നേതൃഗുണം /ASLAM MAVILAE

ത്രിപ്പിഡി - രണ്ടാമധ്യായം 

നേതൃഗുണം - 1 

നേതൃത്വം അമാനത്താണ്. 

സൂക്ഷിപ്പ് വസ്തു. 

ദുരുപയോഗം 

ചെയ്യാൻ പറ്റാത്ത ഒന്ന്. 

അടുത്ത അവകാശികൾക്ക് ശ്രദ്ധയോടെ തിരിച്ചേൽപ്പിക്കേണ്ടത്. 

ഉടയാതെ, ഉലയാതെ, 

മങ്ങാതെ, മായം ചേരാതെ തിരിച്ച് നൽകേണ്ടത്. 

ഒന്നാം ഗുണം - 

സംസാരം സ്പുടമാകണം 

ആലോചിച്ചുറച്ചതാകണം 

വിട്ട ശബ്ദം, പറഞ്ഞ കാര്യം, 

എഴുതിയ സംഗതി രണ്ടാം വട്ടം സ്വയം കേൾക്കണം, വായിക്കണം, 

ഓൺലൈൻ യുഗത്തിൽ പ്രത്യേകിച്ച്.

അണികൾ എന്തും പറയും.  

അവരതങ്ങനെ തുടരാമോ ? 

നേതൃത്വം പക്വതയോടെ സംസാരിച്ചു തുടങ്ങുമ്പോൾ അണികൾ അടങ്ങും. 

എല്ലാ ഉഡായിപ്പും താനേ ആവിയായിപ്പോകും. 

സ്വയമവർക്ക് തിരിച്ചറിവ് വരും. 

നാക്കുകൾക്കവവർ സ്വയം കൊളുത്തിടും. 

അതിനാണ് നേതൃത്വം. 

അതിനു കൂടിയാണ് നേതൃത്വം.

അജഗണങ്ങളുടെ കൂടെ ഇടയനെന്തിനാണ് ? 

പൈക്കളൊന്നിച്ച് പശുപാലകനെന്തിനാണ് ? 

അവറ്റങ്ങൾ തോന്നുന്നിടത്ത്

നടക്കുന്നത് നോക്കാനല്ലവൻ, തോന്നുന്നിടത്ത് നിന്ന് ഭുജിക്കുന്നത് നോക്കിയാസ്വദിക്കാനുമല്ല. 

നേതൃത്വം വളഞ്ഞാലോ? 

മോന്തായം ഒടിഞ്ഞാലോ? 

അവരുടെ നാക്ക് പിടുത്തം വിട്ടാലോ ?

ആശാനക്ഷരമൊന്നു പിഴച്ചാൽ 

അമ്പത്താറും പിഴക്കും ശിഷ്യനെന്ന്

നമ്പ്യാർ  പറഞ്ഞത് പോലെയാകും.  

Speech is Silver

Silent is Golden 

അർഥം : "നിങ്ങളുടെ വാചാലതയോളമോ 

അതിൻ്റെ പതിന്മടങ്ങോ മൗനത്തിന് 

എടുപ്പുണ്ട്." 

നെപ്പോളിയൻ പറയും : 

*രണ്ടൂട്ടമാലോചിക്കൂ

മിണ്ടാൻ തുടങ്ങുന്നതിന് മുമ്പ്*

എല്ലാ നേതൃത്വങ്ങളുടെയും ഒന്നാം പാഠമിതാകട്ടെ. ഒട്ടു മിക്ക നേതൃത്വങ്ങും ആദ്യം ബ്രെയ്ക്ക് ചെയ്യുന്നതും ഇതുതന്നെ.  

" എനിക്കാവില്ല പൂക്കാതിരിക്കാന്‍ കണിക്കൊന്നയല്ലേ വിഷുക്കാലമല്ലേ....."