വാർത്ത : ലഹരി വിരുദ്ധ സന്ദേശ സൈക്കിൾ റാലി
*പ്ടല ഗവ. ഹയർ സെക്കണ്ടറി സ്കൂളിൽ വിമുക്തി - ലഹരി വിരുദ്ധ സന്ദേശ സൈക്കിൾ റാലി നടത്തി*
കേരളമാകെ കൗമാരക്കിടയിൽ വർദ്ധിച്ചു വരുന്ന ലഹരി ഉപയോഗത്തിന്റെ ഭവിഷ്യത്തുകൾ മനസ്സിലാക്കി പ്ടല ഗവ. ഹയർ സെക്കണ്ടറി സ്കൂളിൽ വിമുക്തി 90 ദിന ലഹരി വിരുദ്ധ സന്ദേശ സൈക്കിൾ യാത്രയും പ്രതിജ്ഞയും എടുത്തു. ലഹരി വിരുദ്ധ പ്രതിജ്ഞ പി. ടി. ഉഷ ചൊല്ലി കൊടുത്തു. ലഹരി വസ്തുക്കളുടെ ഉപയോഗം ഒരാളെയല്ല ബാധിക്കുന്നത് അതിന്റെ പ്രത്യാഘാതമുണ്ടാക്കുന്നത് ഒരു സമൂഹത്തെ ആകമാനമാണ്. ജീവിതത്തിലൊരിക്കലും ലഹരി പദാർഥങ്ങൾ ഉപയോഗിക്കരുത്, അത്തരം ചങ്ങാത്തങ്ങളിൽ ഭാഗവുമാകരുത്, കുരുന്നു മനസ്സുകളിൽ ഇപ്പഴേ ജാഗ്രതയുണ്ടാകണം - ബോധവത്ക്കരണ പ്രാധാന്യം വിശദീകരിച്ചു കൊണ്ട് ഹെഡ്മാസ്റ്റർ പ്രശാന്ത് സുന്ദർ കുട്ടികളോട് പറഞ്ഞു.
ലഹരി വിരുദ്ധ കാമ്പയിന്റെ ഭാഗമായി പോസ്റ്റർ നിർമ്മാണത്തിൽ സ്കൗട്ട്സ്, ഗൈഡ്സ് വിദ്യാർത്ഥികൾ പങ്കാളികളായി. കടകൾ തോറും സന്ദേശവുമായി കുട്ടികൾ നടത്തിയ സൈക്കിൾ റാലി ഹെഡ്മാസ്റ്റർ പ്രശാന്ത് സുന്ദർ ഫ്ളാഗ് ഓഫ് ചെയ്തു. ലഹരി വിരുദ്ധ സന്ദേശ പരിപാടിക്ക് അധ്യാപകരായ അശോകൻ, മിസാജ് ജൗഹർ, ഫയാസ്, പവിത്രൻ, പ്രേമചന്ദ്രൻ, ഹനീഫ തുടങ്ങിയവർ നേതൃത്വം നൽകി.
വളരെ ആവേശം നിറഞ്ഞ പ്രസ്തുത പരിപാടിയിൽ ജീവിതത്തിൽ ഒരിക്കലും ലഹരി വസ്തുക്കൾ ഉപയോഗിക്കില്ല എന്ന് കുട്ടികൾ പ്രതിജ്ഞ എടുത്തു.
No comments:
Post a Comment