മാർച്ച് പാസ്റ്റ് 8: 55 ന് മെഡലുകൾ ഡസൻ കണക്കിന് വിക്ടറി സ്റ്റാൻഡിൽ വിജയികളെ ആദരിക്കും

മാർച്ച് പാസ്റ്റ് 8: 55 ന്
മെഡലുകൾ ഡസൻ കണക്കിന്
വിക്ടറി സ്റ്റാൻഡിൽ
വിജയികളെ ആദരിക്കും
പൊലിമ സ്പോർട്സ് ഡേ
ഇന്ന് രാവിലെ

ഇന്നലെ രാത്രി പൂമുഖത്ത് 4 ക്യാപ്റ്റന്മാർക്ക് തിരക്കോട് തിരക്ക്. നാളത്തെ സ്പോർട്സ് ഡേയ്ക്ക് ഒരു കൂട്ടുന്ന തിരക്കായിരുന്നു അവർ. രാത്രി മുതൽ തന്നെ അവരവരുടെ വാട്സ് ആപ്പ് ഗ്രൂപ്പുകളിൽ വോയ്സിട്ട് ടീമംഗങ്ങളെ  ഉണർത്താൻ തുടങ്ങി.

ജേഴ്സി അണിഞ്ഞെത്തുക. മാർച്ച് പാസ്റ്റ് രാവിലെ. ടീമിന്റെ കരുത്ത് തെളിയിക്കാനുള്ള അവസരം കൂടിയാണ്.

" ഡസൻ കണക്കിന്  മെഡലുകളാണ് എത്തിയിട്ടുള്ളത്. ഫസ്റ്റ് ' സെക്കൻറ്, തേർഡ് - ഈ വിജയികൾ വിക്ടറി സ്റ്റാൻഡിൽ എത്തും. അതിഥികൾ  മെഡലണിയിച്ച് വിജയികളെ ആദരിക്കും." സംഘാടകരിലൊരാളായ സമീർ പട്ല പറഞ്ഞു.

പട്ല സ്കൂൾ ഗ്രൌണ്ടിലെ എല്ലാ സുരക്ഷിതത്വവും ഇന്നലെ തന്നെ ലക്ഷ്മണൻ മാഷെ നേതൃത്വത്തിൽ ഉറപ്പാക്കി.

മൂടൽ മഞ്ഞിന് ഇന്ന് സാധ്യത കുറവാണെന്ന് കാലാവസ്ഥ നിരീക്ഷണ കേന്ദ്രത്തിൽ നിന്നും മിനിഞ്ഞാന്ന് തന്നെ റിപ്പോർട്ട് കിട്ടിയതായാണ് അറിവ്. "അന്നെങ്ക് ഗ്രൗണ്ടിൽ ചണ്ടിപ്പസെ എന്തു ഇണ്ടാബേല " ഒരു കർഷകനെ ഉദ്ധരിച്ച് പൊലിമ സ്പോർട്സ് ലേഖകൻ പറഞ്ഞു. 

പൊലിമ സ്പോർട്സ് ഇനങ്ങൾ ലൈവ് ടെലികാസ്റ്റ് ചെയ്യാനും പ്ലാനുണ്ട്. "മൊബൈല് ചാർജ്ജിന് ബെച്ചിന്, കാൽത്തെ നോക്കിറ്റ് ചെല്ലാം " ലൈവ് ടെലികാസ്റ്റ് ചെയ്യുന്ന സ്ഥിരം ക്യാമറമാൻമാരിൽ ഒരാൾ പറഞ്ഞു.

അതേ സമയം ഇന്നത്തെ ഓട്ടമത്സരത്തിന് ഒന്നാം സ്ഥാനം കിട്ടാനുളള ആർത്തി കൊണ്ട് പ്രാക്ടീസ് ചെയ്യാൻ ഇന്നലെ ഈടുമ്മൂടില്ലാതെ ആദ്യമായി ഓടിയ രണ്ട് മൂന്ന് പേരെ മസില് വേദനയും നീരും വന്നു ഇന്ന് രാവിലെ മുടന്തി നടക്കുന്നത് കണ്ടതായും റിപ്പോർട്ടുണ്ട്. ഇറുളും ബെളിക്ക് ആര്, ഏത് ഹൗസ് എന്നൊന്നും വ്യക്തമല്ല.