നും ഒരല്പം വെളിച്ചം പകർന്നു ഇനി മലകളാണ്  പ്രാണികളുടെ ശബ്ദത്തിൽ നിന്നും അട്ടയുടെ ശല്യത്തിൽ നിന്നും രെക്ഷ ഒപ്പം ഞങ്ങളുടെ മുഖത്തും സന്തോഷം  ഇനി കുറച് വിശ്രമിക്കാം പിന്നെ കുറച്ചു നടത്തവും കൂടുതൽ വിശ്രമമായി എന്തായാലും ഇവിടെ വിശ്രമിക്കുമ്പോൾ മലനിരകളും ഉൾ കാടുകളും കാണാം മുകളിൽ ചെല്ലുന്തോറും കോട ഞങ്ങളെ പൊതിഞ്ഞു കൊണ്ടേയിരുന്നു  ശ്വാസം കിട്ടാതെയും ദാഹം കൊണ്ടും ഞങ്ങൾ ക്ഷിണിതരായി ഇടയ്ക് ഇടയ്ക്  കോട മഞ്ഞു മാറിനിന്നു തരുന്നത്‌  ഓരോരോ ദൃശ്യാനുഭവങ്ങൾ പകർന്നു തന്നെയായിരുന്നു ഒരു ഇടവേളയിൽ ഒരാൾ നടന്നു വരുന്നതായി തോന്നി മഞ്ഞു മൂടിയത് കൊണ്ട് അയാളെ വ്യക്തമായി കാണാൻ സാധിക്കുന്നില്ല  ഇത്രെയും നടന്നിട്ടു ഒരു മനുഷ്യനെ കണ്ട സന്ദോഷം എല്ലാരുടെയും മുഖത്തു കണ്ടു അയാൾ അടുത്ത് എത്തി കയ്യിൽ രണ്ടു പാത്രങ്ങൾ എന്താണെന്നു ചോദിച്ചില്ല ഒരുത്തൻ ബട്ട്‌ മനയെ കുറിച്ചു ചോദിച്ചു ഇനി അരമണിക്കൂർ നടന്നാൽ ബട്ട്‌ മനേ എത്താം അയാളുടെ മറുപടി... ശെരി ഇനി പതുക്കെ നടന്നാ മതി അപ്പോഴാണ് ദൂരകാഴ്ചയിൽ നിന്നും മല മുകളിൽ കുറെ പോത്തുകൾ മേയുന്നതു കണ്ടത് ആരോ ഒരാൾ കാട്ടുപോത്താണ് എന്നും മറ്റൊരാൾ നടനാണെന്നും ഞാൻ ഇടപെട്ടില്ല എന്നാലും അതു കാട്ടു പോത്തായിരിക്കും അല്ലെങ്കിലും ഇത്രയും വലിയ കാട്ടിൽ നാടനെന്ത് കാര്യം അങ്ങനെ ഒരു വിധത്തിൽ ബട്ട്‌ മനയിൽ എത്തി മലനിരയിൽ നിവർന്ന പാകത്തു ഒരു പഴയ   തറവാട് ലുക്ക്  അവിടെ സഞ്ചാരികൾക്കു ഭക്ഷണവും താമസവും ഉണ്ട്  ചോറിനു ഒരാൾക്ക് 120 അതും വെജ്  ഞങ്ങൾ അവിടെ നിന്നും വെള്ളം നിറച്ചു  ഒന്നും അവിടെ നിന്നും വാങ്ങാത്തതിൽ  ബട്ട്‌ അത്ര ഹാപ്പി അല്ല എന്ന് ഞങ്ങൾക്ക്  തോന്നി ഞങ്ങൾ വീണ്ടും മലകൾ കേറാൻ തുടങ്ങി ഒരല്പ ദൂരം നടന്നപ്പാടെ പുഷ്പഗിരി ആദ്യ പോയിന്റിൽ എത്തി സഞ്ചാരികൾക്കു ടെന്റ് അടിക്കാൻ പറ്റുന്ന സ്ഥലം മല ഇരുന്ന് ആസ്വദിക്കുവാനും സ്റ്റോൺ ബെഞ്ച് ഉണ്ട് ഒരു അടി പൊളി കാഴ്ച അവിടെ ഇരുപിടത്തിന്റെ ചുറ്റും സിമന്റ് കൊണ്ട് ഉണ്ടാക്കിയ സ്ഥലത്തു വിശ്രമിച്ചു ഇന്നു ഇവിടെയാണ് താമസം അതിനു മുമ്പ് ഫോറെസ്റ് ഓഫീസിൽ പോയി പെര്മിസ്സഷൻ എടുക്കണം അതിനു വേണ്ടി ഞാനും രണ്ടു പേരും ഓഫീസിൽ പോയി പെർമിഷൻ എടുത്തു ഇവിടെ നിന്നും അടുത്ത് തന്നെയാണ് ഓഫീസ്  ഇനി കുമാര പര്വതത്തിലേക്കു 6 Km ഉണ്ട് ഇന്നു ഇവിടെ തങ്ങി നാളെ പോകാനാണ് തീരുമാനം  ഇനി ടെന്റ് അടിക്കണം ചില മര കമ്പുകളും പ്ലാസ്റ്റിക് ഷീറ്റു കൊണ്ടും... കുറെ കഷ്ട പെട്ടു ടെന്റ് എന്ന് ഞങ്ങള്ക് മാത്രം പറയാൻ കഴിയുന്ന ഒരു പന്തൽ...
ഇനി ബെഞ്ചിൽ ഇരുന്നു കാടും മലയും കാണണം  മലകൾക്കു മുകളിൽ കോട മഞ്ഞു നീന്തി കളിക്കുന്നു നേരം ഇരുട്ടുന്തോറും കോടയുടെ കട്ടി കൂടി വന്നു ഒപ്പം ശക്തമായ കാറ്റും 10 അടി അകലെ ഉള്ള കാഴ്ചകൾ പോലും മഞ്ഞു മൂടി കഴിഞ്ഞു ഇനി നടത്തം ഒഴിവാക്കുന്നതാണ് നല്ലതു പിന്നെ എല്ലാവരും ഒരു തീരുമാനം എടുത്തു കൂട്ടം തെറ്റി പോകാൻ പാടില്ല കാരണം അത്രെയും കഴിച്ചെയെ ഇരുട്ടിയിരുന്നു ചെറുതായി മഴപെയുന്നുണ്ട്  ഇനി ടെന്റിൽ ഇരിക്കാം എന്നായി മഴ കൂടിയും കുറഞ്ഞും കൊണ്ടേ ഇരുന്നു  അന്ന് രാത്രി ഇരുട്ടും ഭയവും കൊണ്ട് പകലാക്കി... പുലർച്ചെ തന്നെ മനോഹരമായ കാഴ്ചകൾ കണ്ടു കൊണ്ടാണ് ഉണർന്നത് ( ഉണരാൻ മാത്രം ഉറങ്ങിട്ടില്ലെങ്കിലും )...അടുത്ത ലക്‌ഷ്യം വീണ്ടും  മലകളും മഞ്ഞും മഴയും കടും താണ്ടി ഇനി കുമാര പർവ്തത്തിൽ എത്തണം
    അതും കൂടി എഴുതിബോറടിപ്പികുനില്ല
യാത്രക്കാരുടെ ശ്രദ്ധയ്ക്ക് ഇത്തരം യാത്ര എപ്പോഴും അടുത്ത സുഹൃത്ത്ക്കളോടപ്പം ആയിരിക്കണം...

എന്റെ യാത്രയിൽ ഒരിക്കലും മറക്കാൻ പറ്റാത്ത അനുഭവം തന്നതിന് ടീം പങ്കാളീസ്  ഒരു പാട് നന്ദി പിന്നെ ഞാനും നിങ്ങളിൽ ഒരുവനായതിൽ...
============================
Abnu patla

രാജൻ മാഷ് ! താങ്കൾക്ക് യാത്രാമംഗളം ! / അസ്ലം മാവില

*രാജൻ മാഷ് !*
*താങ്കൾക്ക് യാത്രാമംഗളം !*
__________________

അസ്ലം മാവില
__________________

ഇപ്പോൾ പട്ല പളളിക്കൂടങ്കണത്തിൽ നിന്ന് ഇറങ്ങിയതേയുള്ളൂ. പോയിരുന്നില്ലെങ്കിൽ നഷ്ടമാകുമായിരുന്ന ഒരു കൂടിയിരുത്തം. പട്ലയിലെ ഏറ്റവും വലിയ വിദ്യാഭ്യാസ സ്ഥാപനത്തിന്റെ മേധാവിക്ക് നൽകിയ യാത്രയയ്പ്പ് യോഗം.

നിങ്ങൾ അറിഞ്ഞ് കാണും,  രാജൻ മാഷ് നമ്മുടെ സ്കൂൾ നിന്ന് പടിയിറങ്ങി.  അദ്ദേഹത്തിന്റെ വീടിന് തൊട്ടടുത്തുള്ള സ്കൂളിലാണ് ഇനിയുള്ള 4 വർഷം. പഠിച്ച സ്കൂളിൽ , പഠിപ്പിച്ച സ്കൂളിൽ, ഇനി ആ കാമ്പസിന്റെ ചെങ്കോലേന്തനാണ് മാഷിന്റെ നിയോഗം, ഒപ്പം സുകൃതവും.

കെ. വി. രാജൻ - കഴിഞ്ഞ രണ്ടര വർഷക്കാലം ഹയർ സെക്കണ്ടറി സ്ക്കൂളിന്റെ പ്രിൻസിപ്പൽ പദവിയിലിരുന്ന വ്യക്തിത്വം. മികച്ച കാര്യകർത്താവ്. അകവും പുറവു മറിഞ്ഞ സ്ഥാപനമേധാവി. ഇടപെടലിന്റെ ആശാൻ. സ്കൂളന്തരീക്ഷം ഒച്ചയില്ലാതാക്കിയ മാന്ത്രികൻ. ഇൻഫ്രാസ്ട്രക്ച്ചർ അതിവിഫുലപ്പെടുത്താൻ കൈമെയ് മറന്നിറങ്ങിയ അഡ്മിനിസ്ട്രേട്ടർ. അധ്യാപകരുടെ ,രക്ഷകർത്താക്കളുടെ,  വിദ്യാർഥികളുടെ പ്രിയപ്പെട്ട രാജൻ മാഷ്....

ഒരു അധ്യാപകനെ ഇങ്ങിനെ പുകഴ്ത്തിപ്പറഞ്ഞ ഒരു യാത്രയയപ്പ് യോഗവും ഞാൻ കണ്ടിട്ടില്ല. ഞാൻ ഇരുന്നിട്ടുമില്ല. അവയൊക്കെ കേട്ടിട്ടും എനിക്കല്ല ആർക്കുമത് ബോറടിച്ചുമില്ല. അത്രമാത്രം രാജൻ മാഷിനെ കുറിച്ച് അധ്യാപകർക്ക് , സഹപ്രവർത്തകർക്ക്, രക്ഷിതാക്കൾക്ക്, അധ്യാപക-രക്ഷകർ തൃ-നേതൃത്വത്തിന്  പറയാനുണ്ടായിരുന്നു.


അച്ചടക്കം അച്ചട്ട് പോലെ. കണ്ണൂർ ജില്ലയിൽ നിന്ന് ബസ്സും വണ്ടിയും കയറി വീണ്ടും രണ്ടോ മൂന്നോ ബസ് കയറി വരുമ്പോഴും  വാചിലെ സമയം 8:40 അല്ലെങ്കിൽ 8:45 . വൈകി എത്തുന്നവർക്ക് ഒരൊഴികഴിവും നൽകാത്ത കൃത്യനിഷ്ഠത. കുട്ടികളിലെ കുസൃതി അറിയാം. അതിലും നന്നായി അവരിലെ ഏടാകൂടങ്ങളും അറിയാം . രോഗം നോക്കിയാണ് ചികിത്സ. എല്ലാത്തിനും ക്ഷീരബലാദിതൈലമല്ല പോംവഴി. വരക്ക് നിർത്താനും വഴിക്ക് നടത്താനും രാജൻ മാഷിനറിയാം.

നേരത്തെത്തന്നെ സഹപ്രവർത്തകർക്കിടയിൽ യുവതുർക്കിപ്പേര് ചാർത്തപ്പെട്ട രാജൻ മാഷ് 51 ലും തന്റെ കമ്മിറ്റ്മെന്റിന്റെ കാര്യത്തിലും യുവത്വത്തിന്റെ ചുറുചുറുക്ക് തന്നെ. നഷ്ടം നമുടെ സ്കൂളിനാണിനി. ബിജു മാഷ് പറഞ്ഞത് ഷീപ്പ് വിത്തൗട്ട് ഷെപ്പേർഡ്. ഇടയനില്ലാത്ത ആട്ടിൻകൂട്ടം!

സ്കൂളിന് ഭൗതിക സാഹചര്യമൊരുക്കുന്നതിൽ രാജൻ മാഷ് കാണിച്ച ശുഷ്ക്കാന്തി സ്കൂൾ കാമ്പസിൽ പോയവർക്കറിയാം. പഠന നിലവാരം മെച്ചപ്പെട്ടത് കഴിഞ്ഞ രണ്ട് വർഷത്തെ റിസൾട്ട് നോക്കിയവർക്കിയാം. ആ സേവനങ്ങൾ ഓടിച്ച് പറയേണ്ടതുമല്ല. വിലമതിക്കത്തക്കത്! വിസ്മയരാജിക്കുമപ്പുറം !

*ഞാൻ എന്റെ ഉത്തരവാദിത്വം നിർവ്വവിച്ചു. അതാകട്ടെ നിങ്ങളെന്നെ വിശ്വസിച്ചേൽപ്പിച്ചത്! ഈ നല്ല വാക്കുകളിൽ കഴമ്പുണ്ടെങ്കിൽ അതിന്റെ ക്രഡിറ്റ് നിങ്ങൾക്ക് കൂടിയുള്ളതാണ്.* നാട്ടുകാരെ, PTA യെ, അധ്യാപകരെ നോക്കി രാജൻ മാഷ് മറുപടി പറഞ്ഞു.

സ്കൂളിന്റെ , കുട്ടികളുടെ, നന്മയ്ക്ക്  വേണ്ടിയാണ് അദ്ദേഹമൽപം  കർക്കശക്കാരനായത്,  but It is ടubject to the case & situation. ഇന്നത്തെ സ്കൂളന്തരീക്ഷം ക്വയ്റ്റ് & കാമാകാൻ അത് വഴിയും വഴിവിളക്കുമായി.

യാത്രാമംഗളങ്ങൾ രാജൻ മാഷ്, പട്ലക്ക് നിങ്ങളെയും നിങ്ങൾക്ക് പട്ലയെയും മറക്കാനാകില്ല തീർച്ച!
___________________🌱

PSC പരീക്ഷാർഥികളും നാട്ടിൻ പുറത്തെ ഒരു വിജയഗാഥ കഥയും/ അസ്ലം മാവില

*PSC പരീക്ഷാർഥികളും*
*നാട്ടിൻ പുറത്തെ ഒരു*
*വിജയഗാഥ കഥയും*
___________________

അസ്ലം മാവില
___________________

ജൂലൈ ഒന്നിനാണ് PSC പരീക്ഷ. പത്താം ക്ലാസ്സ് ജയിച്ചവർക്കൊക്കെ എഴുതാൻ പറ്റുന്ന പരീക്ഷ. LDC തസ്തികകളിലേക്കുള്ളത്. ആയിരക്കണക്കിന് ഒഴിവുകൾ നികത്താൻ.

ഈ പരീക്ഷാ തയ്യാറെടുപ്പിനാണ് പതിവില്ലാത്ത വിധം നാടു നീളം , കേരളമാകെ കോച്ചിംഗ് നടന്നത്. ഫ്രീയായി, ഫീസ് വാങ്ങി.

എല്ലാമുണ്ടായിരുന്നു ആകൂട്ടത്തിൽ.
ഇന്നലത്തെ മഴക്ക് മുളച്ച "തബരെ" ക്ലബുകൾ മുതൽ അരക്ക് താഴെ വാതം പിടിച്ച് കൊല്ലങ്ങളായി ആപ്പീസിന് മുന്നിൽ  രജിസ്റ്റർ നമ്പറടക്കം  തുരുമ്പിച്ച് മാഞ്ഞ് പോയ ബോർഡ് തൂങ്ങിയിട്ടും, പിരടിക്ക് പിടിച്ചപ്പോൾ വരെ ഭാരവാഹികൾ അങ്ങട്ട് തിരിഞ്ഞ് നോക്കാത്ത "തകര സജീവ യുവജന സംഘങ്ങൾ " വരെ കേരളക്കരയിൽ ഇതിനായി പരിശീലനം നൽകി. ആപ്പും ഓൺ ലൈനും സൈറ്റും എല്ലാവഴിയും മോക്ക് ടെസ്റ്റുകൾ ഡയ്ലി. പിള്ളേരെ തല്ലിപ്പഠിപ്പിക്കുന്ന "ഇന്നവേറ്റീവ് യൂനിവേർസൽ ട്യൂഷൻ സെന്ററുകൾ "   വരെ ഇടക്കിടക്ക്   പത്ത് ചോദ്യങ്ങൾ അയച്ച് പഠിപ്പിച്ച്  അങ്ങിനെ തിളങ്ങിയതും കേരളക്കര കണ്ടു.

ഇത്ര ജനകീയമായ പരീക്ഷാമുന്നൊരുക്കങ്ങൾ വേറൊന്നുണ്ടാകില്ല എന്ന് തോന്നുന്നു.  ശരി, അപ്പോൾ തയാറായി കാണും. ഹാൾ ടിക്കറ്  ഡൗൺലോഡ് ചെയ്‌ത് കോപ്പി എടുക്കാൻ മാത്രമായിരിക്കും ഇനി ബാക്കി. നമ്മുടെ നാട്ടിലെ പരീക്ഷാർഥികളും തയ്യാറാണല്ലോ,  അല്ലേ ?

ഒരാളെ പരിചയപ്പെടുത്താം. 90 കളുടെ അവസാനങ്ങളിൽ PSC പരീക്ഷകൾ എഴുതി എഴുതി അതൊരു ജീവിത ശീലമാക്കിയ മനുഷ്യനെ. 9 പി എസ് സി പരീക്ഷകളിലും ജോലി സാധ്യതാ റാങ്ക് ലിസ്റ്റിൽ ഉൾപ്പെട്ട കക്ഷി. അതൊക്കെ SSLC , പ്രീഡിഗ്രി അടിസ്ഥാനമാക്കിയുള്ള PSC പരീക്ഷകൾ.

കഴിഞ്ഞ റമദാനിൽ ഒരു ബന്ധുവിന്റെ മരണവീട് സന്ദർശനം കഴിഞ്ഞാണ് ഞാൻ ഒരു വില്ലേജ് ആപ്പിസിലേക്ക്  കയറിയത്. പരിചയമുളള പേര് വില്ലേജ് ആപ്പീസർ ബോർഡിൽ . P A മുഹമ്മദ് ഹാരിസ് .

സംശയം അസ്ഥാനത്തായില്ല, അയാൾ തന്നെ.  1991 വരെ നമ്മുടെ സ്കൂളിൽ നിന്ന് പഠിച്ച ഹാരിസ്. വടക്കൻ കേരളത്തിലെ തന്നെ വിസ്തൃതി കൊണ്ട് ഏറ്റവും വലിപ്പമുള്ള വില്ലേജ് ഓഫീസ്  മേധാവി. കുഡ്ലു ഗ്രൂപ്പ് വില്ലേജ് ആഫീസർ.

മൊഗ്രാൽ പുത്തൂർ പഞ്ചായത്തിലെ മുഴുവൻ വില്ലേജുകളും ഇതിന് കീഴിൽ. മധൂർ പഞ്ചായത്തിലെ പതിമൂന്നോളം വാർഡുകളുടെ ആസ്ഥാനവും ഇവിടെ തന്നെ .  

