*ഇടറാതെ*
*മുന്നോട്ട് ... *
..............................
അസ്ലം മാവിലെ
..............................
ചെറിയ കുഞ്ഞ്,
അവനിപ്പോൾ കരിമൂർഖൻ്റെ നടുവിൽ.
മാതാവിൻ്റെ കണ്ണുവെട്ടിച്ചു
ശ്രദ്ധ തിരിഞ്ഞിടത്തേക്കവൻ
നടന്നും പകുതിക്ക് വീണും
അവിടെ നിന്നു നാലുകാലിൽ ഇഴഞ്ഞും ആ സ്പോട്ടിൽ
എത്തിയതാണ്.
അവനത് കണ്ടുകഴിഞ്ഞു !
എന്താണാ ജീവിയെന്നറിയില്ല,
കയ്യിൽ കിട്ടിയ ഓലക്കീറെടുത്ത്
അതിനോട് തല്ലുകൂടാൻ തുടങ്ങി.
സീൽക്കാര ശബ്ദം കേട്ടാണുമ്മ
പുറത്തിറങ്ങി നോക്കിയത്,
കണ്ടതോ തൻ്റെ അരുമ
കൊടുംവിഷവുമായി ഏതു നേരവും
കൊത്താൻ പാകത്തിൽ ഫണം
വിടർത്തി നിൽക്കുന്ന
കരിമൂർഖന് മുന്നിൽ !
അവനൊരു ഭാവഭേദവുമില്ല,
അവൻ ഉമ്മയെ കണ്ടതായേ ഭാവിച്ചില്ല, ആര് വന്നതും.
മുഖത്ത് ചിരി കുടുന്നതേയുള്ളൂ.
ശ്വാസമടക്കിപ്പിടിച്ചു കൈക്കുഞ്ഞിനെ
അപകട സന്ധിയിൽ നിന്നും
രക്ഷപ്പെടുത്താൻ ഉപായങ്ങൾ
മെനയുന്ന അവൻറുമ്മയും
സഹോദരങ്ങളും അയൽക്കാരും !
ആ വിഷപ്പാമ്പ് എന്തോ,
പെട്ടെന്ന് ഫണം താഴ്ത്തി
ചെങ്കല്ലുകൾക്കിടയിലേക്കു
ഇഴഞ്ഞിഴഞ്ഞു കൺമറഞ്ഞു !
അപകടങ്ങൾ വരും,
പ്രതിസന്ധികൾ
നമുക്ക് മുന്നിൽ
മൂന്നാളുയരത്തിൽ
എഴുന്നു നിൽക്കും.
അപ്പഴും
ശുഭചിന്തകൾ നമുക്ക് പ്രതീക്ഷകൾ
നൽകും, പുത്തനൂർജ്ജം
പ്രദാനം ചെയ്യും.
കൊടുങ്കാറ്റിന് മുന്നിലും
നല്ലതു വരുമെന്ന ശുഭചിന്ത !
അസ്വസ്ഥയില്ലാത്ത മനസ്സ് !
ആ പൈതലിൻ്റെ
മനസ്സിൽ പ്രകൃത്യാ അങ്കുരിച്ച
നിർഭയത്വം പോലെയൊന്ന്.
ഈ കോവിഡ് ദിനങ്ങൾ
കോൻഫിഡൻസ് സമ്പുഷ്ടമാക്കാനുള്ളതാണ്.
പ്രതീക്ഷകൾ സമ്പന്നമാക്കാനുള്ളത്.
അതിനുള്ള ഊർജ്ജവും തേടിയലയുക,
പ്രതിരോധവും പ്രതിവിധിയും
ശക്തിപ്പെടുത്തുക.
വി ഷാൽ ഓവർക്കം !
അതിജയിക്കുക തന്നെ ചെയ്യും.
പൂപ്പൈതലിൻ്റെ നിർമ്മല
മനസ്സുമായി നമുക്കിന്നത്തെ
പ്രഭാതത്തേയും എതിരേൽക്കാം !
നല്ല രാവിലെ,
നല്ല അർക്കകിരണങ്ങൾ !
No comments:
Post a Comment