പൊലിമ കായികം ഇന്ന് ബ്ലൂസ്കൈ മുന്നിൽ

പൊലിമ കായികം
ഇന്ന് ബ്ലൂസ്കൈ മുന്നിൽ
ഒപ്പമെത്താൻ
15 പോയിന്റ് മാത്രം
പിന്നിലായി യെല്ലോ & ഗ്രീൻ

പൊലിമ ഗ്രൂപ്പുകളിലും 4 ഹൗസ് ഓൺലൈൻ വിംഗ്സിലും ഇപ്പോൾ കട്ട ചർച്ചയാണ്. ചർച്ച എന്നൊന്നും പറയാൻ പറ്റില്ല, വാഗ്വാദം തന്നെ!

വളരെ പിന്നിലായിരുന്ന യെല്ലോ മൗണ്ടയിൻ വീറും വാശിയും ഒന്നു കൊണ്ട് മാത്രം കാതങ്ങളും കടമ്പകളും കടന്നു. ട്രാക്കിലായിരുന്നു ശരിക്കും യെല്ലോയുടെ  നാള് തെളിഞ്ഞത്. മൂസ നീരാലിന്റെ ഇരുന്നും കിടന്നും ചാഞ്ഞും ചരിഞ്ഞും കൂട്ടിയ കണക്കുകൾ ഏത് കണിയാനെയും കവെച്ച് വെക്കുന്നത് !

" ഹേ... ഭായി, ഗെയിംസാണ്  ബാക്കിയുള്ളത് - ഫുഡ്ബോൾ, ക്രിക്കറ്റ്, കബഡി. 23 ന് കമ്പവലിയും. റെഡിനെ എഴുതിത്തള്ളല്ലേ, പണി പാളും" പേര് വെളിപ്പെടുത്താൻ ആഗ്രഹിക്കാത്ത റെഡ് ഹൗസിന്റെ ഒരു ഓൺലൈൻ ചാവേറിന്റെ ഓർമ്മപ്പെടുത്തൽ.

ഗ്രീനും യെല്ലോയും പക്ഷെ, നല്ല സമ്മർദ്ദത്തിലാണ്. രണ്ട് കൂട്ടരും ഇനിയുള്ള മത്സരങ്ങളിൽ ഒരു തരത്തിലും പിന്നോക്കമുണ്ടാകില്ല. കളിക്കാർക്ക് ആവേശമുണ്ടാക്കാൻ ഇന്ത്യക്ക് പുറത്തുള്ള സ്പോർട്സ് സെലബ്രറ്റീസിന്റെ വോയ്സ് ഗ്രൂപ്പുകളിലിട്ടാലോ എന്നും ആലോചിക്കുന്നുണ്ട് പോൽ.

" പോയിൻറ് ഇപ്പോൾ മുന്നിലാണ്, എന്ന് വിചാരിച്ച് ആ കിട്ടിയ പോയിന്റ് ഒരു തലയണ രൂപത്തിലാക്കി ഉറങ്ങാൻ ഞങ്ങളില്ല " ഓൺലൈനിൽ 24 മണിക്കൂറും സജീവമായ, എല്ലാവർക്കും സുപരിചിതനായ ബ്ലൂ സ്കൈ ചാവേറ്  പറഞ്ഞു.

വരും നാളുകൾ ഓരോരുത്തർക്കും വളരെ പ്രധാനമാണ്. ഓരോ ഹൗസിലെയും ചില മുതിർന്ന വ്യക്തികൾ തങ്ങളുടെ ഹൗസിന്, ഓവറോൾ ട്രോഫി കിട്ടിയാൽ അവിശ്വസനീയമായ സ്വീകരണങ്ങളാണത്രെ  കളിക്കാർക്ക് ഒരുക്കിയിട്ടുള്ളത്. (എന്നും കേൾക്കുന്നു)

പൊലിമ അക്ഷരാർഥത്തിൽ പട്ലക്കാർ നെഞ്ചോട് ചേർത്തു കഴിഞ്ഞുവെന്നതിന്റെ മറ്റൊരുദാഹരണം കൂടിയാണ് കായികപ്പൊലിമ.

സ്പോർട്സ് ഡെസ്ക്,
പാൻപൊലിമ