1996ലാണ് ഹാരിസ് കാസർകോട് കോളേജിൽ നിന്ന് ഡിഗ്രി പൂർത്തിയാക്കുന്നത് , ബി എസ് സി കെമിസ്ട്രി. പിന്നെ ഒരു വർഷം കംപ്യൂട്ടർ ആപ്ലിക്കേഷനിൽ PG ഡിപ്ലോമ. പ്രാരബ്ദം തുടർന്നങ്ങോട്ട് പഠിക്കാനായില്ല.

പത്രം വഴി കണ്ട ഒരു  പരീക്ഷയും ഹാരിസ്  വിട്ടില്ല. റിസൾട്ട് വന്നത് ഞാറ്റുവേല പോലെ, ഇടവപ്പാതി പോലെ, ഇടിമുഴക്കം-കർക്കിട മഴ പോലെ.

ചെറിയ ചെറിയ തസ്തികകൾ. ഹാരിസ് അതിൽ ഇഷ്ടമുള്ളത് തെരഞ്ഞെടുത്തു. കാസർകോട് താലൂക്ക് ഓഫീസിൽ ജോലിയിൽ പ്രവേശിച്ചു. പിന്നെയും വരുന്നു ബാക്കി എഴുതിയ പരീക്ഷകളുടെ പോസിറ്റീവ് റിസൾട്ടുകൾ!

നിങ്ങൾ എന്ത് മനസ്സിലാക്കി ? PSC അങ്ങിനെ എഴുതിത്തള്ളേണ്ട പരിക്ഷയല്ലെന്ന് . ഒന്നല്ലെങ്കിൽ മറ്റൊന്ന് എഴുതുക. എല്ലാവരും അതിനൊരുങ്ങുക. ഈ പരീക്ഷ സീരിയസായി കാണുക. ഹാൾടിക്കറ്റ് (അഡ്മിഷൻ കാർഡ് ) കിട്ടിയവർ, മറ്റന്നാൾ ഒന്നാം തിയതി കുഞ്ഞമ്മടെ പേരകുട്ടിക്ക് പേരിടൽ ചടങ്ങെന്നും പറഞ്ഞ് ഒഴിഞ്ഞ് മാറരുത്. ലഡു പോയാൽ പിന്നെയും വാങ്ങി കഴിക്കാം, ഇത് പിന്നെ കിട്ടില്ല.

പരീക്ഷയ്ക്ക് അപേക്ഷിക്കാത്തവർ 20 രൂപ കൊടുത്ത് ഒരു കഫേയിൽ പോയി പേര് രജിസ്റ്റർ ചെയ്യ്. ഒരു വട്ടം മതി. പിന്നെ മൊബൈൽ ഫോണിൽ ഒന്ന് തോണ്ടി തോണ്ടി, പരീക്ഷകൾക്ക് അപേക്ഷിച്ചാൽ മതി.

ഈ നാട്ടിലെ എത്ര  7 പാസായവരുണ്ട് ? 10 ജയിച്ചവരുണ്ട് ?പ്ലസ് ടു ക്കാറുണ്ട് ? ഡിപ്ലോമ -  ഡിഗ്രിക്കാർ ? PG ക്കാർ ?
പോയി രെജിസ്റ്റർ ചെയ്യ് കൂട്ടരേ .. യുട്യൂബിൽ കോമഡിയും നോക്കിക്കൊണ്ടിരുന്നാൽ മാത്രം മതിയോ?
____________________
Rtpen.blogspot.com

Friday, 23 June 2017

കുട്ടിക്കാല നോമ്പ്, ഒരോര്‍മ്മ...(തുടര്‍ച്ച) / അസീസ്‌ പട്ള

▪▫▪▫▪



....തുടര്‍ച്ച




*കുട്ടിക്കാല നോമ്പ്, ഒരോര്‍മ്മ...*



ഹാവൂ............ ഇപ്പോഴാ ഒന്ന് സമാധാനമായത്!


ചെറുനാരങ്ങ നീരില്‍
കുതിര്‍ത്ത കസുകസും, കദളിപ്പഴവും നുറുക്കിചേര്‍ത്ത സര്‍ബത്ത് കുടിച്ചപ്പോള്‍ എന്‍ന്‍ന്‍ന്‍ന്‍തൊരാ ശ്വാ സം ....! വീണ്ടും കുടിച്ചു ഒരു ഗ്ലാസ്‌ കൂടി,


ഇരുപത്തേഴാംനു കന്നി നോമ്പു നോറ്റ അഞ്ചിനും ആറിനും ഇടയിളിലുള്ള കുട്ടികളുടെ ഗമ ഒന്ന് കാണേണ്ടത് തെന്നെ...എന്തോ. അസാദ്ധ്യമായതു കീഴടക്കിയതുപോലെ! മുഖഭാവം കണ്ടാല്‍ തോന്നും ഒറ്റദിവസം കൊണ്ട്തെന്നെ മുപ്പതു നോമ്പും നോറ്റുവീടാനുള്ള ത്രാണിയുണ്ടെന്നു, പിന്നീടുള്ള രണ്ടോ മൂന്നോ നോമ്പിനു ഉമ്മമാരുടെ കഷ്ടകാലം, അത്താഴത്തിനു വിളിക്കാന്‍ കാര്‍ക്കശ്യം പിടിക്കും, ഇനി വിളിച്ചില്ലെങ്കിലോ.. നിരാഹാരവുമായിരിക്കും, മധുരിച്ചിട്ട് തുപ്പാനും വയ്യ കയ്ച്ചിട്ടിറക്കാനും വയ്യ ആ പരുവത്തിലാവും പാവം ഉമ്മമാര്‍..

ഇരുപത്തേഴു കഴിഞ്ഞാല്‍ പിന്നീടുള്ള ദിവസങ്ങള്‍ വളരെ സന്തോഷകരവും ആവേശകരവുമാണ്, പുത്തനുടുപ്പ്‌ ഒരു പത്തു പ്രാവശ്യമെങ്കിലും കവറില്‍ നിന്നെടുത്തു തിരിച്ചും മറിച്ചും നോക്കിയിട്ടുണ്ടാവും, മിക്ക കുട്ടികള്‍ക്കും ഈ ഡ്രസ്സ് തെന്നെയാണ് രണ്ട് മാസം കഴിഞ്ഞു വരുന്ന ഹജ്ജ് പെരുന്നാളിനും, അതാണ്‌ വലീയ പെരുന്നാള്‍ , ബലി പെരുന്നാള്‍ എന്നത് ലോപിച്ച് അങ്ങിനെയായിപ്പോയതോ എന്നറിയില്ല, എന്തായാലും ഈ പെരുന്നാള്‍, ഇത് ചെറുത്‌...

ഇരുപത്തെട്ടാമത്തെ നോമ്പു തുറന്നാല്‍ ഉമ്മമാര്‍ക്ക് തിരക്കോട് തിരക്ക്, വിവിധയിനം മധുരപലഹാരങ്ങള്‍ ഉണ്ടാക്കലും പെരുന്നാളിനുള്ള സാധനങ്ങള്‍ ഒരുക്കി വയ്ക്കലും ഒരു ബഹളം ... അതൊരു രസം തെന്നെയാണ് ആ കാലത്തൊക്കെ ഇന്നത്തെ വീട്ടമ്മമാര്‍ ചെയ്യുന്നപോലെ കൂക്കറില്‍ പച്ചരിയിട്ടു രണ്ട് വിസ്ല്‍ അടിപ്പിച്ചു നെയ്ച്ചോര്‍ വെക്കുന്ന ലാഘവം അല്ലായിരുന്നു, ഒറിജിനല്‍ പശുവിന്‍ നെയ്യും    ചേര്‍ത്തു വളരെ സൂക്ഷ്മതയോടെ വിറകടുപ്പില്‍ വേവു കൂടാതെയും കുറയാതെയും നോക്കിയിരുന്നു പാകപ്പെടുത്തിയെടുക്കുന്ന ആ നെയ്ചോറിന്‍റെ മണം തെന്നെ ഓരൊന്നൊന്നരയുണ്ടാവും.

പലഹാരങ്ങള്‍ എന്നു പറയുമ്പോള്‍ കൂടുതലും എണ്ണപ്പൊരികള്‍, പഴം പൊരി, നെയ്യപ്പം, ഉണ്ടലിക്ക, പരുത്തിയിട്ടത്, നെയ്പത്തല്, ബാട്ടുപത്തല്, പൊരിയപ്പം, ഈത്തപ്പഴംപൊരി, കൊട്ടപൊരി, മുട്ടസിര്‍ക്കമുതലായവ....... ഈ വകകളൊക്കെ മണ്‍ഭരണിയിലാക്കി വെച്ചാല്‍ മാസങ്ങളോളം സൂക്ഷിക്കാം, ഇന്നത്തെ കുട്ടികള്‍ യുട്യുബില്‍ നിന്നും മത്സരിക്കാന്‍ തിരഞ്ഞെടുക്കുന്ന “കേക്ക്” സമ്പ്രദാ യമാല്ലായിരുന്നു, മോടിയിലും ഫാഷനിലും അഭിരമിച്ചു  സുലഭമല്ലാത്ത ഫ്രുട്സും നട്സും കൊണ്ട് ഗാര്‍ണിഷ് ചെയ്തു ടയനിംഗ് ടാബ്ലില്‍ നിരത്തുമ്പോള്‍ അതിനു ചിലവിട്ടതിന്‍റെ പത്തു ശതമാനം പോലും  രുചിക്കാപ്പെടില്ല  എന്നത് വസ്തുതയാണ്., അതിലുപയോഗിക്കുന്ന ഫുഡ്‌ കളറും മറ്റു പ്രിസര്‍വെറ്റിവ്സും ആരോഗ്യത്തിനു തെന്നെ ഹാനീകരമാണ്.

ചില ഒറ്റപ്പെട്ട വീടുകളില്‍ നിന്നും പടക്കങ്ങള്‍ പൊട്ടുന്ന ഒച്ചയും കേള്‍ക്കാം, അപ്പോഴേ കുട്ടികളായ ഞങ്ങളുടെ മനസ്സിന്‍റെ തിരുമുറ്റത്ത്‌  സന്തോഷത്തിന്‍റെയും ആഹ്ലാദത്തിന്‍റെയും ഒരായിരം പൂത്തിരികള്‍ കത്തിനില്‍ക്കും, പീടികയിലെ അദ്രഞ്ഞിയാണ് പടക്കക്കച്ചവടത്തില്‍ മുഖ്യന്‍, വിധ തരം പടക്കങ്ങളും അതിനോടനുബന്ധിച്ച ചില തമാശകളും അടുത്ത ലക്കം പറയാം.

..പക്ഷെ അപ്പോഴേക്കും സന്തോഷം തരാതെ ഉള്ളം മനസ്സിനെ നീറ്റുന്ന ഒരു സംഭംവം , മുട്ടയില്‍നിന്നും വിരിഞ്ഞത് മുതല്‍  ഇതുവരെ വീട്ടില്‍ വളര്‍ന്ന  പൂവങ്കോഴി പെരുന്നാള്‍ ദിവസം കൂടെയുണ്ടാവില്ലയെന്ന ഒറ്റ ദു:ഖം, മുളക് കറിയിലും  തേങ്ങ വറുത്തരച്ച കരിയിലും  ഇഷ്ട തോഴന്‍റെ മാംസം കാണുംബോള്‍ ഉള്ളൊന്നു പിടയും...കുറേ കഴിഞ്ഞാല്‍ എല്ലാം മറക്കും, മറക്കണമല്ലോ ... അതാണല്ലോ ജീവിതം!




തുടരും...


അസീസ്‌ പട്ള


▪▫▪▫▪

അനുസ്മരണം/ അബ്ദുല്‍ റഹീം / ബഷീര്‍ മജല്‍

അനുസ്മരണം                •••••••••••••••••••••••••••

അസ്സലാ മു അലൈക്കും

.......................................
 കുടുംബത്തിലും   നാട്ടുക്കാര്‍ക്കി ടയിലും  ജ്വലിച്ച് നിന്നിരുന്ന ആ പ്രകാശം  കെട്ടണഞ്ഞ് ഒരു വര്‍ഷം തികയുന്നു.
     കഴിഞ്ഞ കൊല്ലം റമദാന്‍ മാസം 20 ന് രാത്രി ഞാനും   എന്‍റെ അളിയനും എറണാകുളത്ത് ലേക്ക് ഷോര്‍ (Lakeshore)‍ ആസ്പത്രിയിലായിരുന്നു.  രാത്രിയില്‍   അന്ന്  ഒരു  പത്ത് മണി  കഴിഞ്ഞ് കാണും   ഒരു സുഹൃത്തിന്‍റെ  ഫോണ്‍ കോള്‍  വരുന്നത്  എടുത്തപ്പോള്‍ ഗദ്ഗദാ ഇടറിയ സ്വരത്തില്‍ നമ്മുടെ റൈമു മരണപ്പട്ടു എന്ന് പറഞ്ഞ് കൊണ്ട്  മുഴിമിപ്പിക്കാനാവാതെ ഫോണ്  കട്ട് ചെയ്തു  . അത് കേട്ടതിന്ന് ശേഷം  വിശ്വസിക്കാനും ഉള്‍കൊള്ളാനും എന്ത് ചെയ്യണംഎന്ത് പറയണമെന്ന് അറിയാതെ  തരിച്ച് നിന്ന് പോയ നിമിശം.....
  ഓര്‍മ്മ വെച്ച നാള്‍ മുതല്‍ക്കുള്ള കാലം എന്‍റെ മനസ്സിലേക്ക് മിന്നല്‍ വേഗത്തില്‍ തെളിഞ്ഞ് വന്ന് പോയി.
   നാട്ടുക്കാരുടേയും    ബന്ധുക്കളുടേയും  സുഹൃത്തുക്കളുടേയം  പ്രിയങ്കരനും സ്നേഹ   നിധിയുമായ...
എന്‍റെ   സുഹൃത്തും കളിക്കൂട്ടുകാരനും  സഹപാടിയും   അയല്‍വാസിയുമായ മജല്‍  അബ്ദുല്‍ റഹീം  മിന്‍റെ   മരണം ഇത് വരെ
 ആര്‍ക്കും പൂര്‍ണ്ണമായി   ഉള്‍കൊള്ളാന്‍   പറ്റിയിട്ടില്ല  ........
 ജനിച്ചവന് മരണം നിര്‍ബന്ധമാണെന്ന് എല്ലാര്‍ക്കും  അറിയാം...പക്ഷെ  
 പെട്ടന്നുണ്ടായ        വിയോഗം ഉള്‍കൊള്‌ളാന്‍ എല്ലാര്‍ക്കും   ഒരു പാട് സമയം വേണ്ടി വന്നു. ചിലര്‍ അങ്ങനെയാണ്  ‍            സ്വന്തത്തെകുറിച്ചോ കുടുംബത്തെക്കുറിച്ചോ  ജീവിതത്തിന്‍റെ വരുംവരായ്കളെ കുറിച്ചോ ഭയപ്പെടാതെ   ആശങ്കകളില്ലാതെ  പ്രകാശിച്ച് നില്‍ക്കും. ആ പ്രകാശം അണഞ്ഞ് പോകുബോഴാണ് അതിന്‍റെ വ്യാപ്തിയും അത്  എത്രത്തോളം പരന്ന് കിടക്കുന്നുവെന്ന്  തിരിച്ചറിയുവാനും ആ വ്യക്തിത്വത്തിന്‍റെ വലിപ്പം മനസ്സിലാകാനും  കഴിയുന്നത്   അങ്ങിനെയുള്ള  ഒരു വ്യക്തിയാണ്   എല്ലാവരും സ്നേഹത്തോടെ  ചുരുക്കപ്പേരില്‍ വിളിക്കുന്ന  "റൈമു"എന്ന  നമ്മുടെ   അബ്ദുറഹീം..... എല്ലാവരോടും നല്ല നിലയില്‍ സംസാരിക്കുകയും  പ്പെരുമാറുകയും  ചെയ്യുന്ന   സ്നേഹത്തോടുംസൗഹാര്‍ദത്തോടും താഴ്മയോടും  വിനയത്തോടും    കൂടിയുള്ള  എല്ലാവര്‍ക്കുംഇഷ്ടപെടുന്ന രീതിയിലുള്ള ഒരു നല്ല  സ്വഭാവത്തിന് ഉടമയായിരുന്നു.
 നാട്ടിലും വീട്ടിലും നടക്കുന്ന സൂക്ഷമമായ   മാറ്റങ്ങളെ   അറിഞ്ഞ്   ഉള്‍കൊണ്ട്   വളരെ  ലളിതമായ   ജീവിതം കാഴ്ച്ചവെച്ച  വ്യക്തികൂടിയാണ് റഹീം.
 നാട്ടുക്കാരുടേയും ബന്ധുക്കളുേടയും ദുഃഖത്തിലും സന്തോഷത്തിലും മറ്റ് ഏത് കാര്യത്തി ലായാലും സഹകരണത്തോട് കൂടിയുള്ള തന്‍റെ സാനിധ്യം സജീവമായി ഉണ്ടാകും ചെറുപ്പക്കാലംതൊട്ട്  മറ്റുള്ളവര്‍ക്ക്  വേണ്ടി   ജീവിച്ചിരുന്ന അലിവും കനിവും കരുണയും  ഉള്ള   ഒരു വലിയ   പരോപകാരിയും വലിയ   ധാരാളിയുമായിരുന്നു .    മാതാപിതാക്കളോടും സഹോദരങ്ങള്‍ക്കിടയിലും  ആദരവോടും പറഞ്ഞാല്‍ തീരാത്ത  അളവറ്റ  സ്നേഹത്തിലുമാ യിരുന്നു   ഈ പ്രായത്തില്‍ പോലും  മാതാ പിതാക്കള്‍   വാല്‍സല്യത്തോടെ സ്നേഹം പകര്‍ന്ന്  സംസാരിക്കുന്നത് ഞാന്‍ നേരില്‍ കണ്ടവനാണ് ...    മരണ വാര്‍ത്ത അറിഞ്ഞതിന്ന്  ശേഷംഓര്‍മ്മ വെച്ചത് മുതല്‍ക്കുള്ള കാലംഎന്‍റെ കുട്ടിക്കാലത്തെ കളിക്കൂട്ടുകാരന്‍റെ സമീപനത്തെ വേദനയോടെ  ഞാന്‍  അനുസ്മരിക്കുകയായിരുന്നു....
  അന്ന് ഞങ്ങളുടെ  വീട് സ്ഥിതി ചെയ്യുന്ന മജല്‍ പ്രദേശം
 ആ   പ്രദേശത്ത്     കുറഞ്ഞ   കുട്ടികളുടെ ഒരു കൂട്ടംതന്നെ ഉണ്ടായിരുന്നു. സ്ക്കൂളില്‍  ഞങ്ങള്‍  ഒരേ ക്ലാസില്‍ ആയിരുന്നെങ്കിലും ഞങ്ങളേക്കാള്‍  അല്ലെങ്കില്‍ പ്രായത്തില്‍  കവിഞ്ഞ പക്വതയും ആരോഗ്യവും കഴിവും  അറിവും ഏതൊരാളോടും  അനായസം കേറി   സംസാരിക്കാനും പരിജയപ്പെടാനും  മറ്റും  ഉള്ള  ഒരു വലിയ കഴിവ്  ചെറുപ്പം മുതലേ  ഉണ്ടായിരുന്നു..    ഞങ്ങളെല്ലാരും കൂട്ടത്തോടെ ഒന്നിച്ച്    രാവിലേയും ഉച്ചക്കും വൈകുന്നേരവും ഓടിയും ചാടിയും ഒച്ചവെച്ചും സ്കൂളിലേക്കും മദ്രസയിലേക്കും  പോകുന്നതും വരുന്നതുമെല്ലാം ഒരു ആവേശമായിരുന്നു . കൂടാതെ നമ്മുടെ ജീവിതത്തില്‍ ഒരിക്കലുംമറക്കാന്‍ പറ്റാത്ത സമയമാണല്ലൊ  കുട്ടിക്കാലത്ത് നമ്മള്‍ ആകോശമാക്കുന്ന    വൈകുന്നേരത്തെ  കളിയും ..അത് കഴിഞ്ഞ്  കുളത്തിലും അല്ലെങ്കില്‍   പുഴയിലേക്ക് ഒഴുകി ച്ചേരുന്ന ചെറിയ തോട്  അവിടെ  നാട്ടിലെ പുള്ളമ്മാര് മൊത്തം ഉണ്ടാകും   കൂട്ടത്തോടെയുള്ള  ഒരു മാരത്തോണ്‍     കുളിയും കളിയുംആയിരിക്കുംഎല്ലാവരും.    നേരം ഇരുട്ടുന്നത് പോലും അറിയില്ല
  ഇവിടയൊക്കെ റഹീമിന്‍റെ നേതൃത്വമായിരിക്കും  നേരം ഇരുട്ടി  ബാങ്ക് വിളി കേട്ടാലേ..വെള്ളെത്തില്‍ നിന്നും കയറുകയുള്ളു..പിന്നെ പള്ളിയിലും അത് കഴിഞ്ഞ് രാത്രി കാല മദ്രസുംകഴിഞ്ഞ് മുതിര്‍ന്നവരുടെ കൂടെ തിരിച്ച്  വീട്ടിലേകുംഒരുമിച്ചുള്ള യാത്ര..  കളിയിലും ചിരിയിലും തമാശകളിലും ആവേശം പൂണ്ട് ചെറിയ ചെറിയ  കാര്യങ്ങളില്‍, തെറ്റുകളില്‍, തര്‍ക്കങ്ങളില്‍....തല്ലും വഴക്കും   കൂടിയിറ്റുണ്ട് പിണങ്ങിയിറ്റുണ്ട്   അങ്ങിനെ  പൊറുക്കുകയും മറക്കുകയും ചെയ്ത കാലം..  ഇതെല്ലാം ഞങ്ങള്‍ എങ്ങിനെ  മറക്കാന്‍  . ഞങ്ങളുടെ ഓര്‍മ്മകളിലേക്ക് തിരിഞ്ഞും മറിഞ്ഞും ഓടിവരികയാണ്           ഇതെല്ലാം .....ഞങ്ങളുടെ നാഥാ...
 യാ... അല്ലാഹ്  ഞങ്ങളുടെ റഹീമിന് മക്ഫിറത്തും മറഹമത്തും   സ്വര്‍ഗവും നല്‍കി  നീ  അനുഗ്രഹിക്കേണമേ . ...
.
 അന്‍ച്ച് നേരം സമയം തെറ്റാതെ പള്ളിയില്‍ പോയി നിസ്കരിക്കുന്നവനാണ് റഹീം.

