Signing Out , Bye Yanbu !

Signing Out

പരിഭവങ്ങളില്ലാതെ,
പരാതികളില്ലാതെ
പുതിയ അനുഭവങ്ങളുമായി
ചെങ്കടൽതീരത്തോട്
തത്കാലം വിട.
മുക്കാൽ ലക്ഷത്തോളം
വായനക്കാരെ എനിക്ക് ലഭിച്ചത്
ഈ വരവിലാണ്.
അതിനു വഴിയൊരുക്കിയത്
എന്റെ ഓഫ് ഹവ്വെർസും
ഹോളിഡേയ്‌സും !
അതിനു നന്ദി പറയുന്നത്
kvartha.com എഡിറ്റർ മുജീബിനോട്.

ചിലതൊക്കെ കുത്തിക്കുറിച്ചു,
പ്രാസഭംഗി നോക്കാൻ സമയം കിട്ടിയില്ല
വ്യാകരണപ്പിശക്, പരിശോധനക്ക് പോകട്ടെ,
രണ്ടാം വായനയ്ക്ക് പോലും നേരമൊത്തില്ല.

വിരസമണിക്കൂറുകൾക്ക്
വിരാമമിടാൻ കുട്ടിക്കാല ഓർമ്മകൾ
''റിക്കാൾ'' ചെയ്താലോ എന്ന ചിന്ത
അമ്പത് അധ്യായങ്ങൾ എഴുതാൻ
വഴിയായി.

പക്ഷെ, വീണ്ടുമത് കണ്ണോടിച്ചപ്പോൾ
ഒരുപാട് തിരുത്തണമെന്ന് തോന്നി,
അത് കൊണ്ട്   പുസ്തകമാക്കിയാലോ
എന്ന ആലോചന അതിരു കടന്നതാണെന്ന് മനസ്സിലായി
അതിനിനി സാധ്യത കുറവാണ്.
നടന്നാൽ നടന്നു, അത്രതന്നെ.

rtpen ബ്ലോഗ് ആളനക്കമുണ്ടാക്കാൻ
യാമ്പു സഹായിച്ചു.
ഇരു പരിശുദ്ധഹറമുകൾ
വിളിപ്പാട്ദൂരമുള്ളത്(call-distance)  എപ്പോഴും,
പറഞ്ഞറിയിക്കാൻ പറ്റാത്ത സന്തോഷം നൽകി !
സൗഭാഗ്യങ്ങളിൽ വലിയ സൗഭാഗ്യം !

സ്നേഹാദരവുകൾ  കൊണ്ട് വീർപ്പ് മുട്ടിക്കാൻ
മാത്രമറിയുന്ന ''ജെംസ്'' അബൂബക്കർക്ക മുതൽ
ഒരുപാട് പേർ യാമ്പുവിന്റെ ഓർമ്മകളിൽ...

ഞാൻ സജീവമായിട്ടുള്ള രണ്ടു മൂന്ന് കൂട്ടായ്മകളുണ്ട്,
അതിലെ എഴുത്തു ഇനി കുറച്ചാഴ്ചകൾ നിർത്തുന്നു.
സമയവും സൗകര്യവും തരമായാൽ
kvartha.com ൽ തുടർന്നും എഴുതണമെന്നുണ്ട്, അതും ഉറപ്പില്ല.

എല്ലാവർക്കും നന്മകൾ

അസ്‌ലം മാവില
00966-537632295