വാർത്ത / അറിയിപ്പ് / കത്തുകൾ

*നാളെ പട്ല അംഗനവാടിയിൽ ഓൺലൈൻ പഠനമുറി തുടങ്ങും ; ഒരുക്കങ്ങൾ പൂർത്തിയായി*

പട്ല ജി. എച്ച്. എസ്. എസ്. വിദ്യാർഥികൾക്കായി ഒരുക്കുന്ന ഓൺലൈൻ പഠനമുറി നാളെ പട്ല അംഗനവാടിയിൽ തുടങ്ങും.

പെൺകുട്ടികൾക്ക് മാത്രമാണ് ഈ പഠന മുറി ഒരുക്കിയിട്ടുള്ളതെന്ന് മോണിറ്ററിംഗ് സെൽ ഇൻ ചാർജ് അസ്ലം പട്ല അറിയിച്ചു.

പട്ല സ്റ്റാർ ആർട്സ് & സ്പോർട്സ് ക്ലബ് സമ്മാനിച്ച TV യാണ് ഇവിടെ പ്രവർത്തിപ്പിക്കുന്നത്. കേബിൾ - സാങ്കേതിക സൗകര്യങ്ങൾ ഇന്ന് വൈകുന്നേരത്തോടെ പൂർത്തിയാകും.

  രാവിലെ പത്ത് മണിക്ക് പട്ല ജി. എച്ച്. എസ്. എസ്. പ്രിൻസിപ്പാൾ പി.സി. തോമസ് സ്വിച്ച് ഓൺ കർമ്മം നിർവ്വഹിച്ച് പഠനമുറി വിദ്യാർഥിനികൾക്കായി തുറന്നു കൊടുക്കും. പി.ടി. എ പ്രസിഡൻറ് എച്ച്. കെ. അബ്ദുൽ റഹിമാൻ അധ്യക്ഷത വഹിക്കും.

വാർഡ് മെമ്പർ എം.എ. മജീദ്, ഹെഡ്മാസ്റ്റർ പി. ആർ. പ്രദീപ്, സ്കൂൾ വികസന സമിതി ചെയർമാൻ സൈദ് കെ.എം., എസ്.എം.സി. ചെയർമാൻ സി.എച്ച്. അബൂബക്കർ, പി.ടി.എ. വൈസ് പ്രസിഡൻ്റ് അബൂബക്കർ സൈൻ,  പി.ടി. ഉഷ ടീച്ചർ, സ്റ്റാർ ക്ലബ് പ്രതിനിധി എം.പി. സമീർ സംസാരിക്കും. 

മറ്റു ക്ലബ് - സംഘടനാ ഭാരവാഹികൾ, പി ടി എ - എസ്. എം.സി പ്രതിനിധികൾ,  അധ്യാപകർ സംബന്ധിക്കും.

________________________

*അറിയിപ്പ്*

*വിദ്യാർഥികളുടെയും
രക്ഷിതാക്കളുടെയും
അടിയന്തിര ശ്രദ്ധയ്ക്ക്*

തിങ്കളാഴ്ച (15/06/2020)  മുതൽ *പട്ല ജംഗ്ഷനിലുള്ള UNITED PATLA യുടെ ഓഫീസ് മുറിയിൽ*  TV യിൽ ഓൺലൈൻ ക്ലാസ് കാണാനുള്ള സൗകര്യം  ഒരുക്കിയിട്ടുണ്ട്.

എന്തെങ്കിലും കാരണങ്ങൾ കൊണ്ട് ക്ലാസ് കാണാൻ സൗകര്യമില്ലാത്ത ആൺകുട്ടികൾ ഉണ്ടെങ്കിൽ അവരുടെ ക്ലാസ്സ് സമയത്തിനനുസരിച്ച് പ്രസ്തുത സെൻററിൽ എത്താവുന്നതാണ്. 

ഈ ക്ലാസ്സിൽ പങ്കെടുക്കാൻ  ആഗ്രഹിക്കുന്ന കുട്ടികൾ അവരുടെ പേര് വിവരം ഇവിടെ താമസംവിനാ അറിയിക്കുക.

*ക്ലാസ്സ് ടീച്ചർ*
ജി.എച്ച്. എസ്. എസ്. പട്ല

_______________________

🌱

*തൈ വിതരണം*
*ഇന്ന് സംഘം ക്ലബ്*
*പരിസരത്ത്*

പട്ല സംഘം ആർട്സ് & സ്പോർട്സ് ക്ലബ്ബിൻ്റെ ആഭിമുഖ്യത്തിൽ ഇന്ന് ഉച്ചയ്ക്ക് 2 മണിക്ക് തൈകൾ വിതരണം ചെയ്യുന്നു.

