കോമ്മൺ പ്ലാറ്റ്ഫോം* *ഇനിയുമിവിടെ ആവാത്തതെന്തേ ?* /. അസ്ലം മാവിലെ

▪
*കോമ്മൺ പ്ലാറ്റ്ഫോം*
*ഇനിയുമിവിടെ ആവാത്തതെന്തേ ?*
.............................
അസ്ലം മാവിലെ
.............................

ഞാനെഴുതുന്നത് കൊണ്ട് ആരും പുറം തിരിഞ്ഞ് നിൽക്കണമെന്നില്ല;  ഇരിക്കണമെന്നുമില്ല. പക്ഷെ, എഴുതുന്ന സബ്ജക്ട് പ്രസക്തമാണോ എന്ന് മാത്രം നോക്കുന്നതിൽ കുഴപ്പമുണ്ടോ ?  പ്രസക്തമെന്ന് മനസ്സു പറയുന്നുണ്ടെങ്കിൽ അത് ഒന്നുകൂടി ഡീപായി പഠിച്ച്, മതിയായ മോഡിഫിക്കേഷൻ വരുത്തി  നിങ്ങളുടെ സുഹൃദ് വലയങ്ങളിൽ  അവതരിപ്പിക്കണം. 

ഉട്ടോപ്യൻ ലോകത്തിലെ നടക്കാത്ത സ്വപ്നങ്ങളല്ല. മറിച്ച്, കൊക്കിലൊതുങ്ങുന്ന വിഷയങ്ങൾ മാത്രമേ ഞാൻ ഓപ്പൺ ഫോറങ്ങളിൽ എപ്പോഴും പറയാറുള്ളു.

മാൻപവറുള്ള ഒരുപാട് കൂട്ടായ്മകളുണ്ട്. നേതൃത്വത്തിന്റെ ഒരു ഇലയനക്കത്തിന് കാത്തിരിക്കുന്നവർ. അവർക്കേ ജനകീയമായി എന്തെങ്കിലുമല്ല, എന്തും  സംഘടിപ്പിക്കാനും വിജയിപ്പിക്കാനും  സാധിക്കൂ. അത് നിലനിർത്താനുമാകൂ. Maintain ചെയ്യുക ന്രിലനിർത്തുക) എന്നത് വളരെ പ്രധാനമാണ്. 
നാലാൾ ഇരുന്ന് ഒരു നേതൃത്വത്തെ  തെരഞ്ഞെടുക്കുന്ന  സംഘങ്ങൾക്കാണ് വളരെ ഭംഗിയായി  മറ്റേതിനേക്കാളും സുതാര്യമായി ആക്ടിവിറ്റീസ് നിലനിർത്തി കൊണ്ടുപോകാനും തുടർച്ച നിലനിർത്താനും കൈക്കുറ്റങ്ങൾ തിരുത്തിയും മാറ്റങ്ങൾ വരുത്തിയും  പ്രവർത്തനക്ഷമമാകാനാകൂ. 

ശരി,  അങ്ങിനെയുള്ള ഒരു പൊതു കൂട്ടായ്മ നമ്മുടെ നാട്ടിൽ ഇല്ല എന്ന നിങ്ങൾ സ്വന്തത്തോട് പറഞ്ഞു കൊണ്ടേയിരിക്കുന്ന പരമസത്യത്തെ കുറിച്ചാണ് ഇന്നെനിക്ക് നിങ്ങളോട് പറയാനുള്ളതും. അതാണ് ഇടക്കിടക്ക് ചർച്ചയ്ക്ക് വിഷയമാക്കേണ്ടതും. 

വേണമെങ്കിൽ നിങ്ങൾക്ക്  PTA യെ കാണിക്കാം. നാട്ടുകാരുടെ മൊത്തം പ്രാതിനിധ്യമതിനുണ്ടെങ്കിലും ഔപചാരികതകളുടെ അസ്കിതകൾ ധാരാളമുണ്ടുതാനും. അതിന് ചില ഔeദ്യാഗികതകളുടെ പരുക്കൻ മുഖഭാവങ്ങളുമുണ്ട്.

അത് വിട്ടു, പിന്നൊന്ന് പറ. ഇല്ല, പിന്നൊന്നില്ല. പിന്നൊന്നിലേക്ക് ഇറങ്ങി വരാൻ ആർക്കുമാവുന്നില്ല. എന്തേ കാരണം ?

പരിമിത നിറങ്ങളുടെയും അതിലും പരിമിത മാനങ്ങളുടെയും സമാനചിന്താഗതികളുടെയും  അടിസ്ഥാനങ്ങളിൽ ഇപ്പോൾ  നിലനിൽക്കുന്ന കൂട്ടായ്മകൾ സജീവമായി തന്നെ പ്രവർത്തിക്കട്ടെ. ആരും എതിരല്ല.  അതാവശ്യമാണ് താനും. രാഷ്ട്രിയം. വിശ്വാസം, കായികം എന്ത് പേരിലായാലും. കായിക കൂട്ടായ്മകൾ ഒഴിവാക്കിയാൽ മറ്റു രണ്ടിനോടും ഓരം ചേർന്ന് എല്ലാവർക്കും ഒന്നിച്ച് ഒരു കുടക്കീഴിൽ  നിൽക്കാനുമാകില്ലല്ലോ.

