*.മോയിൻകുട്ടി വൈദ്യരിൽ നിന്നും കുഞ്ഞി മാഹിൻ കുട്ടി വൈദ്യരിലക്കുള്ള ദൂരം* /THM Patla

*.മോയിൻകുട്ടി വൈദ്യരിൽ നിന്നും കുഞ്ഞി മാഹിൻ കുട്ടി വൈദ്യരിലക്കുള്ള ദൂരം*

THM Patla

പഠിപ്പുര മർഹൂം കുഞ്ഞി മാഹിൻ കുട്ടി വൈദ്യരുമായി ബന്ധപ്പെട്ട് RT യിലും പൊലിമ ഗ്രൂപ്പിലുമായി വന്ന കുറിപ്പിനെപ്പറ്റി ഒരു പൊതു ചർച്ച വേണമെന്ന അസ്ലം മാവിലയുടെ നിർദ്ദേശം ഈ ഗ്രൂപ്പിലുള്ളവർ വേണ്ട പോലെ ശ്രദ്ധിച്ചതായി കണ്ടില്ല. അതോ പ്രസ്തുത വിഷയത്തെപ്പറ്റി പഠന വിധേയമാക്കി കൊണ്ടിരിക്കുകയാണോ?
        കഴിഞ്ഞ ഒരാഴ്ചയായി ചില സാങ്കേതികത്വത്തിന്റെ മറവിൽ ഞാൻ വാട്സ് അപ്പുമായി വിട്ടു നിൽക്കകയായിരുന്നു.

അതിന്നിടയ്ക്ക് നമ്മുടെ ബാധിക്കുന്ന അതോടൊപ്പം നമുക്കേവർക്കും സന്തോഷം നലുന്ന വിഷയമെന്ന നിലക്ക് എന്റെ പരിമിതിക്കുള്ളിൽ നിന്ന് നടത്തിയ വിവര ശേഖരത്തിന്റെ അടിസ്ഥാനത്തിലും ലഭ്യമായ കണക്കുകളൂടെ പിൻബലത്തിലും എനിക്ക് ഈ വിവരണത്തെ പൂർണ്ണമായും ഉൾക്കൊള്ളാൻ സാധിക്കുന്നില്ല.
ഇനി അഥവാ ആരെങ്കിലും നിജസ്ഥിതി മനസ്സിലാക്കി വ്യക്തമായ തെളിവുകളുടെ അടിസ്ഥാനത്തിൽ വിവരം നൽകുകയാണെങ്കിൽ സർവ്വാത്മനാ സന്തോഷപൂർവ്വം സ്വീകരിക്കുകയും എനിക്ക് വന്ന പിഴവുകളിൽ മാപ്പ് ചോദിക്കുകയും ചെയ്യാൻ ഞാൻ തയ്യാറാകുന്നതാണ് എന്ന മുഖവുരയോട് കൂടി തന്നെ ഒന്ന് രണ്ട് കാര്യങ്ങർ നിങ്ങളുടെ ശ്രദ്ധയിൽപ്പെടുത്താൻ ഞാൻ ആഗ്രഹിക്കുകയാണ്.

      കുഞ്ഞി മാഹിൻ കുട്ടി വൈദ്യർക്ക് ആതുര രംഗത്ത് ഉള്ള കഴിവിനോടൊപ്പം കവിതയോടും വലിയ താല്പര് മായിരുന്നുവെന്ന അറിവ് നമുക്കെല്ലാവർക്കും വളരെ അത്ഭുതത്തോട് കൂടി മാത്രമേ കേൾക്കാൻ സാധിക്കുകയുള്ളൂ. പഴമക്കാർ ആരും ഇത് വരേ അറിയുകയോ നമക്കാർക്കും കേട്ടറിവോ ഇല്ലാത്തതാണ്.
     1857 ൽ ജനിച്ച് കേവലം 34 വയസ്സ് വരെ ജീവിച്ച് സമൂഹത്തിൽ വലിയ പേരെ ട്ത്ത് 1891 ൽ വിട പറഞ്ഞു പോയ മലപ്പുറക്കാരനായ മാപ്പിള പാട്ടിന്റെ അമരക്കാരനായ  മർഹൂം മോയിൻകുട്ടി വൈദ്യർ, അദ്ദേഹത്തിന്റെ കാലശേഷം രണ്ട് പതിറ്റാണ്ടിന് ശേഷം ജനിച്ച നമ്മുടെ മാഹിൻ കുട്ടി വൈദ്യർ എങ്ങിനെ സുഹൃത്തുക്കളായി, എങ്ങിനെ ബന്ധപ്പെട്ട യെന്നത് ചിന്താർഹമായ വസ്തതയാണ്.മോയിൻകുട്ടി വൈദ്യരുടെ പിതാമഹൻ വൈദ്യർ ഉണ്ണി മുഹമ്മദ് സാഹിബ് മരിച്ചത് മകൻ മരിച്ചിട്ട് രണ്ട് പതിറ്റാണ്ടുകൾക്ക് ശേഷമാണ്. എന്നാൽ അദ്ദേഹത്തെപ്പോലും കാണാൻ പ്പോലും സാധിക്കുകയില്ല. (കണക്കുകളുടെ അടിസ്ഥാനത്തിൽ)
പിന്നെയെങ്ങിനെയാണ് അദ്ദേഹത്തിന്റെയും മകന്റെയും സുഹൃത്താ വാനും മോയിൻകുട്ടി വൈദ്യർ എഴുതി ബാക്കിവെച്ച് പോയ "ഹിജറ കാവ്യം " പൂർത്തീകരിക്കാൻ *പട്ലക്കാരനായ* കുഞ്ഞി മാഹിൻ കുട്ടി വൈദ്യർക്ക് സാധിച്ചുവെന്ന് നാം കരുതേണ്ടത്?

