*പറഞ്ഞാൽ*
*തീരാത്തത്.....*
അസ്ലം മാവിലെ
സംഘബോധം
അത് ചെറിയ വിഷയമല്ല !
അതിലെ നേതൃത്വം
അതും ചെറുതായി കാണരുത് !
അതിനകത്തെ കോർഡിനേഷനോ ?
അത് മസ്റ്റ്, മമ്മസ്റ്റ് !
പട്ലയിലെ ജാഗ്രതാ സമിതിയെ അകലെ നിന്നും അകത്തു നിന്നും കണ്ടപ്പോൾ അതിൻ്റെ പ്രവർത്തന രീതിയെ നോക്കി വായിച്ചപ്പോൾ മുകളിൽ പറഞ്ഞ മൂന്നും അരിഷ്ടത്തിലെ ചേരുവകൾ പോലെ തികച്ചും തീർത്തും പുരകമായി തോന്നി.
നാമെല്ലാം അകത്തിരുന്നപ്പോൾ
അവർ മുഴുസമയം പുറത്ത്
കാവലാളായി !
ഒരു വിളിക്കപ്പുറമവർ ''ഓ"
പറയാൻ സദാനേരം ചെവി പുറത്തിട്ടു !
എന്തിനും അവരുണ്ട്,
പനിച്ചാൽ
തലവേദനിച്ചാൽ
ചുമച്ചാൽ
തുമ്മിയാൽ...
വർധക്യസഹജർ
ഗർഭിണികൾ
കുട്ടികൾ
എല്ലരും ജാഗ്രതാ സമിതിയെ
രക്ഷകരായി കണ്ടു.
വരില്ല എന്നല്ല പറഞ്ഞത്
വരുന്നുണ്ട് ആശങ്കപ്പെടാതിരിക്കൂ
എന്നാശ്വാസം പറയാൻ
വീടണയോളം അവർ
വിളിച്ചു കൊണ്ടിരുന്നു !
നിശബ്ദ സേവനം !
നിഷ്ക്കാമ കർമ്മം !
നിസ്വാർഥ ചെയ്തി !
നിരന്തരം,
നിർവിഘ്നം.
മതിപ്പു കൂട്ടിക്കളഞ്ഞു
നിങ്ങൾ !
എല്ല മനസ്സിലും മരതക കൊട്ടാരം
പണിത് കളഞ്ഞു നിങ്ങൾ !
എല്ല പേരുകളും
ഓർമ്മിക്കത്തക്കത് !
അതിൻ്റെ നേതൃത്വം
അതിലും ഓർമ്മയോളങ്ങൾ
തീർക്കാവുന്നത് !
പട്ല ജാഗ്രതാ സമിതി
ഒരു കോവിഡ് കാലത്തേക്കു
മാത്രം ഓർക്കാനുള്ള
കൂട്ടമല്ല,
കൂട്ടായ്മയുടെ പേരുമല്ല.
എന്നുമെന്നും ഓർമ്മകൾ
കൈ മാറാനുള്ള മനുഷ്യപ്പറ്റിൻ്റെ
ബാക്കിവെയ്പ്പും
നീക്കി വെയ്പ്പുമാണത് !
കോവിഡിനെ
അറിഞ്ഞിട്ടും
ഞങ്ങളോട്
ജനങ്ങളോട്
മിംഗ്ൾ ചെയ്യാൻ
നിങ്ങൾ കാണിച്ച/കാണിക്കുന്ന
ധൈര്യവും സ്ഥൈര്യവുമാണ്
അത്യുന്നതം !
ദൈവിക സമ്മാനിതം !
അഭിനന്ദിക്കാതെ വയ്യ !
അനുമോദിക്കാതെ വയ്യ !
അല്ലഹ് ഖൈർ ചെയ്യട്ടെ
No comments:
Post a Comment