അപ്പോൾ ? ഒരു നാടിന്റെ മൊത്തം നാനാത്വ സൗന്ദര്യസങ്കൽപ്പമുൾക്കൊണ്ട് മതിയായ പ്രാദേശിക പ്രാതിനിധ്യമുൾപ്പെടുത്തി ഒരു പ്രസ്ഥാനം കാലം ആവശ്യപ്പെടുന്നില്ലേ ? ഉണ്ടന്നേയ്,  ഇന്നല്ലെങ്കിൽ നാളെ നിങ്ങൾ അതിനെക്കുറിച്ച് ചിന്തിക്കേണ്ടി വരും.

മുമ്പ് പട്ല സ്കൂൾ ഒഎസ്എയ്ക്ക് നടേ പറഞ്ഞ പ്രാതിനിധ്യം ഉറപ്പാക്കാൻ സാധിച്ചിരുന്നു. ഒരു നാടിന്റെ മൊത്തം ഐക്കണാകുന്നതിൽ അന്നത് വിജയിച്ചിട്ടുണ്ട്. പിന്നെയതിന്റെ പ്രതാപകാലം മങ്ങിമങ്ങിയില്ലാതായതെങ്ങിനെ ? അതിന്റെ കാരണങ്ങൾ പലവട്ടം വിവിധ സന്ദർഭങ്ങളിൽ ചർച്ച ചെയ്തിട്ടുള്ളത് കൊണ്ട് ഇന്ന് അങ്ങോട്ടേക്കില്ല.

രാഷ്ട്രിയ പ്രസ്ഥാനങ്ങളുടെ യുവജനവിഭാഗങ്ങൾ പൊതുവിൽ കയ് വെക്കാറുള്ള സേവന മേഖലകളിലേക്ക് ഈ proposed  കൂട്ടായ്മ പോകേണ്ടതില്ല. അല്ലാതെ തന്നെ ഒരുപാടു മേഖലകളുണ്ടല്ലോ. അതേപോലെ,  കൊക്കിൽ കൊള്ളാത്തതെല്ലാം ഏറ്റെടുത്ത് തുമ്പിയെ കല്ലെടുപ്പിക്കാനും ശ്രമിക്കേണ്ടതുമില്ല. അതിനെല്ലാമപ്പുറം ബ്ലോക്കുകൾ തിരിക്കാതെയുള്ള ഇരുത്തങ്ങളും മുഖം നോക്കലുകളും സൗഹൃദ നാട്ടിൻ കൂട്ടങ്ങളും ഇതു വഴിണ്ടാകുമെന്നെങ്കിലും പ്രതിക്ഷിക്കാമല്ലോ.

ഞാൻ എഴുതിത്തരാം, ട്രസ്റ്റ് മോഡൽ പ്രസ്ഥാനങ്ങൾക്ക് സ്ഥായിയായ ജനകീയടിത്തറ ഉണ്ടാക്കാനാകില്ല. പ്രത്യേകിച്ച്,  ജനാധിപത്യബോധവും ബോധ്യവും കൂടുതൽ Update ചെയ്ത് കൊണ്ടിരിക്കുന്ന ഇന്നിന്റെ ലോകത്ത്. സാക്കിർ പട്ലയെപ്പോലുള്ള യുവശബ്ദങ്ങൾ മുമ്പ് പലപ്പോഴും എഴുതിയുമല്ലാതെയും വാചാലരായത് അഭ്യുദയകാംക്ഷിത്വം കൊണ്ടും ബഡ്ഡിംഗ് തലമുറകളുടെ മനസ്സറിയുന്നത് കൊണ്ടുമായിരിക്കണം.

ചെറിയ എഴുത്തകളേ ആരും വായിക്കൂ. അത് കൊണ്ട് വിഷയത്തിൽ തന്നെ ഞാൻ ശ്രദ്ധ പതിപ്പിക്കുന്നു. 

(മുന്നിട്ട്) ഇറങ്ങേണ്ടവർ ഇറങ്ങണം. ഗ്രീൻ സിഗ്നൽ നൽകണം. മസിലുപിടുത്തത്തിനും വായുപിടുത്തത്തിനും തൊട്ടടുത്ത ശ്വാസം വിടലോളമുള്ള കുഞ്ഞു ദൈർഘ്യമേയുള്ളൂ എന്നും എല്ലാവരും അറിയണം. അറിയേണ്ടവരാകട്ടെ, അതാദ്യവുമറിയണം. 

ചുറ്റുപാടു സാഹചര്യങ്ങും അനുഭവങ്ങളും നിരീക്ഷണങ്ങളുമാണ് നമ്മുടെ ആരുടെയും ആലോചനയുടെ കരുത്ത്. ഇനി പറയുന്ന ആലോചനയോട് നിങ്ങൾ യോജിക്കുമെന്ന് കരുതാം.   മാറ്റത്തിനും മാറിച്ചിന്തിക്കലിനും  എക്കാലവും കാണാറുള്ള വഴി തടസ്റ്റങ്ങൾ പിടിച്ചമുയലിന് മൂന്ന് കൊമ്പ് വാദമാണ്.

ആലോചിക്കാം,
കുറ്റപ്പെടുത്തലുകൾക്കല്ല,
ട്രോളുകൾക്കുമല്ല ഈ എഴുത്ത്.

നന്മയും ഗുണകാംക്ഷയും മുന്നിൽ വിളക്കുതിരികളായി വെച്ച് വിഷയം ചർച്ചയ്ക്ക് വിധേയമാക്കുക.

THINK POSITIVE’ WIN POSITIVELY