ബാസിതും മുഹമ്മദും അഭിനന്ദിക്കപ്പെടുന്നത് / അസ്ലം മാവിലെ

ബാസിതും
*മുഹമ്മദും*
*അഭിനന്ദിക്കപ്പെടുന്നത്*
..........................

അസ്ലം മാവിലെ
..........................

ബാസിതിനെയും മുഹമ്മദിനെയും അംഗീകരിക്കുന്നതിന്റെ മാത്രം ഭാഗമായിരുന്നോ ഇന്നലെ നടന്ന CP ചടങ്ങ്  ?

അതാണ്, പക്ഷെ അത് മാത്രമല്ല.  മറ്റു ഉദ്യോഗാർഥികളിലും പരിശ്രമശാലികളിലും ഇത്തരം അനുമോദന ചടങ്ങുകൾ വലിയ ഇലയനക്കമുണ്ടാക്കണമെന്നതും ഉദ്ദേശങ്ങളിലൊന്നായിരുന്നു. കളിയിൽ വ്യാപൃതരായവരിൽ ഒരു ട്യൂണിംഗിനുള്ള സമയമായി എന്നു ഇന്നലെത്തെ ചടങ്ങ് പറയുന്നുണ്ടാകണം. കളിച്ചും കളി പരിശീലിപ്പിച്ചും ചില മേഖലകൾ കാര്യത്തിന്റേതായുണ്ട് എന്ന സന്ദേശം.  ചുരുക്കിപ്പറഞ്ഞാൽ ലക്ഷ്യമുണ്ടാവുക, അതിലേക്ക് ആവതും പരിശ്രമം നടത്തുക. വിജയം ഉറപ്പ്.

ഒരു സ്ഥിതിവിവരകണക്കിടാം.  2016 ലെകണക്ക് പ്രകാരം 2,15,47,845  പേർക്കാണ് കേന്ദ്ര- സംസ്ഥാന സ്ഥാപനങ്ങളിൽ ആകെ ജോലി (excl പ്രതിരോധം).  2016 ലെ ഇന്ത്യൻ  ജനസംഖ്യ 132, 84, 73,846 ആണ്.   കേരളത്തിലെ സർക്കാർ ഉദ്യോഗസ്ഥന്മാരുടെ കണക്ക് ഇന്നലെ കാസർകോട് എസ്. ഐ.  ശ്രീ അജിത് സംസാരത്തിനിടെ പറഞ്ഞു - അഞ്ചര ലക്ഷം. കേരള സംഖ്യയാണെങ്കിൽ  3, 47, 42,592.

അർഥം,  വളരെ ചെറിയ ശതമാനത്തിന് മാത്രമാണ് സർക്കാർജോലി,  1.6% . ബാക്കി 98. 4 % പേർക്ക് പണിയുണ്ട്, പക്ഷെ സർക്കാർ വകയല്ല. നമ്മുടെ പട്ലയിൽ ആ 1.6 % ന്റെ കണക്ക് പറഞ്ഞാൽ തന്നെ 65 പേർക്ക് ഗവ. പണി വേണ്ടേ. എന്നാലതുണ്ടോ ?

ഇനി എന്ത് കണക്ക് നിരത്തി നിരാശക്കുട നിവർത്തിയാലും വേണമെന്ന് ആഗ്രഹിച്ചു ആത്മാർഥമായി ശ്രമിക്കുന്നവർക്ക് സർക്കാർ ജോലി മുറക്ക് കിട്ടുന്നുണ്ട് എന്നത് വസ്തുതയാണ്. ക്ഷമ വേണം, ഉത്സാഹം വേണം,  മാത്സര്യബുദ്ധിയോടു കൂടി,  പരീക്ഷകളെ ഗൗരവമായി കണ്ടാൽ,  നമ്മുടെ നാട്ടിലെ കുട്ടികളും  തൊഴിലന്വേഷണത്തിൽ ടാർജറ്റ് അച്ചീവ് ചെയ്യുക തന്നെ ചെയ്യുമെന്ന് പ്രതീക്ഷിക്കാം.  

കോഴ്സുകൾ തെരഞ്ഞെടുക്കുന്ന വിഷയത്തിലും പുതുമകൾ തേടേണ്ട സമയവും അതിക്രമിച്ചു. എഞ്ചിനീയർ ഡിഗ്രി പഠിച്ച് ജോലി സമ്പാദിക്കുന്നതിനെക്കാളെറെ അവസരങ്ങൾ വിവിധ കാലദൈർഘ്യമുള്ള ( 6 മാസം മുതൽ - 3 വർഷം വരെ) ITI Course കൾ വിജയകരമായി പൂർത്തിയാക്കിയാൽ തന്നെ കിട്ടും.

ഇന്നലെ ഒപ്പു തെങ്ങിൻ ചുവട്ടിൽ നടന്ന CP യുടെ അനുമോദന ചടങ്ങു വെറും നോക്കിപ്പിരിയാൻ മാത്രമല്ല വിദ്യാർഥികളിലും യുവാക്കളിലും രക്ഷിതാക്കളിലും  ഗൗരവതരമായ പുനരാലോചനയ്ക്കുളള വേദികൂടിയായി മാറി എന്നു നിസ്സംശയം നമുക്ക് പറയാം.