ഇന്നത്തെ* *ജനകീയ ശുചിത്വ ക്യാമ്പയിൻ*/ അസ്ലം മാവിലെ

*ഒരുമയുടെ*
*പരിഛേദമായി*
*മാറിയ ഇന്നത്തെ*
*ജനകീയ ശുചിത്വ ക്യാമ്പയിൻ*

ഒത്തൊരുമയുണ്ടെങ്കിൽ
ഒന്നായ്മയുണ്ടെങ്കിൽ
ഒന്നിക്കണമെന്ന മനസ്സുണ്ടെങ്കിൽ
ദേ... പട്ലയിൽ ഇന്ന്
നടന്ന മെഗാശുചിത്വ ക്യാമ്പയിൻ
കണ്ടാൽ മതി.

നൂറിൽ ഒരാളുപോലും കുറയില്ല
അല്ല അതിലും കൂടുതലാണ്.
മനസ്സറിഞ്ഞ് നേരത്തെ
പേരു രജിസ്റ്റർ ചെയ്തു
വന്നവരാണവരിലധികം പേരും.

ഇന്ന് (തിങ്കൾ) രാവിലെ തുടങ്ങിയ
ശുചിത്വ ക്യാമ്പയിൻ
പട്ലയുടെ വൃത്തിയവബോധത്തിന്
ഒരിക്കൽ കൂടി
മാറ്റുകൂട്ടുന്നതായിരുന്നു.

പട്ല സ്കൂൾ ഗ്രൗണ്ടിൽ
ഒത്തുകൂടി,
നേരത്തെത്തനെ
ജാഗ്രതാ സമിതി നേതൃത്വം
വരച്ചുണ്ടാക്കിയ റൂട്ട് മാപ്പിൽ
ആവശ്യമായ ക്രമീകരണങ്ങൾ
വരുത്തിയാരംഭിച്ച
ശുചിത്വ സംരംഭത്തിന്
യുവതുർക്കികളുടെ
നേതൃപാടവത്തിൻ്റെയും
യൗവ്വനത്തിളപ്പിൻ്റെ
ഹെൽത്തി എയ്സർസൈസിൻ്റെയും
മുതിർന്ന സാനിധ്യങ്ങളുടെയും
വലിയ ചരിത്രമാണ് അതിലും റലിയ ആകാശത്തിൽ ദൃശ്യമായത്.

ഒരു ലക്ഷ്യത്തിലേക്ക്
നിങ്ങളൊറ്റയ്ക്ക് നടക്കാം, നന്ന്. 
അതിന് പകരം
ഒരുപറ്റമായി പഥസഞ്ചലനം നടത്തൂ.
അതിൻ്റെ പരിണിത ഫലം അവാച്യമാണ്.
അത് തന്നെ ഒരു ഭാഷ്യത്തിൽ
ക്യാമ്പയിൻ സന്ദേശ പ്രസരണം
തന്നെയാണ്.
ഒപ്പം, നിങ്ങൾ
കഠിനാധ്വാനത്തിൽ
കൂടിയാണെങ്കിലോ ?
അത് സമൂഹത്തിന്
ലൈവായി കൈമാറുന്ന മെസ്സേജ്
അതിലും അവാച്യവും
സ്വയം വാചാലവുമാണ്.

മാൻപവർ ചെറിയ കാര്യമല്ല
എൻ്റെ എഴുത്തിൽ പലവട്ടം
പരാമർശിച്ച പദമാണത്.
കായശക്തി - അത് മറ്റെന്തിനേക്കാളും
ഒരുപാട് പടികൾ മുന്നിൽ നിൽക്കുന്നു.
പ്രത്യേകിച്ച് സേവനലോകത്ത്.

ജാഗ്രത - വിജിലൻ്റ്
അതെല്ലത്തിലും ഉണ്ടാകേണ്ടതാണ്.
കൊറോണ കാലത്ത് ബീജാവാപം
ചെയ്ത ഈ സംഘബലം
ആവശ്യം വരുമ്പോഴൊക്കെ
മുന്നിലുണ്ടാകേണ്ട ഒന്നാണം.

ഇതാ നാലീസമായാൽ മഴക്കാലമായി.
പ്രളയം വരുമെന്ന് ഇപ്പഴേ  മുന്നറിയിപ്പുണ്ട്
പ്രളയാനന്തര ശുചിത്വകാലവും
വഴിയെ വരാനുമുണ്ട്
എല്ലത്തിനും മാൻപവർ തന്നെയാണ്
പ്രധാനം, അതാണ് വളരെ പ്രധാനവും.

ഈ സംഘബലവും
പേശീ ശക്തിയും
നേതൃഗുണവും 
പട്ലയുടെ തരിശുനിലങ്ങൾ കൂടി
ഉഴുതുമറിച്ചു മണ്ണിര സാനിധ്യവും
നൂറുമേനി വിള നേട്ടവും
യാഥാർഥ്യമാക്കാൻ
സാധിച്ചിരുന്നെങ്കിൽ
എന്നാഗ്രഹിച്ചു പോകുന്നു !

ഒന്നും നടക്കായ്കയില്ല
മനസ്സിനങ്ങിനെയൊരു ഗുണമുണ്ട്
ഒരു നിമിഷാർധത്തിലെ
അപൂർവം തീരുമാനങ്ങളാണ്
ലോകത്തിൽ അപ്രതീക്ഷിത
വാർത്തകൾ നൽകിയിട്ടുള്ളത് തന്നെ.

വീണ്ടും,
ജാഗ്രതാ നേതൃത്വത്തിന്
അഭിവാദ്യങ്ങൾ നേരട്ടെ,
കൂടെ, അതിലെ മുഴുവൻ
നിഷ്ക്കാമ കർമ്മ ഭടന്മാർക്കും ...

Foot Note:
Vigilance is not only the price of liberty, but of success of any sort. With energy and sleepless  vigilance go forward and give us victories. Be Vilgilant Always !

*അസ്ലം മാവിലെ* 25/മെയ് / 2020