ബഹ്റിൻ ഇശൽ പൊലിമ

ബഹ്റിൻ ഇശൽ പൊലിമ
മനാമ ജിസ്മിയ ഗാർഡൻ
തണുപ്പിന്റെ രാത്രി
വരുന്നവരൊക്കെ
ചായ -സുലൈമാനി , പായസം, അവിൽ, ഇറച്ചി' ചോർ
ഹാരിസ്
റിയാസ് ചെമ്പുർ
റിയാസ്
ചടങ്ങിന് എത്തിയവരിൽ
ഗ്രൂപ്പ് നിലനിർത്തണം
ഉറക്കം നടിക്കുന്നു
നാം ഒരുമയെ മറക്കാൻ
ഉറങ്ങാതിരിക്കുന്നു നാം ഒരുമയ്ക്കായ്
നടൻ ഭാഷ കാര്യ പരിപാടി
ബഹ്റിൻ പൊലിമ മീറ്റ്

പതാക
Dec 8 ജസ്നിയ ഗാർഡൻ 98%
°

ബഹ്റിൻ പട്ലക്കാറെ
ഐക്യം വിളിച്ചോതി
പൊലിമ രാവിൽ
ഇശൽമഴ പെയ്തിറങ്ങി!

അസ്ലം മാവില

ശരിക്കുമൊരു പൊലിമ. എല്ലാമുണ്ട്. എല്ലാവരുമുണ്ട്. ആരും മാറി നിന്നില്ല. മാറിനിൽക്കാനാർക്കുമായില്ല. ക്ഷണിച്ചത് പട്ലക്കാർ, വന്നതും പട്ലക്കാർ. എല്ലാം എത്ര പെട്ടെന്ന് ! ത്സടുതിയിൽ,  ക്ഷണനേരം കൊണ്ട് !

"വിശ്വസിക്കാനായില്ല. ആ പവിഴദ്വീപിലെ 98% പേരും മരം കോച്ചും തണുപ്പിന്റെ  ഡിസംബർ ആദ്യ പത്തിലെ എട്ടാം നാൾ കുഞ്ഞുകുട്ടികളെയടക്കം കൂട്ടി വരാൻ മാത്രം ...." സംഘാടകരിലൊരാൾക്ക് തൊണ്ടയിടറി.

RT യിൽ ഒന്ന് രണ്ട് വർഷം മുമ്പ് സതാർ പതിക്കാൽ നാല് വരി കവിത എഴുതിയതോർമ്മയുണ്ടോ ?
"ഉറക്കം നടിക്കുന്നു
നാം ഒരുമയെ മറക്കാൻ "
തന്റെ മുമ്പിലിരിക്കുന്ന ഒരുമയുടെ പെരുമയും പൊലിമയും കണ്ടപ്പോൾ സതാർ ആ വരികൾ ഇങ്ങനെ modify ചെയ്ത് എഴുതി :
"ഉറങ്ങാതിരിക്കുന്നു
നാം ഒരുമയ്ക്കായ്" !

നമ്മൾ ഒന്നാണ്, പട്ലക്കാറാണ്. ആ വികാരവും ആവേശവുമാണ് മനാമയിലെ സെസ്നിയ പാർക്കിൽ കണ്ടത്. ചെറിയ ഒരു തയ്യാറെടുപ്പ്. വലിയ ഹോം വർക്കൊന്നുമില്ല.  പക്ഷെ, വരാൻ നിശ്ചയിച്ചവർ നല്ല ഗൃഹപാഠം ചെയ്തിരുന്നു.  ഗൃഹപാഠം  ഇത് മാത്രം - *എന്റെ പട്ലയുടെ പിരിശപ്പെരുന്നാൾ ഞാനല്ലാതെ, ഞങ്ങളല്ലാതെ പിന്നെ ആര് ആഘോഷിക്കാൻ !*

ബഹ്റിൻ ഇശൽ പൊലിമ അങ്ങിനെയാണ് ഒത്തു കൂടുന്നത്.