സംഘം ക്ലബ് പരിസരത്താണ് പ്രസ്തുത പ്രോഗ്രാം.
തൈകൾ ആവശ്യമുള്ളവർ കൃത്യം 2 മണിക്ക് തന്നെ  എത്തിച്ചേരേണ്ടതാണ്.

സെക്രട്ടറി & പരിസ്ഥിതി കോർഡിനേറ്റർ
*സംഘം ആർട്സ് & സ്പോർട്സ് ക്ലബ്*

🌱  🌱  🌱

____________________

*ക്ഷണക്കത്ത്*

To,

The President,
United Patla FC.

ബഹുമാന്യരെ,

പട്ല ഗവ. ഹയർ സെക്കണ്ടറി സ്കൂളിന് താങ്കളും താങ്കളുടെ സംഘടനയും നൽകി വരുന്ന സഹായ സഹകരണങ്ങൾക്ക് ആദ്യമേ നന്ദി രേഖപ്പെടുത്തട്ടെ.

വീടുകളിൽ ടി വി /മൊബൈൽ സംവിധാനം ഇല്ലെന്ന് അറിയിക്കുകയും ഞങ്ങൾക്കത് ബോധ്യപ്പെടുകയും ചെയ്ത കുട്ടികൾക്ക് വേണ്ടി ഓൺലൈൻ ക്ലാസ്സ് ഒരുക്കുന്നതിൻ്റെ ഭാഗമായി താങ്കളുടെ സംഘടനയോട്  ആവശ്യപ്പെട്ട പ്രകാരമുള്ള ഭൗതിക സൗകര്യങ്ങൾ ( ടി.വി, ക്ലാസ് റൂം, കേബിൾ സംവിധാനങ്ങൾ ) ഒരുക്കിത്തന്നതിനും സഹകരിച്ചതിനും താങ്കൾക്കും  UNITiED  PATLA യ്ക്കും GHSS പട്ല പി.ടി.എ & എസ്.എം.സി കമ്മിറ്റിയുടെ കൃതജ്ഞത ഇതിനാൽ  അറിയിക്കുന്നു.

ഓൺലൈൻ ക്ലാസ്സിൻ്റെ ഔദ്യോഗിക ഉത്ഘാടനം നാളെ (15/06//20, തിങ്കൾ) രാവിലെ 10:15 ന് പട്ല ജംഗ്ഷനിലുള്ള UNITED PATLA യുടെ ഓഫീസിൽ വെച്ച് നടക്കും. പ്രസ്തുത പരിപാടിയിലേക്ക് താങ്കളെയും ക്ലബ് പ്രതിനിധികളെയും സന്തോഷപൂർവ്വം  ക്ഷണിച്ചു കൊള്ളുന്നു.

തുടർന്നും സഹകരണങ്ങൾ പ്രതീക്ഷിക്കുന്നു.

വിശ്വസ്തതയോടെ,

*പി ടി എ പ്രസിഡൻ്റ് & എസ്. എം. സി. ചെയർമാൻ* (ജി എച്ച് എസ്. എസ്. പട്ല)
*പ്രിൻസിപ്പാൾ*  ( ജി. എച്ച് എസ്. എസ്. പട്ല)
*ഹെഡ്മാസ്റ്റർ* (ജി. എച്ച് എസ്. എസ്. പട്ല)

📌

*ക്ഷണക്കത്ത്*

To,

The President,
Lucky Star Arts & Sports Club Patla,

ബഹുമാന്യരെ,

പട്ല ഗവ. ഹയർ സെക്കണ്ടറി സ്കൂളിന് താങ്കളും താങ്കളുടെ സംഘടനയും നൽകി വരുന്ന സഹായ സഹകരണങ്ങൾക്ക് ആദ്യമേ നന്ദി രേഖപ്പെടുത്തട്ടെ.