ഹസനത്തുല്‍ ജാരിയ പള്ളിയില്‍   റമദാന്‍ മാസം     എല്ലാദിവസവും അസറിന് ശേഷം    'അഥിഖ് റഹമാന്‍' ഫൈസിയുടെ  പ്രഭാശണം ഉണ്ടാകും അതില്‍ എന്നും പങ്കുടുക്കുമായിരുന്നു  അന്ന്  പള്ളിയില്‍ കയറിയതിന്ന് ശേഷം വല്ലാത്ത അസ്വസ്ഥതയും ശക്തമായ നെന്‍ച്ഛ്  വേദനയും  ഉണ്ടായപ്പോള്‍  ഉടനെ    ഹോസ്പിറ്റലില്‍ കൊണ്ട് പോയിരുന്നു.. കുറച്ച് സമയം  കഴിഞ്ഞതിന്ന് ശേഷം അവിടെ വെച്ച്  മരണം സംഭവിച്ചു.
മരിക്കുന്ന സമയത്ത്  മക്കളെല്ലാം പടിക്കന്നവരായിരുന്നു അതിന് ശേഷം മരിക്കുന്നതിന്ന് മുബ് തീരുമാനിച്ച്  വെച്ച മകളുടെ വിവാഹം കഴിഞ്ഞു ..  അല്ലാഹുവിന്ന്  സ്തുതി ... അവര്‍ക്ക് ബുദ്ധിമുട്ടും പ്രയാസങ്ങളും ഇല്ലാതെ  അല്ലാഹു  അനുഗ്രഹിക്കുമാറാകട്ടെ ....
അവന്‍റെ വിയോഗം   കുടുബത്തിലും ഒരു പ്രദേശത്താകെയും തേങ്ങലായി  നിലനില്‍ക്കുകയാണ്.....
   അവന്‍റെ എല്ലാ ദോശങ്ങളും പൊറുത്ത് കൊടുത്ത് അല്ലാഹു  അനുഗ്രഹിക്കുമാറാകട്ടെ . കബ്റ് വിശാലമാക്കി കൊുടുക്കുമാറാകട്ടെ..  .മാതാപിതാക്കളോടൊപ്പം ജന്നാത്തുല്‍ ഫിര്‍ദൗസില്‍ ഇടം നല്‍കി  അല്ലാഹു  അനുഗ്രഹിക്കുമാറാകട്ടെ ..  .ആമീന്‍.. യാ...റബ്ബല്‍ ആലമീന്‍ ....



   ബഷീര്‍ മജല്‍....
°°°°°°°°°°°°°°°°°°°°°°°°°°°°°

ഖുർആൻ ഹൃത്തിൽ സൂക്ഷിച്ച് ത്വയ്യിബ് വന്നു പട്ലയിൽ ഒരു ഹാഫിദ് കൂടി .../ അസ്ലം മാവില

*ഖുർആൻ ഹൃത്തിൽ*
*സൂക്ഷിച്ച് ത്വയ്യിബ് വന്നു*
*പട്ലയിൽ*
*ഒരു ഹാഫിദ് കൂടി ...*
________________

അസ്ലം മാവില
________________

ഖത്വീബ്  ഇബ്രാഹിം ദാരിമി  മൗലവി  ജുമുഅ: ഖുതുബയ്ക്കായി മിമ്പർ ലക്ഷ്യമാക്കി നടന്നു. അദ്ദേഹം സലാം പറഞ്ഞിരുന്നു. ഇപ്പോൾ ബാങ്ക് വിളിക്കുന്നത്  തൂവെള്ള തൊപ്പി ധരിച്ച ഒരു കൗമാരക്കാൻ.  അതിമനോഹരമായ ശബ്ദം. എനിക്ക് ആളെ മനസ്സിലായില്ല. ജുമുഅ: നമസ്കാരം കഴിഞ്ഞ് ആരെന്ന് ഞാൻ തിരക്കി.  ഖുർആൻ ഹൃത്തിൽ
സൂക്ഷിക്കാൻ അപുർവ്വ ഭാഗ്യം സിദ്ധിച്ച കുഞ്ഞു വ്യക്തിത്വം, ത്വയ്യിബ്, ഹാഫിദ് ത്വയ്യിബ് സുവാദ്. കോയപ്പാടി ബഷീർ - നസീറ ദമ്പതികളുടെ മക്കളിൽ മൂന്നാമൻ.

കഴിഞ്ഞ മൂന്ന് വർഷമായി ത്വയ്യിബ് ഖുർആൻ ഹൃദിസ്ഥമാക്കാൻ തുടങ്ങിയിട്ട്.  നെല്ലിക്കട്ടയിലെ പ്രശസ്തമായ അൽനൂർ ഹിഫ്ദ് കോളേജാണ് ഗുരുകുലം.   മുഹമ്മദ് അബ്ദുൽ ഖാദർ സാഹിബ് മുൻ കൈ എടുത്ത് ആരംഭിച്ച സ്ഥാപനം തന്നെ. ഇവിടെ നിന്ന് തന്നെയാണ് പട്ലക്കാരായ ബാസിം ബഷീറും
സഫ്വാൻ അബ്ദുന്നാസറും
ഫഹീം അബ്ദുൽ അസീസും ഹാഫിദുമാരായത്.


 പ്രിൻസിപ്പാൾ ഹാഫിള് ഫഹദ് ഉസ്താദുൾപ്പെടെയുള്ള ഗുരുനാഥന്മാരുടെ സ്നേഹവും പരിലാളനയും ശിക്ഷണവുമേറ്റുവാങ്ങിയാണ് ത്വയ്യിബ് ഹാഫിദ് പഠനം പൂർത്തിയാക്കിയത്. അൽ നൂറിലെ കുട്ടികളുടെ എഴുത്തുപുരയിലെ സജിവ സാനിധ്യം കൂടിയാണ്  ഈ പതിനാലുകാരൻ. ചെറുതായി കവിതകളും  ഗാനങ്ങളും ത്വയിബിന്  വഴങ്ങും. (നല്ലൊരു ഗായകൻ കൂടിയായ  ത്വയ്യിബിന്റെ അനിയൻ മിസ്അബ് മദ്രസാ സാഹിത്യ- കലാ മൽസരങ്ങളിൽ സംസ്ഥാന തലത്തിൽ  പ്രതിഭ തെളിയിച്ച വിദ്യാർഥി കൂടിയാണെന്ന്  കൂട്ടത്തിൽ എഴുതട്ടെ). മിസ്അബിനെ കൂടാതെ ബഷ്റീന, മുആദ് ,  സെബാ എന്നിവർ സഹോദരങ്ങൾ.

എന്റെ പിതാവിന്റെ സുഹൃദ് വലയത്തിലെ മർഹൂം ഇംഗ്ലിഷ് മുഹമ്മദ് കുഞ്ഞി സാഹിബിന്റെ പേരക്കുട്ടി കൂടിയാണ് ത്വയിബ്.  (ഈ സന്തോഷം കാണുവാനും അത് പങ്കിടാനും അവരാരും ഇല്ലല്ലോ എന്നത് മാത്രമാണ് ഒരു സങ്കടം. അവരുടെ മഗ്ഫിറത്തിനും മർഹമത്തിനും വേണ്ടി റമദാനിന്റെ ഈ പുണ്യ നേരങ്ങളിൽ നമുക്ക് അകമഴിഞ്ഞ് പ്രാർഥിക്കാം.)

 കിടപിടിക്കാൻ പറ്റാത്ത
 ലോകത്തിലെ ഏറ്റവും ഔന്നത്യ സ്ഥാനം ലഭിക്കുന്ന ഒന്നാണല്ലോ ഹാഫിദ് പദവി. ത്വയ്യബ് എന്ന 14 കാരൻ പ്രായത്തേക്കാളേറെ ആദരിക്കപ്പെടുന്നതും അത് കൊണ്ട് തന്നെയാണ്.

ത്വയ്യബ് താങ്കൾക്കിത് എന്നെന്നും നിലനിർത്തുവാൻ റബ്ബ് അനുഗ്രഹിക്കട്ടെ, ഒപ്പം ആയുരാരോഗ്യ സൗഖ്യവും നേരുന്നു.

 ജസാക്കല്ലാഹ്! 🌱
________________________
www.rtpen.blogspot.com

Thursday, 22 June 2017

കുട്ടിക്കാല നോമ്പ്, ഒരോര്‍മ്മ.../ Azeez Patla

....തുടര്‍ച്ച




🌿🌿🌿🌿🌿




*കുട്ടിക്കാല നോമ്പ്, ഒരോര്‍മ്മ...*


മഞ്ഞച്ചപ്പല അപ്പവും (മഞ്ഞളിലയട) മറ്റു മധുര പലഹാരങ്ങളും കഴിച്ചു മസ്തുകെട്ടി കിടക്കുമ്പോഴാണ് ഇഷ ബാങ്കിന്‍റെ ആരവം... ജ്യേഷ്ടന്‍ ഹമീദിന്‍റെ കൂടെ ഉടന്‍ പള്ളിയിലേക്ക്, ഇഷയ്ക്ക് മുമ്പ് രണ്ട് റകഅത്ത് സുന്നത്തും നിസ്കരിച്ചു, പിന്നീടാണറിഞ്ഞത് ഇഷയ്ക്ക് മുമ്പ് സുന്നത്തില്ല, തഹിയ്യത്താണ് ചെയ്യേണ്ടിയിരുന്നതെന്ന്.

അകത്തെ പള്ളിനിറഞ്ഞു പുറം പള്ളിയില്‍ ആള്‍ക്കാര്‍ ഇരിപ്പുരപ്പിചിരിക്കുന്നു, ലൈലത്തുല്‍ ഖദറിന്‍റെ രാവാണ്‌,അന്നേ ദിവസവും പള്ളിയില്‍ വരാത്തവരെ ആള്‍ക്കാര്‍ ശ്രദ്ധിക്കും , ഞാന്‍ വലിഞ്ഞു അകം പള്ളിയില്‍ കയറി, മുന്‍ നിരയില്‍ മുക്രി മമ്മദുച്ച, ഖാദിര്‍ഞ്ഞി ഹാജിയര്‍ച്ച, സൈദ്‌ന്‍റെ ഉപ്പ ,കുന്ചാര്‍  അബ്ദുല്ലച്ച, കുമ്പള മോന്‍ച്ച, പഞാര്ച്ച, ചാക്കട്ട ഓകര്‍ച്ച, ബീരാതി കുട്ടിച്ച, മുക്രി ഔകര്ച്ചാന്‍റെ കുട്ടിച്ച, സുല്‍ത്താന്‍ കുഞ്ഞസ്ച്ച, കാര്‍ ബീരന്ച്ചാന്‍റെ ഉപ്പ, മൂസക്കുട്ടി ഔക്കുച്ച തുടങ്ങിയവരെ ഓര്‍മയില്‍ വരുന്നുള്ളൂ (الله يرحمهم جميعا آمين)

ഇഷ നമസ്കാരാനന്തരം നിയ്യത് ചെയ്യല്‍, പിന്നീടൊരു ചെറിയ കൂട്ട പ്രാര്‍ത്ഥന അത് കഴിഞ്ഞു രണ്ട് റകഅത്ത് സുന്നത്ത് നമസ്കരിച്ചു “അസ്സലാതുല്‍ ജാമി അ” എന്ന് അഭിമന്യ പണ്ഡിതനും  പട്ള നിവാസിയുമായ മൂന്നു തലമുറയുടെ ഗുരുനാഥനും  നാല് പതിറ്റാണ്ടുകളോളം  ഖത്തീബ് പദവി അലങ്കരിച്ച മര്‍ഹൂം കുഞ്ഞാലി മൊയിലാര്‍ച്ച (ഖത്തീബ് ഹാജിയര്‍ച്ച) ഉച്ചത്തില്‍ പറഞ്ഞു, (الله يرحمه)

ഫീല്‍ഡ് മാര്‍ഷാളിന്‍റെ ആത്ഞാനുവര്‍ത്തികളായ പട്ടാളക്കാരെപ്പോലെ മറ്റുള്ളവര്‍ കാലുകളുടെ മാടമ്പ് ഒപ്പിച്ചു നിരയായി നിന്നു, ഭക്തിനിര്‍ഭരമായ ആ അന്തരീക്ഷത്തില്‍ പരസ്പരം നോക്കുക പോലും ചെയ്യുന്നില്ല, എല്ലാ വിനിമയവും തന്‍റെ സൃഷ്ടാവിനോട് നേരിട്ട് സംവാദിച്ചു ചിലര്‍ വിങ്ങിപ്പൊട്ടി, “അലം തറ കൈഫ” എന്ന സൂറത്തില്‍ തുടങ്ങി “കുല്‍ അഉസു ബിറബ്ബിന്നാസു” വരെ പത്തു റക അത്ത്, വീണ്ടും ഒരാവൃത്തിയായപ്പോള്‍ ഇരുപതു റക അത്ത്, ഓരോ നാല് റക അത്തിനു ശേഷം “അശ്ഹദു ........ ഫ അഫുഅന്നീ....” എന്ന ദുആ മുമ്മൂന്നു പ്രാവശ്യം ചൊല്ലും, ഇടയ്ക്ക് ഇമാമിന് സൂറത്ത് മാറിപ്പോയാല്‍ ഉടന്‍ മര്‍ഹൂം ഖാദിര്‍ഞ്ഞി ഹാജിയര്‍ച്ച തിരുത്തും.

ഇരുപതു കഴിഞ്ഞാല്‍ മൂന്നു വിത്ര്‍, നോമ്പു പതിനഞ്ചാം നാള്‍ തൊട്ടു അവസാനത്തെ വിത്രില്‍ ഖുനൂത്തു പതിവാണ്., അതൊക്കെ ഓര്‍ക്കുമ്പോള്‍ കോരിത്തരിക്കും..കുഞ്ഞു മനസ്സില്‍ ഉള്‍ക്കൊള്ളാവുന്നതിലധികം കാഴ്ചകളും കേള്‍വികളും നിറയുമ്പോള്‍  ഭക്തിയുടെ നിറകുടമായി മനസ്സിനൊത്തു ശരീരവും പാകപ്പെടുകയായിരുന്നു.പിറ്റേ ദിവസത്തെ നോമ്പിനു വേണ്ടിയുള്ള തയ്യാറെടുപ്പ്, സുബ്ഹി ബാങ്ക് വിളിക്കുന്നതിനു തൊട്ടു മുമ്പ് വരെ തീറ്റ തുടര്‍ന്നു, ഭക്ഷണത്തിന്‍റെ ഉള്‍ക്കരുത്തിലല്ല മറിച്ചു ആത്മീയതയ്ടെ നിറചൈതന്യമാണ് നോമ്പുകാരന് കരുത്തും ഉര്‍ജ്ജവും നല്‍കുന്നതെന്ന് പിന്നീടാണ് മനസ്സിലായത്‌.


കിഴക്കെമാനത്തു വെള്ള കീറിയത് തൊട്ടു ഞാന്‍ ഉമ്മ പറഞ്ഞ ഉറുമ്പിനെയും നോക്കിയിരുന്നു, ഒറ്റയായും തെറ്റയും പോകുന്ന കുറേയെണ്ണ ത്തിനെ കണ്ടെങ്കിലും അതുകള്‍ക്ക് നോമ്പുണ്ടോയെന്നുറപ്പിക്കാന്‍  എനിക്ക് കഴിഞ്ഞില്ല, അപ്പോഴാണ്‌ മരക്കൊമ്പത്തിരുന്ന കാക്ക ഖാ........ഖാ........ ഒച്ചയുണ്ടാക്കി വീണുകിടന്ന ഇലയപ്പക്കഷ്ണം കൊത്തിത്തിന്നുന്നത് ശ്രദ്ധയില്‍പെട്ടത്, സത്യത്തില്‍ എനിക്കാ കാക്കയോട് ദേഷ്യമാ തോന്നിയത്, നോമ്പില്ലാത്ത കാക്കേ, പോ ഇവിടന്ന്‍ എന്നും പറഞ്ഞു ഞാന്‍ ഓടിച്ചു..കാഴ്ച കണ്ട ഉമ്മ കാര്യം മനസ്സിലാക്കി തിരുത്തി, പക്ഷികള്‍ക്ക് നമ്മുടെ അത്ര സമയം നോമ്പു നോല്‍ക്കേണ്ടി വരില്ല, കുറച്ചു സമയമായിരിക്കും... ഉമ്മയെ ഓര്‍ത്ത്‌ ഇന്നും ഞാന്‍ വിതുമ്പും.... (الله يرحمها)

 ഖുര്‍ആന്‍ ക്ലാസിലെ തുടര്‍പഠിതാവായ എനിക്ക് സൂറത്ത് നൂറില്‍ നിന്നും ഉമ്മ പറഞ്ഞ ആ കഥയുടെ പൊരുള്‍ മനസ്സിലാക്കി തന്നു ഉസ്താദ്.