സന്ധ്യയ്ക്ക് കനം വെച്ചു.  തിങ്ങി നിറഞ്ഞ പട്ലക്കാറെ നോക്കി 
ഹാരിസ് ബി.എ. സ്വാഗതം പറഞ്ഞു. പതിക്കാൽ സതാർ (അബുബക്കർ) അധ്യക്ഷനായി. പൊലിമ വിശേഷം പറയാൻ  റിയാസ് ചെമ്പൂർ മൈക്കിന് മുന്നിലെത്തിയപ്പോൾ സദസ്സ് ഒന്ന് കൂടി കാത് കൂർപ്പിച്ചു. ഹൈദർ കണ്ണൂർ, ലുഖ്മാൻ പട്ല, എം.കെ. റഹിം, നിസാം മൊഗർ തുടങ്ങിയവർ ആശംസകൾ പറയുമ്പോൾ സന്തോഷ കണ്ണീർ !

തികച്ചും വ്യത്യസ്തമായ ഒരു പതാക കൈമാറ്റ ചടങ്ങ് അന്ന് നടന്നു. ഇശൽ പൊലിമയ്ക്ക് എത്തിയ എറ്റവും സീനിയറായ എസ്. എ. റഹ്മാൻ ബഹ്റിന്റെ ചെം-ശുഭ്ര പതാക ഇക്കഴിഞ്ഞ മാസം ഏറ്റവും അവസാനം ബഹ്റിനിലെത്തിയ പട്ലക്കാരന് കൈമാറി. തോരാത്ത കയ്യടി !

ആ കൂട്ടൊരുമയിൽ വട്ടം കൂടുന്നിടത്തൊക്കെ പൊലിമയും ഐക്യപ്പെരുന്നാളും തന്നെയാണ് സംസാരം. ചെറിയ മക്കൾക്ക് വരെ പൊലിമ കാണാപാഠം .

ഇശൽ പൊലിമയിലേക്ക് സെഷൻ  നീങ്ങാൻ നിർദ്ദേശം വന്നു. മാപ്പിള പാട്ടുകൾ അന്തരീക്ഷത്തിൽ അനിർവ്വചനീയാനുഭവം തീർത്തു. പട്ലയുടെ സ്വന്തം ഗായകർ പാടി, പാട്ടിനൊപ്പം ആടി. കുഞ്ഞു മക്കളും ഊഴം വന്നപ്പോൾ കുഞ്ഞു വായിൽ പാടി ! ബഹിറിൻ പൊലിമപ്പെരുന്നാളിന്റെ മുന്നൊരുക്ക ഗാനം വരെ സംഘാടകർ ഈണമിട്ടൊരുക്കിയിരുന്നു.  കൂട്ടത്തിൽ ഒന്നൊന്നര മാജിക് ഷോയും നടന്നു.

എന്താ പറയുക ? കാര്യപരിപാടിയിൽ വരെ പട്ലടച്ച് ! ഉദാ:  കുർത്താക്കൽ, ബന്നാൾ അങ്ങോട്ടുഇങ്ങോട്ടും മുണ്ടൽ,  ഇരിക്കാൻ ചെല്ലിന്നെ,  മുണ്ടാൻ ബിൾകിന്നെ , പൊലിമന്റെ പൊൽസ്  ചെല്ലിന്നെ, ക്ഡാകളെ പൊൽസ് , ഉമ്മാറും  പൈതങ്ങവും പൊൽസാക്ക്ന്നെ, ചോറ് ബെയ്കിന്നെ, കൂടിയാള് സന്തോസത്തിലെ പിരീന്നെ..               

ഇശൽ പൊലിമക്കെത്തിയവരിൽ ബഹുഭൂരിഭാഗം പേരും സെസ്നിയ പാർക്കിൽ എത്തിയത് കയിൽ കുഞ്ഞുകുഞ്ഞു പൊതികളുമായി. പലഹാരപ്പൊതികൾ, മധുരം, പായസം മുതൽ ജംഗ്ഫുഡ് വരെ!

കൊല്ലത്തിലൊരിക്കൽ ഇങ്ങനെ ഇരിക്കണം, ആറ് മാസത്തിലൊരിക്കലായാലോ ? ആലോചനകൾ അങ്ങിനെ പോയി.
ഈ കൂട്ടും ഒരുമയും  ഇനിയെന്നും നിലനിൽക്കുമെന്ന  സ്ന്ദേശം നൽകിയാണ്  വിഭവ സമൃദ്ധമായ ഡിന്നറും കഴിഞ്ഞ്, പരസ്പരം സലാം പറഞ്ഞ്, വിഷ് ചെയ്ത്  ബഹ്റിനിലെ പട്ല - പൊലിമ പ്രവർത്തകർ കുടണയാനായി  സെസ്നിയ വിട്ടത്.