വീടുകളിൽ ടി വി /മൊബൈൽ സംവിധാനം ഇല്ലെന്ന് അറിയിക്കുകയും ഞങ്ങൾക്കത് ബോധ്യപ്പെടുകയും ചെയ്ത കുട്ടികൾക്ക് വേണ്ടി ഓൺലൈൻ ക്ലാസ്സ് ഒരുക്കുന്നതിൻ്റെ ഭാഗമായി താങ്കളുടെ സംഘടനയോട്  ആവശ്യപ്പെട്ട പ്രകാരമുള്ള ഭൗതിക സൗകര്യങ്ങൾ ഒരുക്കിത്തരുന്നതിനും സന്നദ്ധത പ്രകടിപ്പിച്ചതിനും സഹകരിച്ചതിനും താങ്കൾക്കും Lucky Star Arts & Sports Club Patla യ്ക്കും  GHSS പട്ല പി.ടി.എ & എസ്.എം.സി കമ്മിറ്റിയുടെ കൃതജ്ഞത ഇതിനാൽ  അറിയിക്കുന്നു.

ഓൺലൈൻ ക്ലാസ്സിൻ്റെ ഔദ്യോഗിക ഉത്ഘാടനം നാളെ (15/06//20, തിങ്കൾ) രാവിലെ 10:15 ന് പട്ല ജംഗ്ഷനിലുള്ള UNITED PATLA യുടെ ഓഫീസിൽ വെച്ച് നടക്കും. പ്രസ്തുത പരിപാടിയിലേക്ക് താങ്കളെയും ക്ലബ് പ്രതിനിധികളെയും സന്തോഷപൂർവ്വം  ക്ഷണിച്ചു കൊള്ളുന്നു.

തുടർന്നും സഹകരണങ്ങൾ പ്രതീക്ഷിക്കുന്നു.

വിശ്വസ്തതയോടെ,

*പി ടി എ പ്രസിഡൻ്റ് &*
*എസ്. എം. സി. ചെയർമാൻ*
(ജി എച്ച് എസ്. എസ്. പട്ല)
*പ്രിൻസിപ്പാൾ* 
( ജി. എച്ച് എസ്. എസ്. പട്ല)
*ഹെഡ്മാസ്റ്റർ*
(ജി. എച്ച് എസ്. എസ്. പട്ല)

14/06/2020, പട്ല

🔗

*നന്ദി ! കടപ്പാട് !*

ബഹുമാന്യരെ,

പട്ല ജി. എച്ച്. എസ്. എസിലെ വിദ്യാർഥികൾക്ക് വേണ്ടി ഓൺലൈൻ ക്ലാസ്സ് സംഘടിപ്പിക്കുവാൻ ടി.വി.യും മറ്റു ഭൗതിക സൗകര്യങ്ങളും  ഒരുക്കിത്തരികയും, അത്പോലെ ഇന്ന് രാവിലെ United Club ഹാളിൾ നടന്ന പ്രസ്തുത ഓൺലൈൻ സെഷൻ്റെ ഉത്ഘാടന പരിപാടിയിൽ സജീവമായി പങ്കെടുക്കുകയും  വിജയിപ്പിച്ചു തരികയും ചെയ്ത യുനൈറ്റഡ് ക്ലബ് FC, സ്റ്റാർ ആർട്സ് & സ്പ്പോർട്സ് ക്ലബ്, കണക്ടിംഗ് പട്ല, പട്ല യൂത്ത് ഫോറം, സംഘം ആർട്സ് & സ്പ്പോർട്സ് ക്ലബ് എന്നീ കൂട്ടായ്മകൾക്ക് GHSS പട്ലയുടെ അകമഴിഞ്ഞ നന്ദിയും കടപ്പാടും  ഇതിനാൽ  അറിയിക്കുന്നു.

നമ്മുടെ സ്കൂളിൻ്റെ പുരോഗമന പ്രവർത്തനങ്ങളിൽ നിങ്ങളുടെ എല്ലാവരുടെ സഹായ  സഹകരണങ്ങൾ തുടർന്നും പ്രതീക്ഷിച്ചു കൊണ്ട്,

വിശ്വസ്തതയോടെ,

*പി ടി എ പ്രസിഡൻ്റ് &*
*എസ്. എം. സി. ചെയർമാൻ*
(ജി എച്ച് എസ്. എസ്. പട്ല)
*പ്രിൻസിപ്പാൾ* 
( ജി. എച്ച് എസ്. എസ്. പട്ല)
*ഹെഡ്മാസ്റ്റർ*
(ജി. എച്ച് എസ്. എസ്. പട്ല)

15/06/2020, പട്ല

_____________________

uesday, June 09, 2020

പട്ല ജി.എച്ച്. എസ്. എസ്;
സന്നദ്ധ സംഘടനകളുടെ സഹകരണത്തോടെ
പട്ലയിൽ ഓണ്‍ലൈന്‍ പഠനത്തിന് തുടക്കമായി

പട്ല: ( 15.06.2020) സന്നദ്ധ സംഘടനകളുടെ സഹകരണത്തോടെ പട്ല ഗവ. ഹയർ സെക്കണ്ടറി സ്കൂൾ വിദ്യാർഥികൾക്കുള്ള ഓണ്‍ലൈന്‍ പഠനം ഇന്ന് മുതൽ തുടങ്ങി.