*أَلَمْ تَرَ أَنَّ اللَّهَ يُسَبِّحُ لَهُ مَن فِي السَّمَاوَاتِ وَالأَرْضِ وَالطَّيْرُ صَافَّاتٍ كُلٌّ قَدْ عَلِمَ صَلاتَهُ وَتَسْبِيحَهُ وَاللَّهُ عَلِيمٌ بِمَا يَفْعَلُونَ *
ആകാശങ്ങളിലും ഭൂമിയിലുമുള്ളവരും, ചിറക് നിവര്‍ത്തിപ്പിടിച്ചു കൊണ്ട് പക്ഷികളും അല്ലാഹുവിന്‍റെ മഹത്വം പ്രകീര്‍ത്തിച്ചു കൊണ്ടിരിക്കുന്നു എന്ന് നീ കണ്ടില്ലേ? ഓരോരുത്തര്‍ക്കും തന്‍റെ പ്രാര്‍ത്ഥനയും കീര്‍ത്തനവും എങ്ങനെയെന്ന് അറിവുണ്ട്‌. അവര്‍ പ്രവര്‍ത്തിക്കുന്നതിനെപ്പറ്റി അല്ലാഹു അറിയുന്നവനത്രെ.
*وَلِلَّهِ مُلْكُ السَّمَاوَاتِ وَالأَرْضِ وَإِلَى اللَّهِ الْمَصِيرُ * ↓
അല്ലാഹുവിന്നാകുന്നു ആകാശങ്ങളുടെയും ഭൂമിയുടെയും ആധിപത്യം. അല്ലാഹുവിങ്കലേക്ക് തന്നെയാണ് മടക്കവും.

ഓരോ ജീവജാലങ്ങള്‍ക്കും തങ്ങളുടെ പ്രാര്‍ഥനയും കീര്‍ത്തനവും എങ്ങനെയെന്നു എല്ലാ വസ്തുക്കളെയും ജലത്തില്‍ നിന്നും സൃഷ്‌ടിച്ച റബ്ബ് അറിയിച്ചു കൊടുത്തിട്ടുണ്ട്, ഉമ്മമാര്‍ പറഞ്ഞത് എത്ര സത്യമായിരുന്നു, അറബിയില്‍ ഒരു ചൊല്ലുണ്ട് “മാതാവിന്‍റെ മടിത്തട്ടാണ് വിത്ജ്ഞാനത്തിന്‍റെ കലവറ” യെന്നു, ആ വിരല്‍തുമ്പു പിടിച്ചു ഇനിയും കുറേ നടക്കാന്‍ നമുക്ക് ഭാഗ്യമില്ലാതായിപ്പോയല്ലോ...അല്ലാഹുവേ ഞങ്ങളുടെ മാതാപിതാക്കളെ നീ സ്വര്‍ഗ്ഗത്തിന്‍റെ അവകാശികലാക്കണേ തമ്പുരാനേ... ഒപ്പം ഞങ്ങളെയും ഞങ്ങളുടെ ഭാര്യമാരെയും സന്താനങ്ങളെയും ജ്യെഷ്ടാനുജത്തിമാരെയും ഞങ്ങളില്‍ നിന്നും മരണപ്പെട്ടുപോയവരെയും ബന്ധു മിത്രാധികളേയും നീ ഉള്‍പ്പെടുത്തണേ തമ്പുരാനേ.... ആമീന്‍



തുടരും...


അസീസ്‌ പട്ള



🌿🌿🌿🌿🌿

കുട്ടിക്കാല നോമ്പു, ഒരോര്‍മ്മ... /അസീസ്‌ പട്ള

🌿🌿🌿🌿🌿


....തുടര്‍ച്ച




*കുട്ടിക്കാല നോമ്പു, ഒരോര്‍മ്മ...*




മമ്മദ് മുക്രിച്ച (الله يرحمه)  മൈക്കില്‍ വിരല്‍ത്തുമ്പുകള്‍  കൊണ്ട് രണ്ട് കൊട്ട് കൊട്ടി ബാങ്കുവിളി തുടങ്ങി, ശബ്ദത്തിനസനുസൃതമായി മിഹ്രാബിലെ ഒറ്റ ബള്‍ബിന്‍റെ ഫിലമന്‍ട് ഏറിയും കുറഞ്ഞും മിന്നികൊണ്ടിരുന്നു., മിനാറിലെ ഉച്ചഭാഷിണിയിലൂടെ അഷ്ടദിക്കുകളിലും വിസരിച്ച അദ്ദേഹത്തിന്‍റെ സ്വതസിദ്ധഘനഗംഭീര ശബ്ദമാധുരിയില്‍ പട്ളയിലെ ഓരോ മണല്‍തരികളും കോരിത്തരിച്ചു, വിശ്വാസികള്‍ക്ക്  ആത്മീയ ചൈതന്യത്തിന്‍റെ  പുത്തനുണര്‍വ് പകര്‍ന്നു  പ്രാര്‍ഥനാനിരതരാക്കി,  എന്‍റെ കാതുകളില്‍ ഇന്നും ആ മണിനാദം നിലക്കാതെ മുഴങ്ങുന്നു.




ഇന്ന്  ഇരുപത്തിയേഴാം രാവ്,  അന്നത്തെ ഒരു ഇരുപത്തിയേഴാം രാവിന്‍റെ  അനുഭവം ഇന്നും ഓര്‍ക്കുന്നു, അസര്‍ നമസ്കാരം  കഴിഞ്ഞാല്‍  വീട്ടിലെ അല്ലറ ചില്ലറ പണികളുണ്ട്കും, കന്നിനെ തൊഴുത്തില്‍ കേട്ടലും മീന്‍ വാങ്ങിച്ചു കൊടുക്കലും അങ്ങിനെ പലതും.. അസറിന് ശേഷമുള്ള ഉറുദിയും കേട്ടു പുറം പള്ളിയുടെ മേല്‍ഭാഗത്തെ തുറസായ സ്ഥലത്ത് കാറ്റും കൊണ്ട് കുറച്ചു കിടന്നു, സൂട്ടത്തില്‍ സമപ്രായക്കാരും അല്ലാത്തവരും ഉണ്ട്, ഇന്നത്തെ പി.ടി.പ്രസിടണ്ട് സൈദ്‌, എം. ഏ. റസാഖ് (الله يرحمه)  എഫ്. മുഹമ്മദ്‌ (الله يرحمه) മച്ചുനന്‍ ബി. ബഷീര്‍, സഖാവ് അബ്ദുള്ള, അനുജന്‍ ഖരീം, അന്തുക്ക (ഹനീഫച്ച) അങ്ങിനെ ഒരുപാടുപേര്‍, ടെറസ്സിലേക്കുള്ള കോണിപ്പടിക്കടിയില്‍ ഒതുക്കി വെച്ച സദര്‍ ഉസ്താദിന്‍റെ കട്ടിലില്‍ തട്ടാതിരിക്കാന്‍ ഞങ്ങള്‍ പ്രത്യേകം സൂക്ഷിച്ചു, കട്ടിലിന്‍ ചുവട്ടിലെ കാര്‍ടൂണില്‍ നിറയെ പുസ്തകമായിരുന്നു.


ദൌത്യനിര്‍വഹണത്തിനുവേണ്ടി വീട്ടിലെക്കെത്തിയ എന്നെ സ്വാഗതം ചെയ്തത് ആവിയില്‍ വേവുന്ന മഞ്ഞളിലയടയുടെ തേങ്ങയും ശര്‍ക്കരയും മറ്റു ചേരുവകളും ഇഴുകിച്ചേന്ന ഹൃദയവും ആസ്വാദ്യകരവുമായ കൊതിയൂറും ഗന്ധം, ഇരുപത്തിയേഴാം രാവിനു നോമ്പു തുറക്കാന്‍ എല്ലാ വീട്ടില്‍ നിന്നും മധുര പലഹാരങ്ങളും, പത്തലും (കാസര്‍കോടന്‍  കൈപത്തിരി) തേങ്ങാക്കൊത്തും, നെയ്യപ്പം, ചക്ക കിള്ളിയിട്ടത് ഒക്കെ അക്കൂട്ടത്തില്‍ ഉണ്ടാകും, പക്ഷെ രാജാ മഞ്ഞളിലയട തെന്നെ., പല വീട്ടില്‍ നിന്നും വിവിധ ജാറുകളിലാക്കി ചുടുചായ, പള്ളിവക പായസം വേറെ (സോജി), അതിനു നേതൃത്വം കൊടുത്തിരുന്നത് പള്ളിച്ചാന്‍റെ മമ്മദുന്‍ച്ച (الله يرحمه) നമ്മുടെ അന്താന്‍റെയും മറ്റും ഉപ്പ,, പായസം ഉണ്ടാക്കുന്നതില്‍ അദ്ദേഹത്തിന് പ്രത്യേക കൈപുണ്യം ഉണ്ടായിരുന്നു., ചുരുങ്ങിയത് രണ്ട് ഗ്ലാസ്സ്സെങ്ങിലും കുടിച്ചുപോകും, അത്രൈക്കുമുണ്ട് ആ സോജിയെന്ന അപരന്‍റെ നറുസ്വാദ്. പള്ളിയില്‍ കൊടുക്കാന്‍ പാത്രത്തിലാക്കി എന്‍റെ കയ്യിലും തന്നു ഉമ്മ (الله يرخمها)  മഞ്ഞളിലയട,

ഒരു കാര്യം ഇപ്പോഴും ഓര്‍ക്കുന്നു ഒരു മുഴുകാരക്ക കിട്ടിയ ദിവസം ,നമ്മുടെ മജല്‍ ഹാജിയര്ച്ചയായിരുന്നു അദ്ദേഹത്തിന്‍റെ കൈ കൊണ്ട്തെന്നെ ഒരു കടലാസ് കവറില്‍ നിന്നും വിതരണം ചെയ്തത്, മക്കത്തു നിന്നും നേരിട്ട് കൊണ്ടുവന്നതോ മറ്റോ ആവാം, നാട്ടില്‍ അക്കാലത്ത് കാരക്ക കിട്ടാറില്ല, രാജസ്ഥാനില്‍ നിന്നും വരുന്ന ഈത്തപ്പഴം കിട്ടുമായിരുന്നു അല്ലാഹു അദ്ദേഹത്തിന് പാപമോചനം നല്‍കുമാറാകട്ടെ ആമീന്‍.

ഇതൊക്കെ കഴിഞ്ഞു പിറ്റേ ദിവസം അഞ്ചു വയസ്സ് തോട്ടുള്ള കുട്ടികള്‍ മുതല്‍ അങ്ങോട്ട്‌ നോമ്പു,, ലൈലത്തുല്‍ ഖദറിന്‍റെ പുണ്യങ്ങളെപ്പറ്റി കേട്ടതൊക്കെ മനപാഠമായിരുന്നു, ഉറുമ്പ് മുതല്‍ എല്ലാ ജീവികളും നോമ്പു നോല്‍ക്കുമെന്നും മറ്റുമുള്ള കഥകള്‍ ഇളം മനസ്സില്‍ സൃഷ്ടാവിന്‍റെ ഏകത്വത്തെ അരുക്കിട്ടുരപ്പിക്കുകയായിരുന്നു, കൊച്ചുന്നാളിലെ ആ അനുഭവം പില്‍കാലത്ത് ഏതു  പ്രതിസന്ധികളെയും തരണം ചെയ്തു സൃഷ്ടാവും അവനും മാത്രമായുള്ള നോമ്പു എന്ന മഹത്തായ ആരാധനകര്‍മ്മത്തെ പുല്‍കാന്‍ അവനെ പ്രാപ്തനാക്കുന്നതും ആത്മീയ സംസ്കരണത്തിലൂട്ടിയുറപ്പിച്ച കുടുംബപശ്ചാത്തലവും നിവര്‍ത്തിച്ച ജീവിതസംസ്കൃതിയുമാണ്‌.

നമുക്ക് ഒന്നിച്ചു പ്രാര്‍ഥിക്കാം........അല്ലാഹുവേ ഞങ്ങളുടെ അമലുകളെ നീ സ്വീകരിക്കണേ നാഥാ......... നിന്‍റെ ഹബീബായ പ്രവാചകന്‍ (സ.അ) അരുളിയ ബാബുറയ്യാനില്‍ കൂടി പ്രവേശിക്കുന്ന നോമ്പുകാരുടെ കൂട്ടത്തില്‍ ഞങ്ങളെയും ഞങ്ങളുടെ മാതാപിതാക്കളെയും ജെഷ്ടാനുജന്മാരെയും ജെഷ്ട്ടത്തി അനുജത്തിമാരെയും ഞങ്ങളില്‍ നിന്നും മരണപ്പെട്ടുപോയവരെയും ബന്ധുമിത്രാദികളെയും ലോക മുസ്‌ലിംകളില്‍ നിന്നും ജീവിച്ചിരിക്കുന്നവരെയും മരണപ്പെട്ടവരേയും ഉള്‍പെടുത്തി സ്വര്‍ഗ്ഗത്തിന്‍റെ ആഹുലുകാരാക്കണേ തമ്പുരാനേ.... നാളെ റംസാന്‍ അനുകൂലമായി സാക്ഷി നില്‍ക്കുന്നവരുടെ കൂട്ടത്തില്‍ ഞങ്ങളെപെടുത്തണെ നാഥാ..  ആമീന്‍ യാ റബ്ബുല്‍ ആലമീന്‍





തുടരും...


അസീസ്‌ പട്ള



🌿🌿🌿🌿🌿

Wednesday, 21 June 2017

കള്ളൻ ഇപ്പോൾ വന്ന് വന്ന്പട്ടാപ്പകലും കക്കാമെന്നായിട്ടുണ്ട് എല്ലാവരും സംഭവങ്ങളൊക്കെ മുറയ്ക്ക് അറിയുന്നുണ്ടാകുമല്ലോ, അല്ലേ ? / അസ്ലം മാവില

*കള്ളൻ ഇപ്പോൾ*
*വന്ന് വന്ന്*
*പട്ടാപ്പകലും*
*കക്കാമെന്നായിട്ടുണ്ട്*
*എല്ലാവരും*
*സംഭവങ്ങളൊക്കെ*
*മുറയ്ക്ക് അറിയുന്നുണ്ടാകുമല്ലോ, അല്ലേ ?*
______________

അസ്ലം മാവില
______________

പട്ടാപകൽ ഒരു വീട് കുത്തിത്തുറക്കുക . അതും നട്ടുച്ച നേരം. വീട്ട്കാർ പുറത്ത് പോയ നേരം. അതും അവർ അവിടെ ഇല്ലെന്ന് 100 % ഉറപ്പായിട്ടോ ഉറപ്പാക്കിയിട്ടോ. എവിടെയും കേട്ട് കേൾവി ഇല്ലാത്ത കവർച്ചയാണ് നമ്മുടെ നാട്ടിൽ ഇന്നലെ ( 20 മെയ് 2017) നടന്നത്.

പരാതി നൽകിയത് കൊണ്ട്  പോലീസ് അന്വേഷണം നടക്കും. ഇന്ന് മുതൽ അതിന്റെ പ്രൊസീ & പ്രൊസസ്സ് തുടങ്ങുമായിരിക്കും. അത് അതിന്റെ വഴിക്ക് നടക്കട്ടെ. റൗണ്ട്സിന് പോകുന്ന ലേഖകന്മാർക്ക് പോലീസ് സ്റ്റേഷനിൽ ഈ തസ്ക്കരന്യൂസ് കിട്ടുമെന്നത് കൊണ്ട് ഇന്നോ നാളെയോ അത് പത്രത്തിൽ വരികയും ചെയ്യും.

നാട്ടുകാരായ നമുക്ക് എന്ത് തോന്നുന്നു ? നാലഞ്ച് ദിവസത്തേക്ക്  പറഞ്ഞു നടക്കാൻ ഒരു ചൂട് ചൂട് വാർത്ത എന്നത് മാത്രമായി ഇതൊതുങ്ങുമോ?

ഇത്ര പ്ലാൻഡായി നട്ടുച്ച നേരത്ത് കൃത്യം ചെയ്ത്  ഈ തസ്ക്കരക്കൂട്ടം തങ്ങളുടെ ഓപറേഷൻ വിജയകരമാക്കിയിട്ടുണ്ടെങ്കിൽ ചെറിയ ഗൃഹപാoമായിരിക്കില്ല ഇവറ്റകൾ ചെയ്തിരിക്കുക.  അത്കൂടി പോലീസ് അന്വേഷണത്തിന്റെ പരിധിയിൽ ഉണ്ടാകുമെന്ന്  കരുതാം.

റമദാൻ മാസത്തിന്റെ പരിശുദ്ധി കെടുത്തുമാറ് യാചകക്കൂട്ടങ്ങൾ പുഴയും കടന്ന് വരുമ്പോൾ വല്ലാണ്ട്  ഉദാരമതിയാകുന്നതിന് പകരം കുറച്ചൊക്കെ ശ്രദ്ധിക്കുന്നത് നല്ലതാണ്. ഇവരൊന്നും  ജനലഴിക്ക് പുറത്തേക്ക് നിങ്ങൾ എറിഞ്ഞു കൊടുക്കുന്ന "പൗളി " പെറുക്കാൻ വരുന്നവരല്ല. ഇവരുടെ കണ്ണും കാതും ശ്രദ്ധ മുഴുവനും വേറെ ചിലതിലേക്കാണ്. അത്കൊണ്ട് നല്ലോണം ജാഗ്രതയാക്കിക്കോളിം.  

മുമ്പൊരിക്കൽ യാചക മാഫിയക്കെതിരെ ഞാൻ ഒന്നിലധികം വട്ടം എഴുതിയപ്പോൾ, ചില കോണുകളിൽ നിന്ന് പരിഹാസവും പഴമ്പുരാണം പഠിപ്പിക്കലും മറ്റും വായിച്ചതും കേട്ടതും ഓർമ്മ വരുന്നു.  അന്നും ഞാൻ  മറുപടി പറഞ്ഞത് - നാട്ടുകാരുടെ മക്കളെ മൊത്തം ഇവർ ചാക്കിലിട്ട് കൊണ്ട് പോകുമെന്നോ എല്ലാ വീട്ടിലും ഇവറ്റകൾ മോഷണം നടത്തുമെന്നോ എന്റെ കുറിപ്പിന്  വ്യാഖ്യാനമില്ല; മറിച്ച് സെയ്ഫായ നമ്മുടെ നാട്ടിൽ നിന്ന് ഒരു പിഞ്ചു പൈതൽ നഷ്ടപ്പെട്ടാൽ, വളരെ സുരക്ഷിതമെന്ന് കരുതുന്ന ഈ നാട്ടിൽ നിന്ന്,  മുൻപിൻ വാതിലുകൾ സാക്ഷയിട്ടില്ലെങ്കിലും പ്രശ്നമില്ലെന്ന് കരുതിയിരുന്ന ഈ മഹല്ലിൽ നിന്ന്, ഒരു വീട് കൊള്ളയടിച്ചാൽ, അതൊരു  ചെറിയ വിഷയമായിരിക്കില്ല എന്നായിരുന്നു.

