റയാൻ മച്ചിങ്ങലിനെ അഭിനന്ദിക്കുന്നത് CP ഫോറത്തിൽ പോസ്റ്റ് ചെയ്യുന്നത് അവസാനത്തെ രണ്ടു വരി പറയാനാണ് ! / അസ്ലം മാവിലെ

റയാൻ മച്ചിങ്ങലിനെ
 അഭിനന്ദിക്കുന്നത്
CP ഫോറത്തിൽ
പോസ്റ്റ് ചെയ്യുന്നത്
അവസാനത്തെ
രണ്ടു വരി പറയാനാണ്  !
.........................
അസ്ലം മാവിലെ
.........................
ഒരു മലപ്പുറം പയ്യനെ ഇവിടെ അഭിനന്ദിക്കുന്നത് എന്തിനെന്നോ ? ഒന്ന്, അവന്റെ പിതാവ്, ജലീൽ എന്റെ അടുത്ത സുഹൃത്ത്. രണ്ട്, ജലീലിന്റെ കീഴിലാണ് ഞാനാദ്യമായി ദുബായിൽ വെച്ച് HR & Administration തൊഴിലിന്റെ ബാലപാഠം മുതൽ ആ പണിയുടെ കയ്പ്പും, ചമർപ്പും, മധുരവും, ജോലി വഴി സേവന മെന്റാലിറ്റിയും പിന്നെ എവിടെന്നെറിഞ്ഞാലും നാലു കാലിൽ നിർത്തവും അഡ്മിൻ പൊളിറ്റിക്സും പഠിച്ചത്. കണ്ണുചിമ്മി ഇംഗ്ലിഷിൽ കണ്ണുരുട്ടാൻ പഠിച്ചതും അവിടെ വെച്ച്.  (അത് വരെ Spoken English ഉം ഞാനും എന്തോ വല്ലാണ്ട് അകലം പാലിച്ചിരുന്നു.)  തൊഴിലിടത്തെ Punctuality യുടെ ABCD പഠിച്ചതും അൽഗുറൈർ ഗ്രൂപ്പിൽ സുഹൃത്ത്  ജലീലിന്റെ ശിക്ഷണത്തിൽ  തന്നെ.

ഞാനും അഞ്ഞൂറോളം തൊഴിലാളികളും ഉള്ള അൽഗുറൈർ കുടുംബത്തിലെ Admin ജോലിക്കിടെ കണ്ട രസകരമായ നിമിഷങ്ങൾ മഞ്ഞളും മുളകും മല്ലിയും മസാല ചേർത്ത്  Desert Diary എന്ന  Humour പംക്തി ഗൾഫ് മനോരമയിൽ എഴുതാൻ പ്രോത്സാഹിപ്പിച്ചത് ജലീലാണ്.  3 വർഷമവിടെ ഞാനങ്ങിനെ free bird ആയി സേവനം. അതിനിടയിൽ IT വിദഗ്ദ്ധൻ കൂടിയായ ജലീൽ ജോലി രാജിവെച്ചു ദുബായിൽ തന്നെ PC NET എന്ന വിവര സാങ്കേതിക സ്ഥാപനമാരംഭിച്ചു.

ജലീൽ മച്ചിങ്ങലോടൊന്നിച്ച് ഞാൻ ജോലി ചെയ്യുമ്പോൾ അദ്ദേഹത്തിന്റെ മകൻ റയാന് 5 വയസ് കാണും. ഇന്ന് 14 നടുത്ത്.

ജലിലിന്റെ FB പേജിൽ കുറച്ചു മാസങ്ങളായി റയാൻ ഇടക്കിടക്ക് വരുന്നുണ്ട്. ഇറുകാത്ത, ബട്ടണിന് പകരം തുണിശീല കൊണ്ട് മുറുകാതെ കെട്ടിയ,  വെളുത്ത വസ്ത്രവുമായി ഒരു മെലിഞ്ഞ പയ്യൻ. താഴെ വാർത്ത: ജില്ലാ തല ജുഡോ (14 ) മത്സരത്തിൽ സ്വർണ്ണ മെഡൽ. പിന്നൊരു ദിവസം വാർത്ത - സംസ്ഥാന തലത്തിൽ വെങ്കലം.