ഓണ്‍ലൈന്‍ പഠനത്തിൻ്റെ ഔദ്യോഗിക ഉത്ഘാടനം ഇന്ന് രാവിലെ പട്ല ജംഗ്ഷനിലുള്ള യുനൈറ്റഡ് പട്ല ക്ലബിൻ്റെ ഓഫീസിൽ വാർഡ് മെമ്പർ എം.എ. മജീദ് നിർവ്വഹിച്ചു.   പി ടി എ പ്രസിഡൻറ് എച്ച്. കെ അബ്ദുറഹിമാൻ അധ്യക്ഷത റഹിച്ചു, എസ്. എം.സി ചെയർമാൻ സി. എച്ച്. അബൂബക്കർ , പട്ല ജി.എച്ച്. എസ്. എസ് പ്രിൻസിപ്പാൾ പി.സി. തോമസ്, ഹെഡ്മാസ്റ്റർ പീ. ആർ.  പ്രദീപ് കുമാർ, വികസന കമ്മറ്റി ചെയർമാൻ സൈഭ് കെ.എം., സന്നദ്ധ സംഘടനാ പ്രതിനിധികൾ സംബന്ധിച്ചു

സ്വന്തം വീടുകളിൽ ഓൺലൈൻ ക്ലാസ്സുകൾ അറ്റൻ്റ് ചെയ്യാൻ സാഹചര്യമില്ലാത്ത കുട്ടികൾക്ക് വേണ്ടിയാണ് ഈ സൗകര്യം ഒരുക്കുന്നതെന്ന് കോർഡിനേഷൻ ഇൻ ചാർജ് പി ടി ഉഷ ടീച്ചർ പറഞ്ഞു.

ഓൺ ലൈൻ പഠനത്തിനുള്ള ഭൗതിക സാഹചര്യം ഒരുക്കുവാനാവശ്യപ്പെട്ടുള്ള പിടിഎയുടെ അഭ്യർഥനയുക്ക് പട്ലയിലെ ക്ലബ്ബുകൾ, സാംസ്ക്കാരിക സംഘടനകൾ വളരെ അനുകൂലമായ പ്രതികരണമാണ് നടത്തിയതെന്ന് പട്ല ജി.എച്ച്. എസ്. എസ് പ്രിൻസിപ്പാൾ പി.സി. തോമസ്, ഹെഡ്മാസ്റ്റർ പീ. ആർ.  പ്രദീപ് കുമാർ എന്നിവർ അറിയിച്ചു.

യുനൈറ്റഡ് പട്ല FC,  സ്റ്റാർ ആർട്സ് & സ്പോർട്സ് ക്ലബ്, പട്ല യൂത്ത് ഫോറം, കണക്ടിംഗ് പട്ല, സംഘം ആർട്സ് & സ്പോർട്സ് ക്ലബ് എന്നീ സന്നദ്ധ സംഘടനകളാണ് സഹായ വാഗ്ദാനവുമായി മുന്നോട്ട് വന്നിട്ടുള്ളർ. കൂടുതൽ ക്ലബുകൾ - സ സാംസ്കാരിക കൂട്ടായ്മകൾ ഇനിയും സഹകരിക്കുമെന്നാണ് പ്രതീക്ഷിക്കുന്നതെന്ന് അവർ പറഞ്ഞു.

ഓൺലൈൻ ക്ലാസ് മോണിറ്റർ ചെയ്യാൻ അസ്ലം പട്ലയുടെ നേതൃത്വത്തിൽ PTA SMC ഭാരവാഹികൾ അടങ്ങുന്ന  മോണിറ്ററിംഗ് സെല്ലും രൂപീകരിച്ചിട്ടുണ്ട്.

പട്ലയിൽ നാലോളം കേന്ദ്രങ്ങളിലാണ് നിലവിൽ ഓൺ ലൈൻ പഠന സംവിധാനമൊരുക്കുന്നത്.