ഇതൊരു നെറ്റ് വർക്കാണ്, കമ്പിളിക്കാരനായും കക്കൂസ് ലായനിയായും ചെരുപ്പ് ക്ലീനറായും പിരിവ്കാരനായും വേഷം മാറി പിച്ചക്കാരെക്കാളും കൂടുതലായി അവർ ഇനിയും വരും. അവരെ സഹായിക്കാൻ ഇൻഫോർമർമാരും ഉണ്ടാകും.  മുഖംമൂടിയിട്ട് ബുർഖയിട്ട് ഹലാക്കിന്റെ വിശ്വാസിനികളായി വന്നാണ്  മിനിഞ്ഞാന്ന്  കാസർകോട്,  തൃക്കരിപ്പൂരിൽ ഒരു നോമ്പുകാരിത്തള്ളയുടെ വീട്ടിൽ കയറി എട്ടിന്റെ പണി കൊടുത്തത്. പുയ്യാപ്ലയും മക്കളും പറഞ്ഞത് പോലെ ജനലിൽ കൂടി ഭിക്ഷ നൽകി. കണ്ണ് മാത്രം പുറത്തിട്ട ബുർഖയും അതുക്കും മേലെയുള്ള സലാമും കേട്ടപ്പോൾ, മുസാബിന്റെ നട്ക്കണ്ടമെന്ന് കരുതി രണ്ടിന് മുട്ടിയ ഈ "ദീനീ പിച്ചക്കാരികൾ"ക്ക് നമ്മുടെ അമ്മായി വാതിൽ മലർക്കെ തുറന്നതേ ഓർമ്മയുള്ളൂ. പിന്നെ നടന്നത് കട്ട സീൻസ് .  അതെന്താണെന്ന് നിങ്ങൾ വായിച്ചിരിക്കുമല്ലോ. മോളെ കല്യാണത്തിന് കെട്ട്യോൻ അയച്ച പൈസയടക്കം സ്വാഹ:

(ഇന്നലത്തെ പത്രത്തിൽ കണ്ടത് തൃക്കരിപ്പൂർ മൊത്തം നാട്ടുകാർ യാചക വിരുദ്ധ പദ്ധതിയും ബദൽ സംവിധാനവും ചെയ്യാനുള്ള ഒരുക്കം തുടങ്ങിയെന്നാണ്. നാട്ടിലെ മിസ്കീനുകളെയും പാവപ്പെട്ട രോഗികളെയും നിർധനഭവന രഹിതരെയും സഹായിക്കുന്ന സ്കീമും അതിൽ പെടും. പുറത്ത് നിന്ന് പിരിവുകാരനെയടക്കം ആരെയും അറ്റൻഡ് ചെയ്യരുതെന്ന നിലപാട് കൂട്ടത്തിലും )  

ഒരു സിഗ്നൽ നമുക്ക് കിട്ടിക്കഴിഞ്ഞു. ഒരു ബെല്ല് നാം കേട്ടു കഴിഞ്ഞു . ചേര-മസാല (മസ്അല) പോലെ ആയിപ്പോകരുത് രണ്ടാമതൊരു വട്ടം.

"കക്ക്ന്നെങ്ക് പട്ളത്തേക്കെന്നെ പോന്നെ നല്ലതു, ഉച്ചക്കും കൂടി ആട്ന്ന് കക്കപ്പാ..." എന്ന് തസ്ക്കരമാരും അവരുടെ ഇൻഫോർമർമാരും വെടിപറച്ചിൽ തുടങ്ങിയിട്ടുണ്ടാകും. കേൾക്കാൻ അത്ര പാങ്ങുള്ള ഏർപ്പാടല്ല എന്ന് മാത്രം പറയട്ടെ. നിങ്ങൾക്കും അങ്ങിനെത്തന്നെയല്ലേ?  ജാഗ്രതൈ!
__________________🌱

മനസ്സുണ്ടെങ്കിൽ ചക്ക ചിപ്സ് വീട്ടിലുമുണ്ടാക്കാം. / അസ്ലം മാവില

*മനസ്സുണ്ടെങ്കിൽ*
*ചക്ക ചിപ്സ്*
*വീട്ടിലുമുണ്ടാക്കാം.*
_______________

അസ്ലം മാവില
______________

പ്രത്യേക തയ്യാറെടുപ്പില്ല. ഒരു പച്ച ചക്ക അറുത്തെടുത്ത് മുറിക്കുക. ചുള മാത്രം എടുക്കുക, നേർപ്പിച്ച് കഷ്ണിക്കുക.

അടുപ്പിൽ എണ്ണ തിളക്കണം. ചക്ക കഷ്ണങ്ങൾ എണ്ണയിൽ ഇsണം.  ഒന്നോ രണ്ടോ സ്പൂൺ ഉപ്പുവെള്ളം , മഞ്ഞൾ വെള്ളം എന്നിവ ഒഴിച്ച് കൊടുക്കണം. സ്വർണ നിറമായാൽ "വാങ്ങി വെക്കണം ".

വെളള കടലാസിൽ ഇറക്കി വെച്ച് കുറച്ച് മുളക് പൗഡർ ഒരു എരിവിന് വിതറുക, നിർബന്ധമില്ല.

ക്രിസ്പി (കറുംകുറൂം) പരുവത്തിലായാൽ ഒരു പ്ലാസ്റ്റിക് കവറിലിട്ട് J- Chips ഭദ്രമായി പൊതിഞ്ഞ്  വെക്കുക. യു കാൻ യൂസ് ഇറ്റ് മോർ ദാൻ വൺ മൻത് ). ഒരു ശരാശരി സൈസുള്ള ചക്കയിൽ ഒന്നൊന്നൊര കിലോ ചിപ്സ് കിട്ടും.

ട്രൈ ഇറ്റ്. ഒരു ചിപ്സ് ഐറ്റം നമുക്ക്, ആണുങ്ങൾക്കും ഉണ്ടാക്കാന്നേയ്. മൈദ, കടലപൊടി, അരിമാവ് ഇതില്  വീണ് ഉരുണ്ട് മറിയണ്ട. കൈ വലുതായി നനയാതെയുള്ള ഏർപ്പാട്.   പ്രിപറേഷൻ വെരി സിംപ്ൾ. ഒന്നു തുടങ്ങി വെച്ചാൽ വീട്ടുകാരി ഏറ്റെടുത്തോളും. (മൊബൈൽ ഫോൺ എന്തിനും ഒരു പരിഹാരമാണല്ലോ)

രസകരമായ മറ്റൊന്ന്,  എന്റെ ഒരു FB സുഹൃത്ത് പറഞ്ഞു - ചക്കച്ചാര നല്ല ജൈവ വളമാണ് പോൽ. ചെറുതായി കഷ്ണിച്ച് തെങ്ങിനോ കമുകിനോ  ഇട്ട് കൊടുത്താൽ മാത്രം മതിയത്രെ!

 (തലക്കെട്ട് ചരിയുമെന്ന് ഭയമുള്ളവർ ഈ കുറിപ്പ് വായിക്കരുത്.)
________________🌱

ചെറിയ വിജയങ്ങൾ ! വലിയ പാഠങ്ങൾ ! / അസ്ലം മാവില

*ചെറിയ വിജയങ്ങൾ !*
*വലിയ പാഠങ്ങൾ !*
__________________

അസ്ലം മാവില
__________________

സസ്യ ശാസ്ത്രത്തിൽ Leaf I'D എന്നത് ഏറെ രസകരവും പഠനാർഹവുമായ ഒരു ശാഖയാണ്.

കൊച്ചു കുട്ടികളിൽ പ്രകൃതിയും പരിസ്ഥിതിയും സസ്യലതാദികളും അവ ഉൾക്കൊള്ളുന്ന ഇക്കോ സിസ്റ്റത്തിന്റെ ഭാഗമെന്ന് ബോധ്യപ്പെടുത്തുന്ന, പരിസ്ഥിതിയുമായി  ബന്ധപ്പെട്ട ഒട്ടേറെ മത്സരങ്ങൾ നടത്താറുണ്ട് . പ്രത്യേകിച്ച് പള്ളിക്കൂടങ്ങൾ. അങ്ങിനെ ഒരു ചെറിയ വാർത്തയാണ്  ഇന്നത്തെ കുറിപ്പിലെ പരാമർശ വിഷയം.

ഇക്കഴിഞ്ഞ ലോക പരിസ്ഥിതി ദിനത്തിൽ സ്കൂളടിസ്ഥാനത്തിൽ നടന്ന മത്സരത്തിൽ, identification of leaves  മത്സരത്തിൽ നാലാം ക്ലാസ്സിൽ പഠിക്കുന്ന പട്ലയിലെ ഒരു കൊച്ചു മിടുക്കി ഒന്നാമതെത്തിയിരിക്കുന്നു- ഹിബാ ബിൻത് കരീം. അബ്ദുൽ കരീം P പടിഞ്ഞാറിന്റെയും ബീവിയുടെയും മകൾ തന്നെ!

ഈ കുറിപ്പെഴുതാൻ മറ്റൊരു കാരണമിതാണ് -  വളർന്ന് വരുന്ന (ബഡിംഗ്)-തലമുറയ്ക്ക്  മണ്ണും വിണ്ണും മരവും മനുഷ്യനും ഒരു വിഷയമേ അല്ലാതാകുന്ന ഈ കാലത്താണ് നാമുള്ളത്.  അത് കൊണ്ട് തന്നെപരിസ്ഥിതി സംബന്ധമായ, അവയ്ക്കവബോധം നൽകുന്ന ചെറിയ ചെറിയ ഇലയനക്കങ്ങൾ  പോലും നമുക്ക് വിഷയമാകണം.

ചെറിയ കുട്ടികളിൽ ചെടികളെ കുറിച്ച് - മരങ്ങളെ കുറിച്ച് , ഇലകളെ കുറിച്ച്,  പൂ-കായ്-ക്കനികളെ കുറിച്ച് പഠിക്കാൻ ഹിബയുടെ Leaf ID മത്സര വിജയം ഉത്തേജനമാകട്ടെ,  ഉപകാരപ്പെടട്ടെ എന്നാഗ്രഹിക്കുന്നു.

ഹിബാ, നിനക്ക് ഭാവുകങ്ങൾ !
_________________🌱

Saturday, 17 June 2017

അനുസ്മരണം : സ്നേഹനിധിയായ അദ്രാൻച്ചാഉം വിട പറഞ്ഞു / അസ്ലം മാവില

അനുസ്മരണം :

*സ്നേഹനിധിയായ*
*അദ്രാൻച്ചാഉം*
*വിട പറഞ്ഞു*
__________________

അസ്ലം മാവില
__________________

ഞങ്ങളുടെ ഒരു അയൽക്കാരൻ കൂടി പടച്ചവന്റെ വിളിക്കുത്തരം നൽകി പൊയ്മറഞ്ഞു. ഞങ്ങളുടെ പ്രിയപ്പെട്ട പോക്കർച്ചാന്റെ അദ്രാൻച്ചയാണ് ഇന്നലെ രാത്രി വിടവാങ്ങിയത്. ഇന്നാലില്ലാഹ്..

ദിവസങ്ങളായി അദ്ദേഹം കിടപ്പിലായിരുന്നു. ഒന്നര - രണ്ട് മാസം മുമ്പ് വരെ പരസഹായത്തോടെ  എഴുന്നേറ്റ് നടക്കുമായിരുന്നു. സംസാരത്തിനും വലിയ കുഴപ്പമുണ്ടായിരുന്നില്ല. ഇക്കഴിഞ്ഞ ആഴ്ച മുതലാണ് അദ്ദേഹത്തിന്റെ  രോഗനില കുറച്ച്  ഗുരുതരമായത്. ഇന്നലെ രാത്രിയോടെ, പരിശുദ്ധ റമദാനിന്റെ ഇരുപത്തിമൂന്നാം രാവിൽ, അദ്രാൻച്ച അല്ലാഹുവിന്റെ സവിധത്തിലേക്ക് മടങ്ങി.

വളരെ ചെറുപ്പം മുതൽ തന്നെ എനിക്ക് അദ്ദേഹത്തെ അറിയാം. സംസാര പ്രിയൻ. രാഷ്ടിയമാണ്  ഇഷ്ടവിഷയം. അടിയുറച്ച കോൺഗ്രസ്സ്കാരൻ.

കൃഷി നാട്ടിൽ, വ്യാപാരം മറുനാട്ടിൽ. വളരെ ലളിതമായ ജീവിതം. ആ ചെറിയ വീട് തന്നെ അതിനുദാഹരണം.

വലുതായൊന്നും മിച്ചമുണ്ടാക്കിയില്ല. അതിലൊന്നും അദ്ദേഹത്തിന് പരിഭവവുമുണ്ടായിരുന്നില്ല. ഉള്ളത് കൊണ്ട് കുടുംബത്തെ മുന്നോട്ട് കൊണ്ട് പോയി. നാല് പെൺമക്കളെ  കെട്ടിച്ചയച്ച സന്തോഷം എന്നോട് പറയുമായിരുന്നു.

സുളള്യ/ അറന്തോടായിരുന്നു അദ്രാൻച്ചാന്റെ വ്യാപാര തട്ടകം;  മലഞ്ചരക്ക് വ്യാപാരം. ചെറിയ ഒരു ബിസിനസ്സ്. അതും വർഷത്തിൽ ഏതാനും മാസങ്ങൾ. പിന്നെ ബാക്കിയുള്ള മാസങ്ങൾ നാട്ടിൽ വന്ന് കൃഷിയിൽ മുഴുകും.

അദ്ദേഹം കർണ്ണാടകയിൽ നിന്ന് തിരിച്ചു വരുമ്പോഴൊക്കെ പുതിയ രാഷ്ടീയ വർത്തമാനവുമായിട്ടായിരിക്കും വരിക. അത് കേൾക്കാൻ മാത്രം കുറെ പേർ ഉണ്ടാകും.  ബന്ധുകൂടിയായ കാദർ ഹാജാർച്ചാന്റെ കടയിലാണ് രാഷ്ട്രിയ ചർച്ച നടക്കുക.  ഞാൻ 8 -ൽ പഠിക്കുന്ന കാലം. പത്രം വായിക്കാൻ അങ്ങാടിയിൽ പോയാൽ അദ്രാൻചാന്റെ രാഷ്ടീയം കത്തിക്കയറുന്നുണ്ടാകും.

ഞാൻ രാമകൃഷ്ണഹെഗ്ഡെയെ കേൾക്കുന്നത് അദ്ദേഹത്തിൽ നിന്ന്,  ക്രാന്തിരംഗ പാർട്ടിയെ കേൾക്കുന്നത് അദ്ദേഹത്തിൽ നിന്ന്, അന്നത്തെ രാഷ്ട്രീയ അവതാരമായ ബംഗാരപ്പയെ കേൾക്കുന്നതും അദ്ദേഹത്തിൽ നിന്ന്. മറ്റെന്തിനേക്കാളേറെ ജാതിരാഷ്ട്രീയം തെക്കെ ഇന്ത്യയിൽ രൂഢമൂലമായത് കർണ്ണാടകയിലായിരുന്നെന്ന് അന്നെനിക്ക് മനസ്സിലായതും അദ്ദേഹത്തിൽ നിന്ന് കേട്ട് തന്നെ.

1983 ൽ കോൺഗ്രസിതര ഭരണം വരുമെന്നും
ബംഗാരപ്പ അധികാരത്തിൽ വരുമെന്നും കണക്കുകൾ നിരത്തിയാണ്  അദ്ദേഹം ഒരിക്കൽ സമർഥിച്ചത്,  അത്രമാത്രം  കർണ്ണാടക രാഷ്ട്രീയം അദ്രാൻച്ചാക്ക് കാണാപാഠമായിരുന്നു. (പക്ഷെ,  രാഷ്ട്രീയ ചാണക്യനും 1972 ലെ ദേവരാജ് അർസ് മന്ത്രി സഭാംഗവുമായിരുന്ന എസ്. ബംഗാരപ്പ, 1983 ലെ കർണsക മന്ത്രിസഭയുണ്ടാക്കാനുള്ള അവകാശമുന്നയിക്കുന്നതിന് പകരം   ഹെഗ്ഡെയ്ക്ക് പിന്തുണ നൽകുകയാണ്  ചെയ്തത്. 1990 ൽ ബംഗാരപ്പ കർണ്ണാടക മുഖ്യമന്ത്രിയാവുകയും ചെയ്തു.)

നാട്ടിൽ വന്നാലും അദ്ദേഹം വെറുതെ ഇരിക്കില്ല.  എന്തെങ്കിലും കൃഷിയിൽ വ്യാപൃതനാകും. നെൽകൃഷി, വെറ്റില കൃഷി,  അടക്കാ കൃഷി അങ്ങിനെ എന്തെങ്കിലും.

80 കളുടെ തുടക്കത്തിൽ പട്ലയിൽ ഒരു കൊക്കോ വിപ്ളവം നടന്നിരുന്നു. കൊക്കോ തൈ കണ്ടതും അത് ദിർഘകാലം കായ്ച്ചു നിന്നത് കണ്ടതും അദ്രാൻച്ചാന്റെ വീട്ട് വളപ്പിലാണ് (ഇയ്യിടെയാണെന്ന് തോന്നുന്നു കുറെയൊക്കെ അദ്ദേഹം വെട്ടി ഒഴിവാക്കിയത് )

പ്രായത്തിൽ വ്യത്യാസമുണ്ടെങ്കിൽ പോലും എന്റെ ഉപ്പയുമായി ഏറ്റവും നല്ല ബന്ധം പുലർത്തിയിരുന്നു. എപ്പോൾ സംസാരിക്കാൻ അവസരം കിട്ടിയാലും എന്റെ ഉപ്പാനെ കുറിച്ച് എന്തെങ്കിലും അദ്ദേഹത്തിന് പറയാനുണ്ടാകും. ബായിൻച്ച, അദ്ല്യാർച്ച, മമ്മദുൻച്ച, സീദുൻച്ച, എം. എ മൊയ്തീൻച്ച ഇവരൊക്കെ അദ്ദേഹത്തിന്റെ സംസാരത്തിൽ വരും.

അദ്രാൻച്ച നല്ലൊരു റേഡിയോ ശ്രോതാവ് കൂടിയാണ്.  ഞങ്ങളൊക്കെ ചെറുപ്പകാലങ്ങളിൽ വാർത്തകൾ കേട്ടിരുന്നത്  അദ്ദേഹത്തിന്റെ വീട്ടിൽ നിന്നായിരുന്നു (റോഡിൽ വെച്ച് തന്നെ നന്നായി വാർത്തകൾ കേൾക്കുന്നത് കൊണ്ട് വീട്ടിൽ കയറില്ല,)

സംസാരത്തിലാണെങ്കിലും  രാഷ്ടീയ ചർച്ചകളിലാണെങ്കിലും സാധാരണ ഇടപെടലുകളിലാണെങ്കിലും അദ്രാൻച്ച മാന്യതയുടെ രീതിയും ഭാഷയുമായിരുന്നു ഉപയോഗിച്ചിരുന്നത്. ആരോടും അറിയാത്തത്  ചോദിച്ചറിയും, അതെത്ര ചെറിയ വിഷയമാണെങ്കിലും.

അദ്രാൻച്ചാന്റെ വിയോഗത്തോടെ ഞങ്ങളുടെ അയൽപക്കത്തെ അവസാനത്തെ കാരണവരെയാണ് നഷ്ടമായത്. പഴയ തലമുറയിലെ അവസാനത്തെ കണ്ണി. പഴയ കാലങ്ങളെ ഓർമ്മിപ്പിക്കാനും, എന്റെ ഉപ്പാനെ കുറിച്ച് പറയാനും കേൾക്കാനും അദ്രാൻച്ച ഇനിയില്ല എന്നത് എന്നെ വ്യക്തിപരമായി നൊമ്പരപ്പെടുത്തുന്നു. മൂന്ന് - നാല് ദിവസം മുമ്പ് കുഞ്ഞിപ്പള്ളിയിൽ ഇശാ നിസ്ക്കാരാനന്തരമെഴുന്നേറ്റ് അദ്ദേഹത്തിന്റെ രോഗവിവരം പറയുമ്പോഴും അവിടെയുള്ളവരോട് ഞാൻ രോഗശമനത്തിന് വേണ്ടി പ്രാർഥിക്കാനഭ്യർഥിക്കുമ്പോഴും ഇത്ര പെട്ടെന്നുള്ള വിയോഗം മനസ്സിലില്ലായിരുന്നു. പക്ഷെ,  അല്ലാഹുവിന്റെ തീരുമാനം സുനിശ്ചിതമാണല്ലോ !