ഉബൈദ് സാഹിബും നമ്മുടെ കഞ്ഞി മാഹിൻ കട്ടി വൈദ്യരും തമ്മിൽപ്പോലും യോജിക്കാവുന്ന മേഖലയാണെന്ന് പറഞ്ഞാൽ പോലും വാദത്തിന് വേണ്ടി നമുക്ക് അംഗീകരിക്കാൻ നേരിയ പഴുത്കളെങ്കിലും എടുക്കാമായിരുന്നു. കാരണം ഉബൈദ് സാഹിബിന്റെ ജീവിതം 1906 മുതൽ 1972 വരെയായിരുന്നല്ലോ.

നാട്ടിൽ ആർക്കും അറിയാത്ത ഈ രഹസ്യം ഇപ്പോഴെങ്ങിനെ പാട്ടായി? അദ്ദേഹം പാട്ട് പാടുക പോലും ചെയ്യാറുണ്ടായിരുന്നില്ലായെന്നാണ് അദ്ദേഹത്തെ അടുത്തറിയുന്ന നമ്മുടെ നാട്ടിലെ പഴമക്കാർ പറയുന്നത്. അദ്ദേഹത്തിന്റെ അനുജൻ മർഹും വൈദ്യർ അദിരാഞ്ഞിച്ച അല്പമെങ്കിലും പാടു മാ യി രു ന്ന ത്രെ..
ഇവരുടെ ഉപ്പുപ്: യും ഒരു കുഞ്ഞി മാഹിൻ കുട്ടി വൈദ്യർ തന്നെയായിരുന്ന വെന്ന് ചിലർ പറയപ്പെടുന്നു. പക്ഷെ, മോയിൻകുട്ടി വൈദ്യരുടെയും ഇദ്ദേഹത്തിന്റെ ജീവിത കാലയളവ് പരിഗണിക്കുമ്പോൾ അവരും തമ്മിൽ ബന്ധപ്പെടാനോ കവിത, മാപ്പിളപ്പാട്ട് എന്നിവയെഴുതാനോ സാഹചര്യം ഒത്ത വന്നതായി കാണുന്നില്ല.
ഇന്നത്തെ തലമുറയിലെ 50 കഴിഞ്ഞവർക്ക് കുഞ്ഞി മാഹിൻ കുട്ടി വൈദ്യരുടെ ചികിത്സയുടെ രുചിയും പ്രാധാന്യവും എല്ലാവർക്കും നന്നായി അറിയാം ഇന്നത്തെ *പട്ല കോർണർ* സ്റ്റോറിന്റെ മുൻവശത്തായിട്ട് ക കുഞ്ഞി മാഹിൻ കുട്ടി വൈദ്യർക്ക് ഒരു മരുന്ന് ഷോപ്പുണ്ടായിരുന്നതും ഓർമ്മയിലുണ്ടാകാം.
   നമ്മുടെ നാട്ടിലെ ഈ വൈദ്യർ കുടുംബത്തിലെ ഒരംഗം കൂടിയാണ് ഇന്ന് UNiTED Hospital .ലെ ശിശുരോഗ വിദഗ്ദൻ Dr. Mahin P Ahmad എന്നത് ചിലർക്കെങ്കിലും ഒരു പുതിയ അറിവായിരിക്കാം.

ചുരുക്കത്തിൽ, നമ്മുടെ ചെറുപ് കാലത്ത് മാപ്പിളപട്ടിന്റെയും അറബി മലയാളലിപിയിലെഴുതപ്പെട്ട സെബീന പാട്ടുകളുടെയയും വിളനിലമായാരുന്ന പട്ലക്കാർക്ക് പോലും ഈ കുഞ്ഞി മാഹിൻ കുട്ടി വൈദ്യരിലുണ്ടായിരുന്ന കലാ-കവിതാ വാസനയെ അറിയാതെപ്പോയെന്നത് തികച്ചും വൈരുദ്ധ്യം തന്നെയല്ലെ? പ്രത്യേഗിച്ച് മനുഷ്യർ പരസ്പരം സ്നേഹ-സാ ഹോദര്യത്തിൽ കഴിഞ്ഞിരുന്ന അന്നത്തെ കാലത്തും.

ഏതായാലും ഈ ചരിത്ര പഠനത്തെപ്പറ്റി ഒരു വിശദ ചർച്ച വരും നാളുകളിലുണ്ടാവട്ടെ
ചരിത്ര വിദ്യാർത്ഥികൾക്ക് അതൊരു മുതൽകൂട്ടാവട്ടെ
         പ്രതീക്ഷയോടെ, സ്നേഹപൂർവ്വം !!!