മഴവെള്ള ശേഖരണ പദ്ധതി* *സമയമിപ്പഴാണ്* *രണ്ട് മാസം കഴിഞ്ഞല്ല* /അസ്ലം മാവിലെ

*മഴവെള്ള ശേഖരണ പദ്ധതി*
*സമയമിപ്പഴാണ്*
*രണ്ട് മാസം കഴിഞ്ഞല്ല*

..............................
അസ്ലം മാവിലെ
..............................

കഴിഞ്ഞ വർഷം ഇവിടെ ചർച്ചയ്ക്ക് വന്ന വിഷയം. ഇവിടെ എന്ന് വെച്ചാൽ മിക്ക ഓൺലൈൻ ഗ്രൂപ്പുകളിലും.  അതൽപ്പം വൈകിയിരുന്നു. ഒന്നോർമ്മപ്പെടുത്താൻ മാത്രമാണിത്.

കാര്യം  മഴവെള്ള ശേഖരണം തന്നെ.
പട്ലയുടെ കിടപ്പ് അറിയാം. വടക്ക് കിഴക്ക് ഭാഗങ്ങൾ അൽപ്പം അല്ല അത്യാവശ്യം ഉയർന്നാണുള്ളത്. തെക്കുപടിഞ്ഞാറൻ ഭാഗങ്ങൾ ചെരിഞ്ഞും താഴ്ന്നും.

എത്ര കുന്നിടിഞ്ഞിട്ടും ഇപ്പഴും ചെരിവ് ചെരിവായി തന്നെയുണ്ട്. ഈ ഭാഗത്ത് പെയ്ന്ന മഴ കുത്തൊലിച്ച് താഴോട്ടാണ് ഒഴുകുന്നത്. ചെറിയ ചെറിയ കൈത്തോടുകളായി അവസാനം ഏതെങ്കിലും ഊടുവഴിയിൽ കൂടി മധു വാഹിനിപ്പുഴയിൽ ഒഴുകി മൊഗ്രാലിനോട് ചേരാൻ അധികം സമയം വേണ്ടി വരാറില്ല. പട്ലത്ത് പെയ്തത് തേച്ചും  മോരാല് ഡിം !

ശരിയാണ് ഇക്കുറി ഇവിടെ  വല്ലാണ്ട് വരൾച്ചയുണ്ടായിട്ടില്ല, (അങ്ങിങ്ങായി ചിലടത്ത് ഉണ്ടായിട്ടുണ്ട് താനും) - ഇവിടെയല്ല എവിടെയും. പക്ഷെ ഈ പ്രതിഭാസം എല്ലാ കൊല്ലവും ഉണ്ടായിക്കൊള്ളണമെന്നില്ല.

അപ്പോൾ,
അപ്പോൾ ...
നേരത്തെപ്പറഞ്ഞ ഉയർന്ന പ്രദേശത്ത് പെയ്ന്ന മഴവെള്ളം ഒഴുകാതെ അവിടെത്തന്നെ ഭൂമിയിലേക്കിറക്കുക, മാക്സിമം, പറ്റാവുന്ന വിധത്തിൽ. അങ്ങിനെ ഒരു പ്രൊജക്ടിനെ കുറിച്ച് കഴിഞ്ഞ വർഷം ചർച്ച വന്നിരുന്നു. അതൊരിക്കൽ കൂടി ഞാനിവിടെ ഓർമിപ്പിക്കുന്നുവെന്നേയുള്ളൂ.

ഇതാണ് പറ്റിയ സമയം,
മഴ തുടങ്ങി മൂന്നീസമേ ആയിട്ടുള്ളൂ. ഇനിയും മഴ വരാനിരിക്കുന്നതേയുള്ളൂ. എല്ലായിടത്തും വേണ്ടെങ്കിലും ചിലയിടങ്ങളിൽ പരീക്ഷിക്കാൻ പറ്റിയ അവസരം. ഉയർന്ന പ്രദേശങ്ങളിലുള്ളവർ അവരവർക്ക് പറ്റാവുന്ന തരത്തിൽ രണ്ട് മഴക്കുഴികളെങ്കിലും തോണ്ടി വെച്ചാൽ വലിയ റിസൾട്ട് കിട്ടുന്ന ഒന്ന്.