ഈ അനുസ്മരണക്കുറിപ്പ് അദ്ദേഹത്തോടുളള ഞങ്ങളുടെ കടപ്പാടിന്റെയും അയൽപക്ക സ്നേഹത്തിന്റെയും ഒപ്പം അദ്ദേഹം എന്റെ ഉപ്പയ്ക്ക് നൽകിയ ആദരവിന്റെയും കൂടിയാണ്. പുറംമോടിയില്ലാത്ത സ്നേഹബന്ധം അദ്ദേഹമെപ്പോഴും കാത്തു സൂക്ഷിച്ചിരുന്നു!

അല്ലാഹു അദ്രാൻചാക്ക് പൊറുത്ത് കൊടുക്കട്ടെ, സ്വർഗ്ഗം നൽകി അനുഗ്രഹിക്കട്ടെ   ഈ വിയോഗം താങ്ങാനുള്ള ക്ഷമയും സഹനവും അദ്ദേഹത്തിന്റെ കുടുംബത്തിന് അല്ലാഹു പ്രദാനം ചെയ്യട്ടെ, ആമീൻ യാ റബ്ബ്.
_________________🌱

കുട്ടിക്കാലനോമ്പു, ഒരോര്‍മ്മ.../ അസീസ്‌ പട്ള

▪▪▪▪▪



കുട്ടിക്കാലനോമ്പു, ഒരോര്‍മ്മ...


നല്ല വേനല്‍, പഴയ മദ്രസ്സയുടെയും മൂത്രപ്പുരയുടെയും  ഇടയിലൂടെയാണ് പള്ളിയുടെ പ്രധാന കവാടം, ഇടതു വശത്തായി ഉണങ്ങിയ തടിയില്‍ നാട്ടി നിര്‍ത്തിയ വളരെ കരവിരുതോടെ നിര്‍മ്മിച്ച വഴിവിളക്കും ഉണ്ടായിരുന്നു, സന്ധ്യായാല്‍ അതില്‍ തിരി കൊളുത്തും രാത്രി നമസ്കാരം കഴിയുന്നതുവരെ അത് കാറ്റും കോളും വക വെയ്ക്കാതെ പ്രകാശം പരത്തും.

മൂന്നോ നാലോ സ്റ്റെപ്പ് കയറിയാല്‍ ആടുമാടുകള്‍ക്കു കടക്കാന്‍ പറ്റാത്തവിധത്തില്‍ നിര്‍മ്മിച്ച ഇടുങ്ങിയ വഴി,  ഇടത്തോട്ട് തിരിഞ്ഞാല്‍ വുദു എടുക്കുന്ന ഭാഗത്തേക്കും കുറച്ചുകൂടി മുമ്പോട്ടു പോയി ഇടത്തോട്ട് തിരിഞ്ഞാല്‍ പള്ളിയുടെ പ്രവേശന കവാടത്തിലെത്തും, മൂന്നു സ്റ്റെപ്പ് വരെ ചെരിപ്പഴിച്ച് വയ്ക്കാം, നാലാമത്തെ സ്റ്റെപ്പ് ചെരിപ്പ് അനുവദനീയമല്ല, വലതു വശത്ത്‌ ഒരു ഉയര്‍ത്തിക്കെട്ടിയ മഖ്ബറയും കാണാം, ഇരുവശങ്ങളില്‍ നിന്നും വലിച്ചു പൂട്ടുന്ന ഇരുമ്പ് ജാലികയ്കും പച്ച നിറമായിരുന്നു.

അകത്തെ കാഴ്ച താജ്മഹലിനെ അനുസ്മരിപ്പിക്കുന്നതായിരുന്നു, ഓവല്‍ ഷേപ്പില്‍ ഓളം വെട്ടി നില്‍ക്കുന്ന സ്ഫടിക്കട്ടപോലുള്ള തെളിനീര്‍ നിറഞ്ഞു തുളുമ്പുന്ന ഹൌള്(വാട്ടര്‍ ടാങ്ക്), ഇത്രയും സുതാര്യമായ ടാങ്ക് മറ്റൊരിടത്തും ഈയുള്ളവന് കാണാന്‍ സാധിച്ചിട്ടില്ല., ഏകദേശം രണ്ട് മീറ്ററോളം ആഴമുള്ള ഹൌളിന്‍റെ  അടിഭാഗം വരെ വളരെ  കൃത്യമായി കാണാം, അകത്തെ പള്ളിയില്‍ പോകാന്‍ ടാങ്കിന്‍റെ മേലെ നിര്‍മ്മിച്ച പാലത്തില്‍ നിന്നും നോക്കിയാല്‍ മീനുകള്‍ കൂട്ടത്തോടെ വിലസുന്നത് കാണാം, മീന്‍കൂട്ടം  ആരുടെയോ ആജ്ഞാനുവര്‍ത്തിയായി  വശങ്ങള്‍ വെട്ടിച്ചുള്ള തത്രപ്പെട്ട  പ്രയാണം കാണികളില്‍ കൌതുകമുണര്‍ത്തി., പുറത്തേക്കു നോക്കിയാല്‍ നീണ്ടു കിടക്കുന്ന ഖബറിടങ്ങളും വലതു വശത്തു വലീയ പ്ലാവും നേരെ മുമ്പില്‍ ഒരു തഴച്ച മുരിങ്ങ മരവും കാണാം, അതോര്‍ക്കാന്‍ കാരണം വല്യുമ്മ ഇടയ്ക്ക് ചോദിക്കുമായിരുന്നു ആ മുരിങ്ങയെപ്പറ്റി, പിന്നീടാണറിയാന്‍ കഴിഞ്ഞത് വല്യുപ്പയെ അടക്കം ചെയ്തത് അതിനടുത്താ ണെന്ന്, തീഷ്ണമായ അവരുടെ സ്നേഹം വല്യുമ്മ അയവിറക്കുകയായിരുന്നുവെന്നു പിന്നീടാണ് എനിക്ക് മനസ്സിലായത്‌
 (اللهم اغفرلهم جميعا يا رب)    അപ്പുറത്ത് പുതുമ മാറാത്ത ബി.എസ്ടി അബൂബക്കര്‍ചാന്‍റെ (الله يرحمه) മണിമാളിക സൗധം.പാലത്തില്‍ വിരിച്ച ചകിരി പരവതാനിയിലൂടെ മുമ്പോട്ടു പോയാല്‍ മദീന പള്ളിയുടെ മാതൃകയില്‍ മൂന്നു കവാടങ്ങള്‍, നടുവില്‍ വലീയതും വശങ്ങളില്‍ താരതമ്യേന ചെറുതും, വാസ്തുശില്പിയുടെ കരവിരുതിനപ്പുറം ഒരു മാസ്മരികത അതില്‍ ദൃശ്യവല്ക്കരിച്ചു., ചതുരാകൃതിയിലുള്ള രണ്ട് പില്ലര്‍ര്‍ പാലത്തിന്റെ വശങ്ങളിലായി നിവര്‍ന്നു നിന്ന് ദ്രിശ്യചാരുതയ്ക്ക് മാറ്റുകൂട്ടി.

വലതു വശത്ത്‌ കിണര്‍, ചുമരില്‍ വാട്ടര്‍പമ്പിന്‍റെ സ്വിച്ചും കാണാം, മേല്‍പോട്ടു തുറന്ന കുന്നിന്‍പുറം കബറുകള്‍ കൊണ്ട് മുഖരിതം, നുച്ചിതൈകളും കാട്ടുചെടികളും ഇടതൂര്‍ന്നു നിമ്നോന്നതങ്ങളില്‍  തലയുയര്‍ത്തി നില്‍കുന്ന പറങ്കിമാവും ശീമാക്കൊന്നും (ഉപ്പിലിങ്ങ)  കാണാം, തൊട്ടപ്പുറത്ത് നില്‍കുന്ന പട്ള സ്കൂള്‍ ദ്രിശ്യമല്ല.

വലീയ കവാടത്തിലൂടെ അകത്തേക്ക് കടന്നാല്‍ പുറം പള്ളി, വലീയ ഹാള്‍, വലതു വശത്ത് തേക്കിന്‍തടി കൊണ്ടുണ്ടാക്കിയ  മയ്യത്ത്‌ കട്ടില്‍ ഒതുക്കി വച്ചിരിക്കുന്നു, ഇടതു വശത്ത്‌ വലീയ ഒരു ജനല്‍, മടക്കി മടക്കി അടയ്ക്കേണ്ട കതകുകള്‍ കാറ്റില്‍ വലീയ ശബ്ദത്തോടെ പെട്ടന്നടയും., അകത്തെപള്ളിക്ക് കടക്കാന്‍ മൂന്നു തടി കൊണ്ടുണ്ടാക്കിയ സാധാരണ വാതിലുകളുണ്ട്, നടുവിലത്തെ മേലെകട്ടിളബേസില്‍ പള്ളിയുടെ സ്ഥാപക തിയ്യതിയും മറ്റും അറബി ഭാഷയില്‍ ആലേഖനം ചെയ്തിട്ടുണ്ട്, ഇടതു  വശത്ത്‌ സര്‍വ്വ നമസ്കാര സമയവുമായ ചെമ്പിരിക്കയിലെ ഖാസി രൂപപ്പെടുതിയതോ മറ്റോ ആയ ഒരു  ടൈംടാബിള്‍ ഫ്രെയിം ചെയ്തു തൂക്കിയിട്ടിരിക്കുന്നു., വലത്തെ കവാടം മുകളിലത്തെ നിലയിലേക്കുള്ള തടി കൊണ്ടുള്ള കൊണിപ്പടിയാണ്, രണ്ട് മൂന്നു സിമെന്‍ട് സ്റ്റെപ്പുകള്‍ക്ക് ശേഷമാണ് കോണിപ്പടിയുടെ നില്‍പ്പ്.,  മൂന്നു പാളിയായി വിരിച്ച പുല്‍പായ ചവിട്ടിക്കടന്നു  ഞാന്‍ മെല്ലെ നടുവിലത്തെ വാതിലിലൂടെ അകത്തേക്ക് കടക്കുന്നു.




തുടരും.....


അസീസ്‌ പട്ള

ബാല്യത്തിലെ ഒരു നോമ്പുകാലം.../ Azeez Patla

ബാല്യത്തിലെ ഒരു നോമ്പുകാലം...



എനിക്ക് ഏഴ് വയസ്സുള്ളപ്പോള്‍ തെന്നെ ഒറ്റ ദിവസത്തെ നോമ്പു മുഴുമിക്കാന്‍ പ്രാപ്തി നേടിയിരുന്നു, അതിനു മുമ്പ്  ഉച്ച വരെ അര നോമ്പു, പിന്നെ അടുത്ത ദിവസം ഉച്ചവരെ അങ്ങിനെ ഒന്ന് എന്നാണു ഉമ്മ (الله يرحمها) അരികത്തിരുത്തി എണ്ണം പറഞ്ഞു തന്നത്.

കൊടീയ വേനലിലായിരുന്നു എന്‍റെ ഫുള്‍ നോമ്പ് അരങ്ങേറ്റം, അക്കാലത്ത് റംസാന്‍ മാസത്തില്‍ സ്കൂളിനും മദ്രസയ്ക്കും അവധിയാണ്, ജേഷ്ഠന്‍ ഹമീദിന് നോമ്പിന്‍റെ എണ്ണം കൂടുന്നത് എന്നെ ആധി പിടിപ്പിച്ചു, ബാക്കി കാര്യങ്ങളെല്ലാം രണ്ടുപേരും ഒന്നിച്ചായിരുന്നു.

പള്ളിയില്‍ പോകലും ഉറുദി കേള്‍ക്കലും പിന്നെ ഖുര്‍ആന്‍ ഒതിയും, പള്ളിയില്‍ കിടന്നും നേരം പോയ്പിക്കുക എന്നത് സമപ്രായക്കാരുടെയും ഒട്ടുമിക്ക ആണുങ്ങളുടെയും ഒരു കര്‍മ്മം പോലെയായിരുന്നു.  സ്ത്രീകളാവട്ടെ, ഇടതടവില്ലാതെ അടുക്കളപ്പണി, ഫജ്ര്‍ നമസ്കാരം കഴിഞ്ഞു ഖുര്‍ആന്‍ പാരായണം പിന്നീട് അതേ നിസ്കാരക്കുപ്പായത്തോടെ ഒന്ന്‍ കണ്ണാര്‍ക്കും, എന്തോ ദുസ്വപ്നം കണ്ട പ്രതീതിയില്‍ ചാടിയെണീറ്റു വൈകുന്നേരത്തെയ്ക്കുള്ള പത്തലിനു(പത്തിരി) രണ്ട് തരം അരി കുതിരാന്‍ വെള്ളത്തിലിട്ടു ആടുമാടുകള്‍ക്കു വെള്ളം കൊടുക്കും, തുണിയലക്കലും തലേ ദിവസത്തെ പാചകപ്പാത്രശുചീകരണവും കഴിയുമ്പോള്‍ പള്ളിയില്‍ ദുഹര്‍ ബാങ്ക് മുഴങ്ങും, തീര്‍ന്നില്ല കുഞ്ഞുങ്ങള്‍ക്ക് ആഹാരം കൊടുത്തു രാവിലെ കുതിര്‍ത്ത മുത്താറിയും (രാഗി) തേങ്ങയും ചേര്‍ത്ത് ആട്ടുകല്ലില്‍ അരയ്ക്കാന്‍ തുടങ്ങും, പ്ലേറ്റിലാക്കി നേര്‍ത്ത തുണി വിരിച്ചു ഭദ്രമാക്കും., നോമ്പില്ലാത്ത ദിവസം ഞാനും അനുജത്തിയും ചേര്‍ന്നു മുത്താറി വരുകിയ പാത്രം സ്വാഹ....

അസര്‍ ബാങ്കോടടുപ്പിച്ചു നിസ്കാരപ്പയയില്‍ കയറിയാല്‍ അസര്‍ നിസ്കാരവും കഴിഞ്ഞേ മടങ്ങുകയുള്ളൂ, പിന്നീടാണ് കറികളും ചെറുപയര്‍ കഞ്ഞിയും നമ്മുടെ മെയിന്‍ അയിറ്റം പത്തലും... വിഭവസമൃദ്ധമല്ലെങ്കിലും ആത്മീയ ചൈതന്യം കൊണ്ട് ഭക്തിനിര്‍ഭരമായിരുന്നു അന്നത്തെ റംസാന്‍ ദിനങ്ങള്‍, തുപ്പല്‍ ഇറക്കാന്‍ പാടില്ല, അരുതാത്തത് സംസാരിക്കാന്‍ പാടില്ല, അതാതു പത്തു ദിവസത്തെ പ്രാര്‍ത്ഥന മുഴങ്ങാതെ ചൊല്ലണം ഇതൊക്കെ സ്വീകാര്യമായ നോമ്പിനെ തേടുന്ന ഒരു നോമ്പുകാരന്‍റെ  അമലുകളില്‍ പെട്ടതാണ്.

ഹമീദിച്ചയും ഞാനും ഒന്നിച്ചായിരുന്നു പള്ളിയില്‍ പോക്കും വരവും, വല്യ വിവരമില്ലെങ്ങിലും ഇമാം ചെയ്യുന്നതുപോലെ ഞാനും ചെയ്യും, വുദു എടുക്കുന്നത് ബഹുരസമാണ്, കാല്‍ കഴുകി പള്ളിയില്‍ കയറിയാല്‍  ഇടത് ഭാഗത്തെ ആദ്യകവാടം, അതിനോട് ചാരിയുള്ള  ചതുരാകൃതിയിലുള്ള കോന്‍ക്രറ്റ് തൂണിന്‍റെ ഇടയിലൂടെ നൂഴ്ന്ന് അപ്പുറത്തേക്ക് കടക്കും, അപ്പോഴേക്കും ഡ്രസ്സ് ഏറക്കുറെ പച്ച നിറം പിടിച്ചിരിക്കും., തൂണിനു  തൊട്ടു താഴെയുള്ള ഹൌളിന്‍റെ വക്കത്തുള്ള ഒരു കല്ലില്‍ ഇരുന്നു വുദു എടുക്കും, അതിനും ഒരു കാരണമുണ്ട് ആ ഭാഗത്തുടെയാണ് ഉപയോഗിച്ച വെള്ളം പോകാനുള്ള വഴി, വഴി മുടക്കി നില്‍ക്കുന്ന ഒരുതവള ഇമ വെട്ടാതെ മേല്‍പോട്ടു നോക്കി ഇരിക്കുന്നുണ്ടാകും, അതിന്‍റെ നോട്ടം കണ്ടാല്‍ തോന്നും  ഈ വെള്ളമോഴുക്കി വിടുന്നത് ഞാനാനെന്നാണ്,വായ്‌ കൊപ്ലിക്കുമ്പോള്‍ കുറച്ചു വെള്ളം അകത്താക്കി ബാക്കി ശക്തിയായി തവളയ്ക്ക് ചീറ്റും, ഒക്കെ ഇന്നലെ കഴിഞ്ഞത് പോലെ തോന്നുന്നു...

ദുഹര്‍ കഴിഞ്ഞപ്പോഴേക്കും ഒരു കടല്‍ വെള്ളം കുടിക്കാനുള്ള ദാഹമുണ്ടാകും, കസുകസ് കുതിര്‍ത്തുമ്പോള്‍ ഗ്ലാസില്‍ വേറെ കരുതി വയ്ക്കും, തേങ്ങ ഉടച്ചാല്‍ അതിന്‍റെ വെള്ളവും പിന്നെ വല്ല കായ് കാനി കളും കണ്ടാല്‍ അതും കരുതി വയ്ക്കും.,നോമ്പു തുറക്കുന്നത് പള്ളിയില്‍ നിന്നു.. കാര്യമായിട്ടൊന്നുമില്ല അന്നത്തെ കിണറിന്‍റെ ഭാഗത്ത്‌ ഒരു കുടത്തില്‍ വെള്ളം കോരി വച്ചിട്ടുണ്ടാവും, കൈകുമ്പിളില്‍ പകര്‍ന്ന വെള്ളം കുടിച്ചു വലീയ ആള്‍ക്കാരൊക്കെ പ്രാര്‍ഥനകളുമായി അകത്തെ പള്ളിയില്‍ കടക്കും, ഓര്‍ഡര്‍ ചെയ്ത  ആള്കാര്‍ക്ക് കുഞാമുച്ച ഹോട്ടലില്‍ നിന്ന് ചായ പടിഞ്ഞാട്ടെ ഇടതു വാതില്‍ക്കല്‍ എത്തിച്ചിരിക്കും., വെള്ളം കുടി കഴിഞ്ഞ ഉടനെ ബീഡി പുകയ്ക്കുന്നവരും കൂട്ടത്തില്‍  ഉണ്ടായിരുന്നു.

തിരിച്ചു വീട്ടിലെത്തിയ എന്‍റെ അവസ്ഥ ... ഒന്നും വേണ്ട 2 ഗ്ലാസ്‌ വെള്ളം കുടിച്ചപ്പോള്‍ എല്ലാം കെട്ടു, കുറേ കഴിഞ്ഞു കരുതിവെച്ച തെങ്ങവെള്ളവും മറ്റും ഉമ്മ പിറുപിറുത്തുകൊണ്ട് കളയും, നിസ്സഹായനായി നോക്കി നില്‍ക്കും, മുത്താറിയോ ചെറുപയര്‍കഞ്ഞിയോ കുടിച്ചു ഒറ്റ വീഴല്‍..........ധീം....... അപ്പോഴും ഉമ്മ നിസ്കാരം കഴിഞ്ഞു ഉപ്പയുടെ വരവും കാത്തു  മുത്തായം പാകപ്പെടുത്തുന്ന തിരക്കിലായിരിക്കും.,അന്നത്തെ വീട്ടമ്മമാര്‍ക്ക് പകലുറക്കമില്ല, നിലക്കാത്ത ഒരു യന്ത്രം തന്നെ..........

