പൊലിമ - ക്ഷണം

നമ്മുടെ പട്ലയുടെ ഐക്യവും സൗഹാർദ്ദവും നിലനിർത്തുവാനും ഒത്തൊരുമയോടെ മുന്നോട്ട് പോകുവാനും കണക്ടിംഗ് പട്ല മുൻകൈ എടുത്ത് കൊണ്ട് മുഴുവൻ  നാട്ടുകാരെയും പ്രവാസികളെയും പങ്കെടുപ്പിച്ചു കൊണ്ട് പൊലിമ എന്ന നാട്ടുൽസവം ആഘോഷിക്കുകയാണ്.

ഡിസംബർ 23 , 24 തിയതികളിൽ പട്ല സ്കൂളിലാണ് ഇതിന്റെ സമാപനം നടക്കുന്നത്.  വിവിധ പരിപാടികൾ ഇതിനകം നടന്നു കഴിഞ്ഞു. ഇപ്പോൾ ഗെയിംസ് നടന്നു കൊണ്ടിരിക്കുകയാണ്. നാളെയാണ് സ്പോർട്സ് ഡേ.

പൊലിമയുടെ സന്ദേശം നാട്ടിലും പ്രവാസികളിലും എത്തിക്കുവാൻ വേണ്ടി നടക്കുന്ന വളരെ മനോഹരമായ പരിപാടിയാണ് ഇശൽ പൊലിമ. യു. എ. ഇ , ഖത്തർ എന്നിവിടങ്ങളിൽ ഇതിനകം കഴിഞ്ഞു. നാട്ടിൽ ഇശൽ പൊലിമ ഏഴ് സ്ഥലത്തും  നടന്നു.

ഇന്ന് നാം  വളരെ സന്തോഷത്തോടെയാണ് ഇശൽ പൊലിമ ആഘോഷിച്ചത്. ഇത്ര ഐക്യത്തോടെ എല്ലാവരും ഒറ്റക്കെട്ടായി നമുക്ക് പൊലിമയുടെ പേരിൽ ഒന്നിച്ചിരിക്കാനും സന്തോഷിക്കുവാനും പറ്റിയതിൽ അല്ലാഹുവിനെ സ്തുതിക്കുന്നു.

നാടിന്റെ നന്മയ്ക്ക് വേണ്ടി എല്ലാം മറന്നു നമുക്ക് ഇനിയും ഒന്നിക്കാൻ സാധിക്കും. അതിൽ യാതൊരു സംശവുമില്ല.

നാം എല്ലാവരും പട്ലക്കാരാണ്. എന്നിട്ടാണ് ബാക്കി എല്ലാം. അത് കൊണ്ട് പട്ലയിൽ ഐക്യത്തോടെ നടക്കുന്ന എന്ത് പരിപാടിക്കും നമുക്ക് ഇതേ പോലെ ഒന്നിക്കാൻ  അവസരം ഉണ്ടാകും. അതിന് കൂടി ഇശൽ പൊലിമ കാരണമാകട്ടെ എന്ന് പ്രാർഥിക്കുന്നു.

നമ്മുടെ ഈ ഐക്യം കണ്ട് സന്തോഷിച്ചു ഒരു പാട് പേർ നാടിൽ നിന്ന് മെസ്സേജ്  അയച്ചു കൊണ്ടിരിക്കുന്നു. അവരുടെ സന്തോഷവും ഇവിടെ അറിയിക്കുന്നു.
തിരക്ക് ഉണ്ടായിട്ടു പോലും ഇവിടെ എത്തിച്ചേർന്ന എല്ലാവർക്കും അത് പോലെ കുടുംബസഹിതം എത്തിയവർക്കും ഞാൻ നന്ദി പറയുന്നു.