*അല്ല, എനിക്ക്* *പറയാതെ* *വയ്യ, ട്ടോ* /അസ്ലം മാവിലെ

▪
*അല്ല, എനിക്ക്*
*പറയാതെ*
*വയ്യ, ട്ടോ*
.............................
അസ്ലം മാവിലെ
.............................

കയ്യടിക്കല്ല, കണ്ണുരുട്ടാനുമല്ല. രണ്ടും വൃഥാവ്യായാമമാകാനേ വഴിയുള്ളൂ.

വിഷയത്തിലേക്ക്.
നാട്ടിൽ നടക്കുന്ന പ്രോഗ്രാമുകൾ അറിയണം. അത് ഇവിടെ അറിയിച്ചില്ലെങ്കിലും എവിടെയെങ്കിലുമായി അറിയിക്കാനും പറ്റും. എന്നാൽ പിന്നെ ഈ പ്ലാറ്റ്ഫോമിൽ ആകുന്നതിനെന്ത് കുഴപ്പം ?

ഓവറാക്കരുതെന്നേയുള്ളൂ. അതിനൊരു വ്യവസ്ഥ ഉണ്ടെങ്കിൽ നല്ലത്. ഇളവ് കിട്ടിയത് കൊണ്ട് വയറ്റിളക്കം പോലെ കൊണ്ട് വന്ന് ചൊരിയാൻ നിക്കരുത്.

അതു രണ്ട് വ്യക്തികൾക്ക്  F/W ചെയ്താൽ അവർ അതിന്റെ ഉത്തരവാദിത്വം ഏറ്റെടുക്കണം.  യോജിപ്പും വിയോജിപ്പും നോക്കാതെ ഗ്രൂപ്പിൽ പോസ്റ്റാനും മടി കാണിക്കരുത്.

അല്ലെങ്കിൽ ബന്ധപ്പെട്ട പ്രസ്ഥാനങ്ങളുടെ ഒന്ന് രണ്ടാൾക്ക് ചാർജ് നൽകുക. അവർ തട്ടട്ടെ. വിഷയം തീർന്നു. ഒന്നിരുന്നാൽ ഇതിന്റെ അതിർത്തി നിശ്ചയിക്കാം. എന്തൊക്കെയാകാം, എന്തൊക്കെ പാടുണ്ട്, പാടില്ല ഇതിലും ഒരു കൃത്യത ഉണ്ടായാലും നന്ന്.

പോസ്റ്റുന്നവൻ 10 മിനിറ്റ് കാത്തിരുന്ന് പോയാൽ മതി.  കൂടെപ്പിറപ്പ് മുമ്പെങ്ങാനും  പോസ്റ്റിയതെങ്കിൽ പിൻവലിക്കാൻ പറ്റുമല്ലോ.

RR ഇരുമ്പുലക്കയല്ലല്ലോ. അതിൽ ഭേദഗതിയാകാമല്ലോ. അത്യാവശ്യമെങ്കിൽ മാറ്റിയെഴുതണം. മാറാത്തത് മാറ്റമെന്ന രണ്ടക്ഷരമാണല്ലോ. അത് മാറ്റണ്ട.

പക്ഷെ കഷ്ടം എന്നത്, ഇതിനൊന്നും ആളെക്കാണില്ല എന്നതാണ്. ഉത്തരവാദിത്വത്തിന് അങ്ങിനെ ഒരു കുറ്റമുണ്ട്. ഏൽപിച്ചത് ഭംഗിയായി ചെയ്യേണ്ടി വരും. മുമ്പ് പൊലിമയ്ക്ക് സബ്കമ്മിറ്റികളുടെ ഉത്തരവാദിത്വം ഏറ്റെടുത്ത ചിലർ നിരുത്തരവാദിത്വം കാണിച്ച് അത് ഭംഗിയായി ചെയ്യാൻ പറ്റാത്തത് പോലെയാകുമിതും. ( പഴി മൊത്തം  സ്ഥാനത്തും അസ്ഥാനത്തും (ഇപ്പഴും) നാലഞ്ചാളുകളുടെ മണ്ടയ്ക്കും പൊലിമയ്ക്കും എന്ന കൂട്ട്)