അല്ലാഹുവേ...........ഞങളുടെ മാതാപിതാക്കന്മാര്‍ക്ക് നീ ജന്നാതുല്‍ ഫിര്‍ദൌസില്‍ അഅലാ നല്‍കി അനുഗ്രഹിക്കണേ നാഥാ....... ഒപ്പം ഞങ്ങളെയും ഞങ്ങളുടെ ഭാര്യ സന്താനങ്ങളെയും നീ ചേര്‍ക്കണേ തമ്പുരാനേ..


ആമീന്‍.


▪▪▪

Wednesday, 14 June 2017

പാഴ്വസ്തുക്കൾ* *അവന് പാഴായില്ല* *മിനി ഗ്രാസ്കട്ടർ റെഡി* *ഇപ്പോൾ അബ്നുമാണ് താരം / അസ്ലം മാവില

*ഗ്രാമവിശേഷങ്ങൾ*
---------------------------------

*പാഴ്വസ്തുക്കൾ*
*അവന് പാഴായില്ല*
*മിനി ഗ്രാസ്കട്ടർ റെഡി*
*ഇപ്പോൾ അബ്നുമാണ്  താരം*
_______________

അസ്ലം മാവില
_______________

ഒരു പിവിസി പൈപ്പ് കഷ്ണം. ഒരു എൽബോ. ഏതാനും വയർ കഷ്ണങ്ങൾ. അനിയൻ ഒഴിവാക്കിക്കളഞ്ഞ കളിപ്പാട്ടത്തിൽ നിന്നൂരിയെടുത്ത 9 Vമിനി ബാറ്ററിയും ഒരു മിനി മോട്ടോറും. ചെറിയ രണ്ട് കത്തി.

രണ്ട് ദിവസമായി ഇതൊക്കെ കൊണ്ട് അബ്നു  എന്തോ ഒരു വേലയൊപ്പിക്കാൻ തുടങ്ങിയിട്ട്. ഇന്ന് മഗ്രിബിന് തൊട്ട് മുമ്പ് അവന്റെ ലക്ഷൃം പൂർത്തിയായി - ഒരു കുഞ്ഞു ഗ്രാസ് കട്ടർ. പുറത്തെ ചെറിയ പുല്ലുകൾ മുറിച്ച് കാണിച്ച് അവൻ എന്നെ ബോധ്യപ്പെടുക്കി - സംഗതി  ഉഡായിപ്പല്ല ; ഉണ്ടാക്കിയത് വർക്കിംഗ്  കണ്ടീഷനിലാണെന്ന് !

ഞങ്ങൾ അബ്നു എന്ന് വിളിക്കുന്ന അബൂബക്കർ അഞ്ചാം ക്ലാസ്സ് വിദ്യാർഥി. എന്തും കൗതുകത്തോടെ നോക്കുക അവന്റെ ശീലം. എവിടെ നിന്നോ ഈ സംഭവം കണ്ടിരിക്കണം. അത് എല്ലാവരും കണ്ടത് പോലെ കണ്ടില്ല എന്നിടത്താണ് അബ്നു  വ്യത്യസ്തനാകുന്നത്.  ഇതൊന്ന്  പരീക്ഷിച്ചു കളയാനുള്ള  തയ്യാറെടുപ്പിലായിരുന്നു കക്ഷി. അതിനുള്ള  പാഴ്വസ്തു ശേഖരണവും തുടങ്ങി; സഹായവുമായി മാതാപിതാക്കളും.

കുട്ടികളുടെ സിദ്ധി കണ്ടറിയണം. എന്തെങ്കിലുമൊന്ന് ശ്രദ്ധയിൽ പെട്ടാൽ എക്സ്പോസ് ചെയ്യാനുള്ള സാഹചര്യം ഒരുക്കിക്കൊടുത്താൽ മതി. അത് മതി അവരെ പിന്നീട് നല്ലൊരു ലക്ഷ്യത്തിക്കാൻ .

ഗ്രന്ഥകാരൻ  സലീം പട്ലയുടെ മകനാണ് അബൂബക്കർ .  മാതാവ് ഫർസാന. കണ്ണാടിപള്ളിയിൽ നടക്കുന്ന ഹിഫ്ദ് കോളേജിൽ പ്രവേശനം ലഭിച്ച്    ഖുർആൻ ഹൃദിസ്ഥമാക്കാനുള്ള ഒരുക്കത്തിലാണ് അബൂബക്കർ. സഹോദരങ്ങൾ - പട്ല ഗവ. ഹയർ സെക്കണ്ടറി സ്കൂൾ വിദ്യാർഥികളായ അമാൻ (നാലാം ക്ലാസ്സ് ), വഫാ മറിയം (രണ്ടാം ക്ലാസ്സ് ).

_________________🌱

*എന്ത് ചെയ്യണം ?* *ഇതാണവസ്ഥ !* *എല്ലാവരുമെന്ന്* *ഒത്തു പിടിച്ചാലേ* *നസിയയുടെ വീട് പണി തീരൂ. / അസ്ലം മാവില

*എന്ത് ചെയ്യണം ?*
*ഇതാണവസ്ഥ !*
*എല്ലാവരുമെന്ന്*
*ഒത്തു പിടിച്ചാലേ*
*നസിയയുടെ വീട് പണി തീരൂ.*
____________________

അസ്ലം മാവില
for connecting patla
_____________________

CP യിലെ നാലഞ്ച് പേർ ഇന്ന് രാവിലെ ആ വീട് പണി നടക്കുന്ന സ്ഥലം വരെ പോയി;  കണ്ടു.

 അകത്ത് കയറിയാൽ മാനമല്ല ഇപ്പോൾ മേൽക്കൂര ; ഓടിട്ട് ആകാശം മറച്ചിട്ടുണ്ട്. മഴത്തുളികൾ ഇനി അകത്ത് വീഴില്ല.


മാന്യ, ചെർലട്ക്ക, ബാലട്ക്ക,  പൈക്കയും കടന്ന്, പിന്നെയും കിലോമീറ്ററുകൾ കഴിഞ്ഞ്, ഇടത് ഭാഗത്തായി   കുന്നിൻ ചെരുവിൽ ഒരു ഉദാരമതി നൽകിയ 5 സെൻറ് സ്ഥലത്താണ് ഈ വീട്.

 നസീയയും അവളുടെ അയൽക്കാരിയുമാണ് അവിടെ ഉണ്ടായിരുന്നത്.  കുറെ നാളുകൾക്ക് ശേഷം കുടുംബനാഥൻ ജോലി അന്വേഷിച്ച് കർണ്ണാടകയിൽ പോയിട്ടുണ്ട്.

കക്കൂസ്ടാങ്ക്, അതിനുളള കല്ല്, നിലത്തിടാൻ ജല്ലി , സിമന്റും പൂഴിയും,  മുൻപിൻ വാതിലുകൾ, ഒരു ടോയിലറ്റ്, ചുമരു തേക്കുന്നില്ല, പക്ഷെ മതിലിലെ ഓട്ട അടക്കാനുള്ള ചിലവ്, അടുക്കള മണ്ണ് പാറാത്ത രൂപത്തിലാക്കാൻ വേണ്ടത്, 10-12 പോയന്റ് വെച്ച് ചെറിയൊരു വയറിംഗ് സംവിധാനം, മുറി തിരിച്ച് പകുതിക്ക് നിർത്തിയ മതിൽ പൂർത്തീകരണം .. ഇത്രയെങ്കിലും വേണ്ടേ ? .ഇത്രയൊക്കെ എഴുതിയത് നിങ്ങളൊന്ന് കണക്ക് കൂട്ടാനാണ്. എത്ര വരും ? 700 -750 ചതു. അടി വിസ്തീർണ്ണമുണ്ടാകും..

ഇല്ല, ഞങ്ങൾ എങ്ങിനെ കൂട്ടിയിട്ടും, സി പി യിൽ പിരിഞ്ഞ്  കിട്ടിയ സംഖ്യ അങ്ങോട്ട് എത്തുന്നില്ല. ഒന്നേ മുപ്പത് ഉണ്ടെങ്കിൽ ഇപ്പറഞ്ഞത്  തീർക്കാൻ പറ്റൂ .എങ്കിലേ  പണിയും തുടങ്ങാൻ പറ്റൂ. ആ പൈസ ഇല്ലെങ്കിൽ വീണ്ടും പകുതിക്ക് നിർത്തേണ്ടി വരും. അതോടെ നസിയയുടെ വീടെന്ന സ്വപ്നം പിന്നെയും നീളും.

അപ്പോൾ എന്ത് ചെയ്യണം ? നിങ്ങൾ പറ.  കുറച്ച് പേർ തന്നിട്ടുണ്ട്. ഒരുപാട് പേർ തരാൻ ബാക്കിയുമുണ്ട്. *തികയാതെ വന്നാൽ സഹായിക്കാം എന്ന് കരുതിയവരാണ് ബാക്കിയുള്ളവരെന്ന് വിശ്വസിച്ച് ഇത് ഇവിടെ പോസ്റ്റ് ചെയ്യുകയാണ്*. നിങ്ങൾ തരുമെന്നും ഞങ്ങൾ ഉറപ്പിക്കട്ടെ.

Contact :
HK Abdul Rahman
KM Zaid
__________________🌱

Monday, 12 June 2017

*Psc LD ക്ലാർക്ക്* *പരീക്ഷയ്ക്കായി* *പ്രൗഡ് ടു ബിയായി* നടന്നാൽ മതിയോ ? / അസ്ലം മാവില

*Psc LD ക്ലാർക്ക്*
 *പരീക്ഷയ്ക്കായി*
*പ്രൗഡ് ടു ബിയായി*
*നടന്നാൽ മതിയോ ?*
_______________

അസ്ലം മാവില
______________

എഫ് ബി തുറന്നാൽ കാണാം മഞ്ഞ അക്ഷരത്തിൽ  കാസർകോട്ടുകാരന്റെ നടുവിന് കൈവെച്ചുള്ള ഒരു മാതിരി നിൽപ്പും 45 ഡിഗ്രിയിൽ ഏന്തി വലിച്ചു എഴുത്തും - *പ്രൗഡ് ടു ബി കാസർകോഡിയൻ* എന്ന്.

ഇമ്മാതിരി ഫോട്ടോയിൽ   ഇതേപോലെ എഴുതിക്കഴിഞ്ഞാൽ എല്ലാമായെന്ന തോന്നൽ അവർക്കുണ്ട്. ഫോട്ടോ വന്നല്ലോ. വേറെപ്പിന്നെ  ആനന്ദലബ്ദിക്കിനി എന്ത് വേണം!  നാല് ദിവസത്തേക്ക് ഒന്നും കഴിക്കണ്ട! പേട് ഭർ ഗയാ !

ഫ്രീക്കൻ വേഷവും ലോണിലെടുത്ത വണ്ടിയും പിന്നൊരു സ്മാർട് ഫോണും അതിന് കണക്കായി ജിയോയുമായാൽ എല്ലാമായെന്ന് കരുതുന്ന കാസർകോട്ടുകാർക്കാണ് ഈ ആഷ്ടാഗ് അസുഖവും പ്രൊഫൈൽ മാറ്റൽ സൂക്കേടും.

മറ്റ് ജില്ലക്കാരോ? അവർ PSC കോച്ചിംഗ് ക്ലാസ്സിന്റെ തിരക്കിലാണ്.  ഫലം ? ഉയർന്ന ജോലി മുതൽ സ്വീപർ തസ്തികയിൽ വരെ അവരുണ്ട്, (ഇപ്പഴ് മാത്രമല്ല ,  പണ്ടേക്ക് പണ്ടേ തന്നെ. )

ഈ ആഷ്ടാഗുകാർക്കൊക്കെയുള്ള തോന്നൽ Pടc പരീക്ഷകൾ ഏതോ ഓഞ്ഞ, ബട്ടൺസ് പൊട്ടിയ പൗരന്മാർക്ക് മാത്രമുള്ള ഏർപ്പാടെന്നാണ്. എന്തൊരു തെറ്റുധാരണ !

ചോദ്യം : FB / വാട്സാപ്  ഗ്രൂപ്പുകളിൽ യഥേഷ്ടം വിഹരിക്കുന്ന 18 വയസ് കഴിഞ്ഞ എത്ര പേർ ജൂൺ 17 ലെ PSC പരീക്ഷയ്ക്ക് അപേക്ഷിച്ചിട്ടുണ്ട് ? അവർ തന്നെ പറയട്ടെ. ഇനി ഈ  അപേക്ഷിച്ചവരിൽ തന്നെ എത്ര പേർക്കറിയാം psc എക്സാം ഇന്നയിന്ന  ഡേറ്റിനാണെന്ന് ? പരീക്ഷയ്ക്ക് വല്ല തയാറെടുപ്പും നടന്നോ നടക്കുന്നുണ്ടോ ?

 ഇവർ ഒന്ന് ചെയ്യും. എന്തെന്നോ?  ആരേലും psc പരീക്ഷാ വിവരങ്ങൾ  കോപി പേസ്റ്റ് ചെയ്ത് അയച്ചാൽ അത് ഒരാവർത്തി വായിച്ച് നോക്കാതെ ഫോർവാഡാക്കിക്കളയും. അതോടെ അവരുടെ ഉത്തരവാദിത്വവും കഴിയും. നമുക്ക് മാത്രം പറ്റിയ പണിയല്ലെന്ന മട്ടിൽ.


എനി ഹൗ, എല്ലാരോടും പറയാൻ ഇത്രയേയുള്ളൂ - ഈ ഓഞ്ഞ ബമ്പും ബെല്യത്തണഉം (Proud Tu be )   തോട്ടിലെറിഞ്ഞ്, നേരെ പോയി PSC പരീക്ഷയ്ക്ക് തയ്യാറെടുക്ക്. എന്തെങ്കിലും തയ്യാറെടുത്താലല്ലേ എഴുതാൻ പറ്റൂ.

 PSC online രെജിസ്റ്റർ ചെയ്യാത്തവൾ / ചെയ്യാത്തവൻ ഇവിടെങ്ങാനും ഉണ്ടേൽ, പോ ഭായി പോ, പോയി നിങ്ങളുടെ പേര് റെജിസ്റ്റർ ചെയ്യ്. ഒരു ഒലക്കമേലെ പ്രൗഡ് ടു ബി വന്നിരിക്കുന്നു ആളെ മെനക്കെടുത്താൻ , അല്ല പിന്നെ !
____________________
Rtpen.blogspot.com

Friday, 9 June 2017

*എൻട്രൻസ്* *റാങ്ക് ലിസ്റ്റിൽ* *പെടാൻ യോഗ്യത* *നേടിയവരുടെ* *ശ്രദ്ധയ്ക്ക്* /അസ്ലം മാവില

*എൻട്രൻസ്*
*റാങ്ക് ലിസ്റ്റിൽ*
*പെടാൻ യോഗ്യത*
*നേടിയവരുടെ*
*ശ്രദ്ധയ്ക്ക്*
_____________

അസ്ലം മാവില
____________

അനുഭവങ്ങളാണല്ലോ ചില പാഠങ്ങൾ നൽകുന്നത്. ആ അനുഭവമാണ് ഈ കുറിപ്പിന് കാരണം.

എഞ്ചിനീയറിംഗ് എൻട്രൻസ് പരിക്ഷയിൽ യോഗ്യതാ സ്കോർ ലഭിച്ച കുട്ടികൾ നമ്മുടെ നാട്ടിലുണ്ടോ ? പരിചയത്തിലുണ്ടോ ? അവർക്ക് ഒരു സ്റ്റെപ് നടപടി കൂടി ചെയ്യാനുണ്ട്.
പ്ലസ് ടു മാർക്ക് അപ്ഡേറ്റ് ചെയ്യുക എന്നതാണത്. അതിന്റെ സമയമാണിപ്പോൾ. ഇന്നലെ വൈകുന്നേരം മുതൽ ( 27 / 05/2017) വെബ്സൈറ്റിൽ +2 മാർക്ക് അപ്ലോഡ് ചെയ്യാം. അവസാന തിയതി 08 ജൂൺ 5. PM  വരെ.


http://www.cee.kerala.gov.in/ ഇതാണ് സൈറ്റ് . അതിൽ KEAM 2017 - Candidate Portal ൽ ക്ലിക്ക് ചെയ്‌താൽ Notification ൽ ഏറ്റവും പുതിയ വിവരം നിർദ്ദേശങ്ങൾ ലഭിക്കും. രണ്ട് ഭാഷകളിലുമിതുണ്ട്. തുടർന്ന് HomE പേജിൽ പോയി Application Number ഉം Pasword ഉം നൽകി നിങ്ങളുടെ പേർസനൽ പേജിൽ പോയി Mark Submission ക്ലിക്ക് ചെയ്ത് നടപടികൾ പൂർത്തിയാക്കുക. ( Notification രണ്ടാവർത്തി വായിക്കുക, പ്രിന്റ് എടുത്ത് തപാലിൽ _സ്പീഡ്പോസ്റ്റ് _  അയക്കേണ്ട വിഷയവുമുണ്ട്. മാർക്ക് സ് വേരിയേഷൻസ് ഉണ്ടെങ്കിൽ മാത്രം)

എൻട്രൻസ് സ്കോറും പ്ലസ് ടു മാർക്കും കൂടി കണക്കാക്കിയാണ് എഞ്ചിനിയറിംഗിന് റാങ്ക് ലിസ്റ്റ്  തയ്യാറാക്കുന്നത്.

വല്ല സംശയങ്ങൾ ഉണ്ടെങ്കിൽ ഈ വിഷയം അറിയുന്നവരോടോ അറിയുന്നവരിൽ തന്നെ സേവന മനസ്ഥിതിയോടെ അന്വേഷിച്ച് പറഞ്ഞ് തരാൻ ആഗ്രഹിക്കുന്നവരോടോ മാത്രം ചോദിച്ച് അറിയുക. ഇല്ലെങ്കിൽ നിങ്ങൾ "മിസ് ലീഡ് " ചെയ്യപ്പെട്ടേക്കും. കാരണം എല്ലാവർക്കുമിത് അറിഞ്ഞ് കൊള്ളണമെന്നില്ല.  സമയം വളരെ പ്രധാനമാണ്.