ചെയ്തതിൻ്റെ ഫലം കിട്ടും. അതൊരു ജീവിത ശീലത്തിൻ്റെ ഭാഗമായ രണ്ടു മൂന്ന് കൊല്ലത്തിനുള്ളിൽ നമ്മുടെ ഭൂമിയിലെവിടെയും വരൾച്ചയുടെ വിഷയം ഉദിക്കില്ല. ലോജിക് വളരെ ക്ലിയർ - ഉറവ വറ്റാതിരിക്കണമെങ്കിൽ പെയ്ത മഴ ഭൂമി കുടിക്കണ്ടേ ? മുമ്പൊക്കെ കുന്നിൻ പ്രദേശങ്ങളിൽ സമൃദ്ധമായ മരങ്ങളും കുറ്റിച്ചെടികളും ഉണ്ടായിരുന്നു. പൊഴിഞ്ഞു വീണ ഇലകളും വേരും ബെല്ലയും മഴവെള്ളത്തെ തടുത്ത് നിർത്തി ഭൂമിയെ കുടിപ്പിച്ചായിരുന്നു പ്രകൃതി കടലിലേക്ക് ഒഴുക്കിയിരുന്നത്. ഇന്നത് നാം മുൻകൈ എടുത്ത് ചെയ്യണമെന്നേയുള്ളൂ.

http://diehardindian.com/successful-rainwater-harvesting/

https://www.thehindu.com/news/cities/Mangalore/Use-rainwater-to-recharge-open-wells-Shree-Padre/article14402091.ece/amp/

രാജസ്ഥാനിലെ ഒരു മരുഭൂ പ്രദേശത്ത് ജില്ലാ കലക്ടറുടെ നേതൃത്വത്തിൽ പെയ്ത വെള്ളം ശേഖരിച്ചു അത്ഭുതം സൃഷ്ടിച്ച വാർത്തകൾ നിങ്ങൾ വായിച്ചു കാണും.

വൈകിയിട്ടില്ല, കഴിഞ്ഞ വർഷത്തെ പ്രൊജക്ടുമായി മുന്നോട്ട് പോകാം.  ഈ വർഷത്തെ പ്രത്യേകത എന്തിനും തയ്യാറായി മുൻപന്തിയിലുള്ള നൂറ്റിച്ചില്ലാനം ചെറുപ്പക്കാരും അവർക്കാവേശകരമായ യുവ നേതൃത്വവും ഉണ്ടെന്നതാണ്.  ഒരു ദിവസത്തെ പ്രയത്നം ഇതിനായി വിനിയോഗിച്ചാൽ വലിയ മാറ്റം പ്രതീക്ഷിക്കാം.

വേണ്ടത്, ചെറിയ ഇരുത്തം. ഒരു ഹോം വർക്ക്. ലോക് ഡൗൺ കാലത്ത് ഇത് പരീക്ഷിക്കുക വളരെ എഴുപ്പവുമാണ്.  അതുമായി ബന്ധപ്പെട്ടത് ഗൈഡൻസ് തരുന്ന ഡിപാർട്ട്മെൻറുണ്ടാകും, അവർക്കിതൊക്കെത്തന്നെയാണ് ഡ്യൂട്ടിയും. അവർ ഫോൺ എടുത്തില്ലെങ്കിൽ തന്നെ അനുഭവസ്ഥരുടെ അഭിപ്രായങ്ങളുമായി മുന്നോട്ട് പോകാനുള്ള കാര്യമേയുള്ളൂ. അസ്ലം പട്ല, എം. എ. മജീദിനെ പോലെയുള്ളവർക്ക് കൂടുതൽ പറയാനുണ്ടാകുമെന്ന് കരുതാം.