കൗമാരക്കാരോട് ../ അസ്ലം മാവിലെ

▪️
*കൗമാരക്കാരോട്....*

ഇന്നും കാഞ്ഞങ്ങാട്ടു നിന്ന് വന്ന വാർത്ത.

നീന്താൻ പോയതാണ്. കൂടെ കൂട്ടുകാർ രണ്ടെണ്ണമുണ്ട്. അവർക്കായില്ല, കൈ വിട്ട് കൈകാലിട്ടടിച്ച് മുങ്ങുന്ന, നമുക്ക് നീന്താടാ എന്ന് പറഞ്ഞ് കൂടെ കൂട്ടിവന്ന ആ കൂട്ടുകാരനെ രക്ഷിക്കാൻ ..

ഇന്ന് മൂന്നരയ്ക്ക് സംഭവം.  പ്ലസ്ടു വിദ്യാർഥി. 4-10 ആകുമ്പോഴേക്ക് ആ കൗമാരക്കാരൻ്റെ ചേതനയറ്റ ദേഹം കിട്ടി !

പിതാവ് ഗൾഫിൽ. വീട്ടിൽ മാതാവ്,  ഒരു സഹോദരനും ! സ്വന്തം പിതാവിന് പോലും .... കാണാൻ പറ്റാത്ത അവസ്ഥ. വരാൻ സാധിക്കില്ല. അങ്ങിനെയാണ് ഇപ്പഴ് കാര്യങ്ങൾ.

പുറം നാടുകളിൽ ജോലി ചെയ്യുന്നവരാണധികം രക്ഷിതാക്കൾ.  അവരുടെ മക്കൾ മാതാവിനെ കൂടി കേൾക്കണം. കൂടെ പോയ കൂട്ടുകാർക്ക് ഒന്നും ചെയ്യാൻ പറ്റില്ല. നോക്കി നിൽക്കാനേ ആകൂ.

ആ കുട്ടിക്ക് ഒരു പക്ഷെ നീന്തൽ അറിയില്ലായിരിക്കാം. നീന്തൽ അറിഞ്ഞാൽ തന്നെ ശരിക്ക്വക്ക് വശമുണ്ടാകില്ല. ഇല്ലെങ്കിൽ ആ പുഴയെ കുറിച്ച് ധാരണ ഉണ്ടാകില്ല.   കഴിഞ്ഞ വർഷം മാന്യയിലും സമാന ദുരന്തമുണ്ടായത് മനസ്സിൽ മിന്നിമറയുന്നു.

ആർക്ക് പോയി ?
കുടുംബത്തിന് ....
കുടുംബത്തിന് ഭാവിയിൽ താങ്ങാകേണ്ട ഒരു കൗമാരക്കാരനെ നഷ്ടമായി. ജീവിച്ചു കൊതിതീരാത്ത പയ്യൻ. എൻ്റെയും നിങ്ങളുടെയും മക്കളുടെ പ്രായമുള്ള മോൻ.

ആ സ്ഥാനത്ത് നമ്മുടെ ഏതെങ്കിലുമൊരു ബന്ധുവിനെ നിർത്തി മൈണ്ട് ഒന്ന് സെറ്റ് ചെയ്തു നോക്കൂ.  (ഈ ഫോറത്തിൽ ഈ കുട്ടിയുടെ ബന്ധുക്കൾ ആരുമില്ലാത്തത് കൊണ്ടാണ് ഇത്ര തുറന്ന് എഴുതുന്നത്.)  എത്ര പ്രയാസപ്പെടും ആ മരണ വാർത്ത. എത്ര അലോസരപ്പെടുത്തും ഈ മരണവാർത്തകളിലൂടെ കണ്ണോടിച്ചു പോകുമ്പോൾ ....

ഒരിക്കൽ കൂടി കൗമാരക്കാരോട് ...
സൂക്ഷിക്കുക, സന്തോഷത്തോടെ കുടുംബത്തോടെ  ജീവിച്ചു തീർക്കാനുള്ളതാണ് നമ്മുടെ ജീവിതങ്ങൾ. ഇത്തരം അബദ്ധങ്ങൾ സ്വയം വലിച്ചു വക്കരുത്.

മകനെ നഷ്ടപ്പെട്ട കടലിനക്കരെ കഴിയുന്ന പിതാവ്. ഭർത്താവിൻ്റെ സാന്നിധ്യമില്ലാതെ മകൻ്റെ മൃതദേഹത്തിന് മുന്നിൽ കരഞ്ഞു തീർക്കുന്ന അമ്മ, പിന്നെ ആ സഹോദരങ്ങൾ ...

ഇത് ഓർത്തെങ്കിലും ...
കൗമാരക്കാർ.....

കുഞ്ഞനിയൻ്റെ ചേതനയറ്റ ശരീരത്തിന് മുന്നിൽ രണ്ടിറ്റു കണ്ണീർ ! മോനെ നഷ്ടപ്പെട്ട ആ കുടുംബത്തിൻ്റെ ദു:ഖത്തോടൊപ്പം ഞാനും !

*അസ്ലം മാവിലെ* 3/മേയ് / 2020