ഇടക്കിടക്കിടക്ക് വിവിധ തലങ്ങളിൽ മത്സരിച്ചു ജയിച്ചതിന്റെ വാർത്തകളും ഫോട്ടോസും വന്നു കൊണ്ടിരിക്കും.

ഇന്ന് കണ്ട വാർത്ത വളരെ സന്താഷം നൽകി -   എറണാകുളത്ത് ഇന്ന് നടന്ന Kerala State Wushu (Kungfu) Championship (Under 14) ൽ റയാൻ മച്ചിങ്കൽ സ്വർണ്ണ മെഡലിനർഹനായി ! well-done Little Master ! 

C.H.M.H.School (POOKULATHUR) ൽ 8-ാം തരം വിദ്യാർഥി. പഠനത്തോടൊപ്പം ഈ കായിക ഇനത്തിലും റയാൻ കാണിക്കുന്ന അർപ്പണ മനോഭാവമാണ് സംസ്ഥാന തലത്തിൽ സ്വർണ്ണ മെഡലിനർഹനാക്കിയത്. വിയർത്തു കിട്ടിയ പൊൻ തിലകം.  അഭിനന്ദനങ്ങൾ, റയാൻ  !

Wushu :
ഇതൊരു ആയോധന കലയാണ്. taolu ,  sanda എന്നീ രണ്ടിനങ്ങളിതിലുണ്ട്. ചൈനയിൽ ഉത്ഭവം. അന്താരാഷ്ട്ര വേദികളിന്ന് Wushu വിനുണ്ട്. kung fu അടക്കം വേറെ ഒന്ന് രണ്ട് പേരിൽ ഈ കളി അറിയപ്പെടുന്നു. ബിജ്യങ്ങ് ഒളിംപിക്സിൽ പ്രദർശന ഇനമാകുന്നതോടെ ഒളിംപിക്സ് IOC യുടെ ശ്രദ്ധയിലും പെടാൻ തുടങ്ങി.

കൈ മെരുക്കവും ഏകാഗ്രതയും  കഠിന പരിശീലനവും ആവശ്യമുളള Wushu വിന് ഗെയിംസിനത്തിൽ സാധ്യതയുണ്ട്. 2020 ലെ ടോക്യോ ഒളിംപിക്സിലെ മത്സരയിനങ്ങളിൽ നിന്ന്  Kong fu തലനാരിഴയ്ക്കാണ് മിസ്സായത്.   2022 ലെ ബീജിംഗ് ശൈത്യകാല ഒളിംപ്ക്സിൽ കുങ്ങ്ഫൂവിന് നേരിയ സാധ്യതയുണ്ട്.  ( 2020 ൽ നടക്കാൻ പോകുന്ന ഒളിംപിക്സിൽ മാത്രമാണ്  കരാട്ടെയ്ക്ക്  വരെ  ഇടം കിട്ടുന്നത്.)  അത്കൊണ്ട് 2024 ൽ wushu ഒളിംപിക് ഇനമാകുമെന്ന് ഉറപ്പായും പ്രതീക്ഷിക്കാം. 

കൂട്ടത്തിൽ പറയട്ടെ എന്റെ സ്കൂളിൽ ഈ ഇനത്തിന്റെ പെൺവേർഷനുണ്ട്. പേര് നാക്കിൽ വരുന്നില്ല. പിന്നെപ്പറയാം.

NB : നമ്മുടെ സ്കൂളിൽ പെൺകുട്ടികൾക്ക് ഇത് പോലുള്ള ഒരിനമുണ്ടല്ലോ. ആൺപിള്ളേർക്ക് ഇതൊന്ന് തുടങ്ങിയാലോ ? PTA കണ്ണിവിടെയും പതിയട്ടെ.