എന്തെങ്കിലും സാങ്കേതിക തടസ്സങ്ങൾ, അപേക്ഷയിൽ, മറ്റു കാര്യങ്ങളിൽ ഉണ്ടെങ്കിൽ HELP LINE വിളിക്കുക. നമ്പർ 0471 2339101
0471 2339102
 0471 2339103
0471 2339104

ഇവിടെ ശ്രദ്ധിക്കേണ്ടത് അവിടെ ഇരിക്കുന്ന എല്ലാവരും ശരിയായ രീതിയിൽ മറുപടി തന്നു കൊള്ളണമെന്നില്ല.  ശരിയായ ഇൻഫർമേഷൻ കിട്ടുന്നത് വരെ എല്ലാ നമ്പരുകളിലും വിളിച്ച് വിഷയം / സംശയം ചോദിച്ച് ക്ലിയർ ചെയ്യുക.  ഇല്ലെങ്കിൽ കൺഫ്യൂഷൻസ് ഉണ്ടാകും.  ചിലർ വിശദമായി കാര്യങ്ങൾ മനസ്സിലാക്കി തരും. (എനിക്ക് അനുഭവള്ളത്  കൊണ്ടാണ് ഇവിടെ ഇത് എഴുതുന്നത് )

നമ്മുടെ നാട്ടിൽ ഈ കാര്യത്തിൽ ആർക്കെങ്കിലും എന്തെങ്കിലും സംശയമുണ്ടെങ്കിൽ എന്നെ വിളിക്കുക. അറിയുന്നത് പറയും , അറിയാത്തത് അന്വേഷിച്ച് പറയും. "മെക്കി"നിടില്ല. HELPLINE നമ്പരാണ്  ആണ് ഏറ്റവും അഭികാമ്യം. അത് എഴുതി പ്രിപേർഡായി ചോദിക്കുക, ക്ലിയർ ആയില്ലെങ്കിൽ അടുത്ത നമ്പരിൽ വിളിക്കുക.
________________🔹

*പോണ്ടിച്ചേരി സെന്ററൽ* *യൂനിവേഴ്സിറ്റി IMA* *എൻട്രൻസ് പരീക്ഷയിൽ* *52-ാം റാങ്കുമായി* *ഒരു പട്ലക്കാരൻ / അസ്ലം മാവില

*പോണ്ടിച്ചേരി സെന്ററൽ* *യൂനിവേഴ്സിറ്റി IMA* *എൻട്രൻസ് പരീക്ഷയിൽ*
*52-ാം റാങ്കുമായി*
*ഒരു പട്ലക്കാരൻ*
_________________

അസ്ലം മാവില
_________________

പുതുമയുള്ള വർത്തമാനം കേൾക്കാനാണ് എല്ലാവർക്കും ഇഷ്ടം. പ്രത്യേകിച്ച്  വിദ്യാഭ്യാസ പഠന വിഷയങ്ങളിൽ. ഇവിടെയാണ് പട്ലയിലെ പ്ലസ് ടു കഴിഞ്ഞ വിദ്യാർഥി അബ്ദുൽ ഖാദർ ശ്രദ്ധേയനാകുന്നത്.

പോണ്ടിച്ചേരി കേന്ദ്ര യൂണിവേഴ്സിറ്റി നടത്തിയ iMA പ്രവേശന പരിക്ഷയിൽ 52-ാം റാങ്കോടെ ഖാദർ വിജയിച്ചിരിക്കുന്നു.

ഇനി IMA , IMsc കോഴ്സുകളെ കുറിച്ച് :
 പഞ്ചവത്സര കോഴ്സാണിത്. പോസ്റ്റ് ഗ്രാജ്യേറ്റ് പഠനം. ഇന്റഗ്രേറ്റഡ് മാസ്റ്റർ ഡിഗ്രിയാണ്. സയൻസ് വിഷയത്തിൽ ഇന്റഗ്രേറ്റഡ് എം എസ്സിയും ആർട്സ് വിഷയങ്ങളിൽ ഇന്റഗ്രേറ്റഡ് എം എയുമാണ് ബിരുദാനന്തര ബിരുദം. അബ്ദുൽ ഖാദർ സോഷ്യൽ സയൻസാണ് പഠനവിഷയമായി തെരഞ്ഞെടുത്തിട്ടുള്ളത്.

മത്സര പരീക്ഷ വഴി ലഭിക്കുന്ന ഇത്തരം കോഴ്സുകൾ തീർച്ചയായും അതിന്റേതായ ക്വാലിറ്റി നിലനിർത്തും. ഭാവിയിൽ സിവിൽ സർവീസ് പരീക്ഷകൾക്ക് തയ്യാറെടുക്കുന്നവർക്ക് പ്രത്യേകിച്ചും ഈ കോഴ്സ് ഉപകാരപ്പെടുമെന്നാണ്  ഞാൻ മനസ്സിലാക്കുന്നത്.

അഖിലേന്ത്യാ അടിസ്ഥാനത്തിൽ നടന്ന ഒരു പൊതു പ്രവേശന പരീക്ഷയിൽ അമ്പത്തിരണ്ടാമനാവുക  എന്നത് ചെറിയ കാര്യമല്ല, അത് കൊണ്ട് തന്നെ കാദർ ഏറെ അഭിനന്ദനമർഹിക്കുന്നു.

സുൽത്താൻ മഹ്മൂദ് - ഖദിജ ദമ്പതികളുടെ മകനാണ് കാദർ.
 പഠനരംഗത്ത് മികവ് പുലർത്താൻ സാധിക്കട്ടെയെന്ന് നമുക്കാശംസിക്കാം.  സ്വകാര്യ സംഭാഷണങ്ങളിലും പേർസനൽ ചാറ്റിംഗിലൊക്കെ മഹമൂദ് തന്റെ മകന്റെ പഠനത്തെ കുറിച്ചും അവന്റെ സ്വപ്നങ്ങളെ കുറിച്ചൊക്കെ എന്നോട് പലപ്പോഴായി പറയാറുമുണ്ട്. അത് കൊണ്ട് തന്നെ, ശുഭവാർത്തകൾ  ഭാവിയിൽ  ഖാദർന്റെ മാതാപിതാക്കൾക്ക് കേൾക്കാൻ ഇട വരട്ടെ എന്ന് ഞാൻ ആത്മാർത്ഥമായാഗ്രഹിക്കുന്നു.

All the best Qader 💐
___________________🌱

കണ്ടത് ഒരു വീടല്ല* *ഇനിയിത് വീടാക്കണം* *ഒരു സഹോദരിക്ക്* *ഇനി പ്രതീക്ഷ* *ഉപ്പയുടെ നാട്ടുകാരോട് /Aslam Mavilae for CP

*കണ്ടത് ഒരു വീടല്ല*
*ഇനിയിത് വീടാക്കണം*
*ഒരു സഹോദരിക്ക്*
*ഇനി പ്രതീക്ഷ*
*ഉപ്പയുടെ നാട്ടുകാരോട്*
___________________

Connecting Patla
__________________

ഫോട്ടോ കണ്ടല്ലോ . മരണപെട്ട് പോയ കുഞ്ഞിപ്പയുടെ മകളുടെ വീടിന്റെ  കോലമാണ്.  എല്ലിൻ കൂട് പോലെ ഒന്ന്.


വാർത്ത കേട്ട് CP യിലെ ഉത്തരവാദിത്വപെട്ടവർ അവിടെ എത്തി. കമ്പി കൊണ്ട്  കവുക്കോൽ. മേൽക്കൂര ആകാശം. വാതിലില്ല; ജനലില്ല. കുടുംബനാഥൻ സമ്പാദിച്ച് ഇനി അതൊക്കെ ശരിയാവുമെന്ന് പ്രതീക്ഷയുമില്ല. കാരണമയാൾ കിടപ്പിലാണ്. ജോലി ചെയ്യാൻ വയ്യ.

 ഹതഭാഗ്യയായ  നസിയ  കാരുണ്യഹസ്തത്തിനായി കാത്തിരിക്കുന്നു. വീടെന്ന് പൂർത്തിയാകും എന്ന തന്റെ  മൂന്ന് മക്കളുടെ ചോദ്യങ്ങൾക്ക് കണ്ണീർ മാത്രമാണവൾക്കുത്തരം. അഞ്ചിൽ പഠിക്കുന്ന മൂത്ത മോൾക്ക് ഉമ്മയുടെ ഉപ്പയുടെയും പ്രയാസമറിയാം. പക്ഷെ, തൊട്ട് താഴെയുള്ള ഒന്നിൽ പഠിക്കുന്ന ഇരട്ട മക്കൾക്ക് ഇതൊന്നുമറിയില്ലല്ലോ.    

നസിയ ഇവിടെയുളള പലരുടെയും കൂടെ സ്കൂളിൽ ഒന്നിച്ച് പഠിച്ചിട്ടുണ്ട്. അവരും സഹായിച്ചേ തീരൂ. ദാരിദ്യം ആരും ഉണ്ടാക്കുന്നതല്ലല്ലോ. നസിയയുടെ വിഷയത്തിൽ പടച്ചവന്റെ തീരുമാനം അങ്ങിനെയാകാം. ആരും കൈ വിടരുത്.

റദ്ദുച്ച നൽകിയ അഞ്ച് സെന്റ്; പഞ്ചായത്തനുവദിച്ച ഒരു ലക്ഷം. ആ കിട്ടിയതിൽ ഇക്കാണുന്നതായി. CP യിലെ 3 ഉദാരമതികൾ കുറച്ചോട്  നൽകി മേൽക്കൂരയും മറച്ചു.


ഇനി ? ഇനി നാമാണ് പ്രതീക്ഷ. പ്രതിഫലത്തിന്റെ ദിനരാത്രങ്ങളിലാണ് നാം. നമുക്ക് ഉത്തരവാദിത്വമില്ലേ?  ആ സഹോദരി ഇപ്പോഴും  തന്റെ  നിസ്കാരപായയിലിരുന്ന് കണ്ണ് നീർവാർക്കുന്നുണ്ടെന്ന് നമുക്കൊക്കെയറിയാം. നാമാ കണ്ണീർ കണ്ടേ തീരൂ.  നമ്മുടെ കൈ നീണ്ടേ തീരൂ. പ്രശസ്തിക്കല്ല. ഒരു കുടുബത്തിന് തണൽ വിരിക്കാൻ, അതിന് വേണ്ടി മാത്രം.

 നൽകാം സോദരരേ നമുക്ക് , പടച്ചവൻ കൽപിച്ചതിൽ നിന്ന്, അവന്റെ കാരുണ്യത്തിൽ നിന്ന്, നമുക്കുണ്ടായ ബർക്കത്തിൽ നിന്ന്

*ബന്ധപ്പെടുക:*
ഉസ്മാൻ കപ്പൽ(യുഎഇ )
ബക്കർ പട്ല (യുഎഇ)
അസ്‌ലം പട്ല (സഊദി )
ശാഫി ടി. പി. ബ്രഹ്റിൻ)
ഹനീഫ് പേരാൽ (ഖതർ)
സൈദ് ( നാട്ടിൽ)
റാസ പട്ല ( നാട്ടിൽ)
മജീദ് എം.എ. (നാട്ടിൽ )
________________🌱🌱

എല്ലാം പ്രത്യാശയാണ്* *ഈ എഴുത്തുകാരനും* *തന്റെ രോഗത്തിന്റെ* *4th സ്റ്റേജിലും പ്രതീക്ഷയും* *പ്രത്യാശയവുമാണ്* *ജീവിതം മുന്നോട്ട്* *നയിക്കുന്നത്പുസ്തകം വാങ്ങി *നമുക്കദ്ദേഹത്തിന്കൈ ത്താങ്ങാകാം./ അസ്ലം മാവില

*എല്ലാം പ്രത്യാശയാണ്*
*ഈ എഴുത്തുകാരനും*
*തന്റെ രോഗത്തിന്റെ*
*4th സ്റ്റേജിലും പ്രതീക്ഷയും*
*പ്രത്യാശയവുമാണ്*
*ജീവിതം മുന്നോട്ട്*
*നയിക്കുന്നത്*
*പുസ്തകം വാങ്ങി*
*നമുക്കദ്ദേഹത്തിന്*
*കൈത്താങ്ങാകാം.*
_______________

അസ്ലം മാവില
_______________

തലക്കെട്ടിന് മനപൂർവ്വം ദൈർഘ്യം കൂട്ടിയതാണ്. അതിൽ എല്ലാം ഉൾക്കൊള്ളാൻ, തുടർന്ന് താഴെയുള്ള അദ്ദേഹത്തിന്റെ വരികൾ എല്ലാവരും വായിക്കാൻ.

പേനയാണ് ഈ മനുഷ്യന്റെ കൈമുതൽ. രോഗം മൂലം അവശനാണെങ്കിലും കൈ കാട്ടാൻ അദ്ദേഹത്തിനാകുന്നില്ല. രോഗമുണ്ട്; അതൽപം മാരകവുമാണെന്നുമറിയാം. ചികിൽസിച്ചാൽ ശമനം ലഭിക്കുമെന്ന് അദ്ദേഹത്തിന്റെ  മനസ്സ് പറയുന്നു. ചികിൽസാ ചെലവ് കൈപ്പിടിയിൽ ഒതുങ്ങുന്നതല്ലല്ലോ. പ്രതീക്ഷയാണ് തന്റെ കൈമുതൽ. അങ്ങിനെയായിരിക്കണം കവി, തന്റെ രോഗത്തോട് രാജിയാകാതെ, ചികിൽസാ ചെലവ് കണ്ടെത്താൻ വഴി കണ്ടെത്തുന്നത് - *സ്വന്തം  പുസ്തകം വിൽക്കുക*.

എനിക്കീ മനുഷ്യസ്നേഹിയെ ( എഴുത്തുകാരനെ) ആരെന്ന് അറിയില്ല. അദ്ദേഹത്തിന്റെ ഒരു വരി കവിത പോലും വായിച്ചിട്ടുമില്ല. രോഗപ്പായയിൽ നിന്ന് അദ്ദേഹം എഴുതിയ കുറിപ്പ്   ഒരു സുഹൃത്ത് അയച്ചു തന്നത്  വായിപ്പോൾ അതേ കുറിപ്പിനോടൊപ്പം ഇങ്ങനെയൊരാമുഖം ചേർത്ത് മറ്റുള്ളവർക്ക് ഫോർവേർഡ് ചെയ്യണമെന്ന് തോന്നി. (താൽപര്യമില്ലാത്തവർ ഇതൊരു വിഷയവുമാക്കണ്ട.)

അദ്ദേഹത്തിന്റെ പുസ്തകത്തിന്റെ വില 100 രൂപ. MO അയച്ചാൽ മതി; നിങ്ങൾക്കത് വീട്ടിൽ ലഭിക്കും. 100 തന്നെ ആക്കണ്ട ; പത്തോ ഇരുപതോ കൂട്ടി അയച്ചാലും കുഴപ്പമൊന്നുമില്ല. ആ രോഗിക്ക് അതും വലിയ സഹായമാകും. ( ചുവടെ  കവിയുടെ ഫോൺ നമ്പരുണ്ട് ; വിലാസമുണ്ട്, അന്വേഷിക്കാമല്ലോ)

T. ഗോപിയെന്ന കവിയുടെ കുറിപ്പ് ഇനി വായിക്കുക.
___________👇🏼👇🏼____

*കാൻസർ ബാധിതനായ കവി ടി ഗോപിയുടെ കുറിപ്പ്.*

..............................................
പ്രിയ സുഹ്യത്തുക്കളെ ഇത് ഞാനാണ്. T. GOPI

 *''ഹിഗ്ഗ്വറ്റയുടെ രണ്ടാം വരവ് ''* എന്ന എന്‍റെ കവിതസമാഹാരത്തിന്‍റെ പുതിയ പതിപ്പ് അച്ചടിച്ച് കിട്ടി .മുമ്പ് ഞാന്‍ തുടങ്ങിയ BOOK PLANET എന്ന സ്ഥാപനമാണ് പ്രസാധകര്‍. സമാഹാരത്തില്‍ 73 കവിതകള്‍ ഉണ്ട് .കവിതയെ പറ്റി പി.കെ. പോക്കര്‍ മാഷുടെ *'മനുഷ്യാവസ്ഥ,പ്രതിരോധം,തത്ത്വചിന്ത'* എന്ന പഠനവും . നൂറ് രൂപയാണ് പുസ്തകത്തിന്‍റെ വില.എന്‍റെ കാന്‍സര്‍ ചികില്‍സക്ക് പണം സ്വരൂപിക്കാന്‍ വേണ്ടിയാണ്  ഈ പതിപ്പ് പുറത്തിറക്കിയിരിക്കുന്നത്.
 ഈ അവസരത്തില്‍ കവിതയുമായുളള എന്‍റെ  ബന്ധത്തെക്കുറിച്ച് ആലോചിച്ച് പോവുകയാണ് . രണ്ടാം ക്ലാസl്സില്‍ പഠിക്കുമ്പോഴാണ് കവിത പഠിപ്പിക്കുമ്പോള്‍ ടീച്ചര്‍ ഏകാക്ഷര പ്രാസത്തെ കുറിച്ചും ദ്വതിയാക്ഷര പ്രാസത്തെ കുറിച്ചും പറഞ്ഞു .........................

10-ാം ക്ലാസ്സ് വരെ ആ ചിന്ത ശക്തിപ്പെട്ടു. കവിതയെ അകറ്റി നിര്‍ത്തി. സ്ക്കുള്‍ വിട്ട് പുറത്തേക്ക് ഇറങ്ങിയപ്പോഴാണ്  സച്ചിദാനന്ദന്‍റെയും കടമ്മനിട്ടയുടെയും ചുളളിക്കാടിന്‍റെയും അയ്യപ്പ പണിക്കരുടെയും ഒ.എന്‍.വിയുടെയും കക്കാടിന്‍റെയും മറ്റു പലരുടെയും കവിതകള്‍ വായിക്കാന്‍ തുടങ്ങിയത്. Degree കഴിഞ്ഞപ്പോള്‍ ചെറുതായി എഴുതാന്‍ തുടങ്ങി.P.G കഴിഞ്ഞ് ജോലി തേടി കല്‍കട്ടയില്‍ എത്തിയപ്പോള്‍ കവിത ലഹരിയും അഭയവുമായി .നിരന്തരം എഴുതാന്‍ തുടങ്ങി ,കവിയരങ്ങുകളില്‍ പങ്കെടുക്കാന്‍ തുടങ്ങി . *തിരിച്ച് നാട്ടിലെത്തി കടക്കെണിയില്‍ പ്പെട്ടപ്പോള്‍ കവിത വിറ്റു കടം വീട്ടാന്‍ തുടങ്ങി. മൂന്ന് വര്‍ഷം കവിതകള്‍ മാത്രം വിറ്റു ജീവിച്ചു.*

ഇപ്പോള്‍ കാന്‍സര്‍ പിടിച്ച് ചികില്‍സയില്‍  കഴിയുമ്പോള്‍ കവിതകള്‍ വിറ്റു അതിനെയും അതിജീവിക്കാന്‍ ശ്രമിക്കുന്നു......................

പ്രിയ  സുഹ്യത്തുക്കള്‍ കോപ്പികള്‍ വാങ്ങുമെന്നും ,മറ്റുളളവരെ കൊണ്ട് വാങ്ങിപ്പിക്കുമെന്നും പ്രതീക്ഷിക്കട്ടെ .കൂടുതല്‍ കോപ്പികള്‍ വിറ്റു  തരാന്‍ സാഹചര്യമുളളവര്‍ അത് ചെയ്ത് തരും എന്ന് പ്രതീക്ഷിക്കുന്നു..

Address message (ഫോണ്‍ നമ്പര്‍ ഉള്‍പ്പടെ) ചെയ്‌തു തന്നാല്‍  ഞാന്‍ Courier വഴിയോ VPP ആയോ അയച്ചു തരുന്നതാണ്...

*കുടലിലും കരളിലും കാന്‍സര്‍ ബാധിച്ച് 4th stage എത്തിയ എന്നെ പ്രത്യാശയും സ്നേഹവും നല്‍കി ഇത് വരെ മുന്നോട്ട് നടത്തിച്ചത് നിങ്ങള്‍ ഒരോരുത്തരുമാണ് . രോഗം പൂര്‍ണ്ണമായും മാറി കിട്ടണമെങ്കില്‍ വലിയ ചിലവാണ് പ്രതീക്ഷിക്കുന്നത് .ഈ കവിതാസമാഹാരം നല്ല രീതിയില്‍ വിറ്റു പോവുകയാണെങ്കില്‍ ആവശ്യമായ സംഖ്യ അതിലൂടെ നേടിയെടുക്കാം എന്നും പ്രതീക്ഷിക്കുന്നു ..*

ഈ അവസരത്തില്‍ ഈ പോസ്റ്റ് നിങ്ങള്‍ Share ചെയ്യുകയാണെങ്കില്‍ എനിക്ക് വളരെ പ്രയോജനം ചെയ്യും ..


Gopi T
Parvathi
Near Stadium
Thalassery - 670 101
ഫോൺ: 9249714813
_____________________🌱
Please share if it's worthy