____________________

*അറിയിപ്പ്*

*വിദ്യാർഥികളുടെയും
രക്ഷിതാക്കളുടെയും
അടിയന്തിര ശ്രദ്ധയ്ക്ക്*

തിങ്കളാഴ്ച (15/06/2020)  മുതൽ *പട്ല ജംഗ്ഷനിലുള്ള UNITED PATLA യുടെ ഓഫീസ് മുറിയിൽ*  TV യിൽ ഓൺലൈൻ ക്ലാസ് കാണാനുള്ള സൗകര്യം  ഒരുക്കിയിട്ടുണ്ട്.

എന്തെങ്കിലും കാരണങ്ങൾ കൊണ്ട് ക്ലാസ് കാണാൻ സൗകര്യമില്ലാത്ത ആൺകുട്ടികൾ ഉണ്ടെങ്കിൽ അവരുടെ ക്ലാസ്സ് സമയത്തിനനുസരിച്ച് പ്രസ്തുത സെൻററിൽ എത്താവുന്നതാണ്. 

ഈ ക്ലാസ്സിൽ പങ്കെടുക്കാൻ  ആഗ്രഹിക്കുന്ന കുട്ടികൾ അവരുടെ പേര് വിവരം ഇവിടെ താമസംവിനാ അറിയിക്കുക.

*ക്ലാസ്സ് ടീച്ചർ*
ജി.എച്ച്. എസ്. എസ്. പട്ല

_________________

*അറിയിപ്പ്*

പട്ല ജി.എച്ച്. എസ്. എസ് പിടിഎ കമ്മിറ്റിയുടെ അഭ്യർഥന പ്രകാരം നമ്മുടെ ഓഫീസ് മുറിയും ടി.വി. & കേബ്ൾ സൗകര്യങ്ങളും ജി.എച്ച്. എസ്. എസ് ചട്ലയിലെ പാവപ്പെട്ട  വിദ്യാർഥികൾക്ക് വേണ്ടി  ഓൺ ലൈൻ ക്ലാസ് സംവിധാനമൊരുക്കുന്നതിന് വേണ്ടി വിട്ടുകൊടുത്തതായി അറിയിക്കുന്നു.

ഇന്നലെ രാത്രി (വ്യാഴം)  ചേർന്ന യുനൈറ്റഡ് പട്ല FC യുടെ ഓൺലൈൻ എക്സിക്യൂട്ടിവ് യോഗത്തിലാണ് ഇത് സംബന്ധിച്ച തീരുമാനം ഏകകണ്ഠമായി ഉണ്ടായത്.

കായിക രംഗത്ത് മാത്രമല്ല നാട്ടിൻ്റെ വിദ്യാഭ്യാസ - സാമൂഹിക- സാംസ്ക്കാരിക രംഗങ്ങളിലും യുനൈറ്റഡ് പട്ല FC ആവശ്യമുള്ള ഘട്ടങ്ങളിലെല്ലാം സഹായ വാഗ്ദാനം നൽകുകയും അത് നിറവേറ്റുകയും  ചെയ്തിട്ടുമുണ്ട്. അതിൻ്റെ ഭാഗമായാണ് ഈ തീരുമാനവും.

വിശ്വസ്തതയോടെ

പ്രസിഡൻ്റ്
യുനൈറ്റഡ് പട്ല FC

ജ: സിക്രട്ടറി
യുനൈറ്റഡ് പട്ല FC
________________________

🔗
*കറിവേപ്പില*
*മുരിങ്ങ തൈ*
*തയ്യാർ*

മധൂർ കൃഷിഭവൻ്റെ   കറിവേപ്പില, മുരിങ്ങ തൈ വിതരണത്തിന് തയ്യാർ.

രണ്ടാം വാർഡിലെ ആവശ്യക്കാർ താഴെപ്പറയുന്ന നമ്പറിൽ  ബന്ധപ്പെടുക.

2020:21 ലെ നികുതി അടച്ച റസീതിൻ്റെ കോപ്പി നിർബന്ധം.

രേഖയുമായി ആദ്യം എത്തുന്നവർക്ക്  തൈകൾ നൽകും. എണ്ണം പരിമിതം

ബന്ധപ്പെടേണ്ടത് :.
*എം. എ മജീദ്*
രണ്ടാം വാർഡ് മെമ്പർ
മധൂർ പഞ്ചായത്ത് .
മൊബൈൽ : *94475 20124*

🔗

തയ്യാറാക്കിയത് : അസ്ലം