ഇത്രയും കൊല്ലത്തെ ഇടപെഴകലിൽ 'ഞങ്ങൾ' 'നിങ്ങൾ' മാറുന്നില്ലെന്നതാണ് കഷ്ടതമം. ഉൾക്കൊള്ളുക എന്ന വാക്കിന് നമ്മൾ കണ്ട അർഥമല്ല ശരിക്കും. (അതപ്പടി വിശ്വസിക്കുക എന്നല്ലെന്ന്). തൊട്ടടുത്തവനെ കേൾക്കുക, വായിക്കുക, അവനും അവസരം നൽകുക, അവന്റെ സ്വാതന്ത്ര്യത്തിൽ മൂക്ക് തൊടാതിരിക്കുക എന്നൊക്കെയാണ്. 

മറ്റെതിനെ അപേക്ഷിച്ച് ഭൗതികം പറച്ചിൽ (രാഷ്ട്രീയം) കുറച്ചൊക്കെ ഈ പ്ലാറ്റ്ഫോമിൽ ഉൾക്കൊള്ളാനാകുന്നുണ്ടെന്നാണ് തോന്നുന്നത്, പകുതിഭാഗമെങ്കിലും. പരലോകം പറച്ചിലുകാർക്കിടയിലാണ് 'അൽകോംപ്ലക്സ്'.  പുതിയ തലമുറയുടെ  ആലോചനാസ്വാതന്ത്ര്യത്തെ വരെ ചങ്ങലക്കിടുന്നുണ്ടോ എന്നും സംശയമുണ്ട്.

കല്യാണത്തിനും മരിച്ച വീട്ടിലും മാത്രമാകരുത് നമ്മുടെ ഒത്തൊരുമ. എല്ലായിടത്തും വേണം, അത് കൊട്ടിഘോഷിക്കുന്ന ആദർശം പണയപ്പെടുത്തിയല്ല (പണയം എന്നത് ഇയിടെയായി ബാങ്കിലും മതവേദികളിലും മാത്രം പറയേണ്ട പദമാക്കിയിട്ടുണ്ട്.) ഒത്തൊരൂമ അവനവനവന്റെ വിശ്വാസാചാരങ്ങൾ നിലനിർത്തി അടുത്തുള്ളവനെ അംഗികരിക്കാനും അത്കൂടി പറയാനവസരം നൽകാനുള്ള  സന്മനസ്സ് കാണിക്കാനും കൂടിയാകണം.

അപരത്വവും അപരിചിതത്വവും കൃതൃമമായി ആരും ഉണ്ടാക്കാൻ ശ്രമിരുത്. അതനാവശ്യ ശങ്കയ്ക്കും സംശയത്തിനും ശത്രുതതയ്ക്കും വഴി വെക്കും. അവസാനം നാമാണീ ഗ്രാമത്തിന്റെ വായു ശ്വസിക്കുന്നവർ, പുറത്തുള്ളവരല്ല.

പറയേണ്ടത് അപ്പപ്പോൾ പറയുക എന്റെ ഒരു ശീലമായിപ്പോയി. അതിന് പഴിയും കേൾക്കാറുണ്ട്. കേൾക്കണമല്ലോ.

ഈ കൂട്ടായ്മയിലെ അഡ്മിൻ നേതൃത്വവും എഴുതുമ്പോഴും പറയുമ്പോഴും  മുൻപിൻ നോക്കണം. എന്റെ സ്വന്തം അഭിപ്രായം, എന്റെ മാത്രം, മറ്റാരുമായി ബന്ധമില്ല എന്നൊക്കെ കുറിക്കുമ്പോൾ ബാക്കിയുള്ളവരൊക്കെ വാടകച്ചിന്ത അരമണിക്കൂർ നേരത്തേക്ക് റെന്റിനെടുത്ത് പറയുന്നതെന്ന് തോന്നിപ്പോകും.

ചർച്ചയായേക്കാം ഈ കുറിപ്പ്. ആകട്ടെ,  അവസാനം ഒരു കൺക്ലൂഷനിലെത്തുമല്ലോ.