Monday 23 October 2017

എല്ലാവരോടും രണ്ട് വാക്ക്

എല്ലാവരോടും
രണ്ട് വാക്ക് 

സ്നേഹനിധികളായ മുഴുവൻ പേരോടുമാണിത് പറയുന്നത്. നമ്മുടെ നിലവിലുള്ള സ്വാഗത സംഘ കമ്മിറ്റി ഒരിക്കലും പൂർണ്ണമല്ല. സജീവമായി സാമൂഹ്യ-സാംസ്കാരിക രംഗത്തുള്ളവരിൽ  കുറച്ച് പേർ ഇനിയുമതിൽ ഉൾപ്പെട്ടിട്ടില്ലെന്നറിയാം, അത് പോലെ നമ്മുടെ  ഈ സംരംഭവുമായി സഹകരിക്കാൻ താൽപര്യമുള്ള വേറെയും സുഹൃത്തുക്കളുണ്ട്. അവരെയും നമുക്ക് ഇത്തരം സംരംഭങ്ങളിൽ കൂടി  പ്രവർത്തന രംഗത്ത് കൊണ്ടുവരേണ്ടതുണ്ട്.

പ്രവാസികളായ നമുക്കറിയുന്ന ഒരുപാട് സുഹൃത്തുക്കൾ, അവരുടെ തിരക്കുകൾ കഴിയുന്ന മുറയ്ക്ക് നമ്മുടെ സബ് കമ്മിറ്റികളിൽ ഇടം പിടിക്കും. വലിയ ഉത്തരവാദിത്വമുള്ള  അവർക്ക് ഇതൊരു  ഭാരമാകരുതെന്ന് കരുതി ചിലരുടെ പേരുകൾ മാറ്റി വെച്ചിട്ടുണ്ട്, വേറെ ചിലർക്ക് ലൈറ്റ് റെസ്പോൻസിബിലിറ്റി ( ചെറിയ ഉത്തരവാദിത്വം ) ആണ് നൽകിയിട്ടുള്ളത്.

എങ്ങിനെയായാലും  എല്ലാവരുടെയും സഹായ സഹകരണങ്ങൾ  നമ്മുടെ കൂട്ടായ്മയ്ക്ക് വളരെ വിലപ്പെട്ടതാണ്. CP- യുടെ ഭാഗത്ത് നിന്ന്  ഒരു ചെറിയ വീഴ്ച പോലും ഉണ്ടാകരുതെന്ന്,  നിങ്ങൾക്ക് കാണിക്കുന്ന ആ നല്ല ജാഗ്രതയ്ക്ക് ഞങ്ങൾ നന്ദിയും കടപ്പാടും അറിയിക്കുന്നു.

നമ്മുടെ നാട്ടുൽസവത്തിന്റെ നാള് പ്രഖ്യാപിച്ചിട്ട് രണ്ട് ദിവസം മാത്രമേ ആയുള്ളൂ,  അതിനൊരു പേരു പോലുമായില്ല, എന്നിട്ടും നമ്മുടെ നാട്ടിമ്പുറത്ത് നിന്ന്, പ്രത്യേകിച്ച് വാട്സ്ആപ്പ് ഉപയോഗിക്കാത്തവരിൽ നിന്ന്, ലഭിക്കുന്ന അന്വേഷണങ്ങൾ, സംഘാടകരെ അത്ഭുതപ്പെടുത്തുകയാണ്. ശരിക്കുള്ള  പബ്ലിസിറ്റി കൂടി തുടങ്ങിയാൽ പിന്നെ ബാക്കി കാര്യങ്ങൾ പറയേണ്ടല്ലോ. (പബ്ലിസിറ്റി വിംഗിന്റെ ആദ്യ ഫെയിസിലുള്ള പരിപാടികളെ കുറിച്ച് ബന്ധപ്പെട്ട ഭാരവാഹികൾ നിങ്ങളോട് താമസംവിനാ പറയുമെന്ന് പ്രത്യാശിക്കാം)

കൂട്ടത്തിൽ അഭ്യർത്ഥിക്കാനുള്ളത് ഡിസംബർ 23, 24 , ഈ രണ്ട് തിയ്യതികൾ നിങ്ങൾ നമ്മുടെ ഈ മഹാപരിപാടിക്ക് വേണ്ടി നീക്കി വെക്കുക.  കല്യാണം, കാത്കുത്ത്, മൈലാഞ്ചി, വിരുന്ന്, ബിസ്താരം തുടങ്ങിയ പരിപാടികളുടെ നാള് നിശ്ചയിക്കുന്നതിൽ നിന്ന്  ഈ രണ്ട് ദിവസങ്ങളെ ഒഴിവാക്കിയേ മതിയാകൂ. നാട്ടുകാരെല്ലാരും ഒന്നിക്കുന്ന,  ഒരുമിക്കുന്ന ദിവസങ്ങളാണീ ഡിസംബർ  23, 24.  മറക്കരുത്, ഓർത്ത് വെക്കുക.

നന്മകൾ നേരുന്നു,
പിരിശത്തോടെ,

അസ്ലം മാവില
ജ: കൺവീനർ 

No comments:

Post a Comment