മുഹറം പത്ത്: പ്രാർതഥന നിരതമാക്കുക* / റാസ പട്ല

മുഹറം പത്ത്:  പ്രാർതഥന നിരതമാക്കുക*
***************************

നിരവധി ചരിത്രങ്ങൾക്ക്
സാക്ഷിയായ ദിനം..!

അല്ലാഹുവിനോട്
പൊറുക്കലിനെ തേടുക,
അവൻ പൊറുത്ത് തരും.
കാരണം,
ആദം നബിക്ക് അല്ലാഹു
മാപ്പ് നൽകിയത് ഇന്നായിരുന്നു ....!

മക്കളില്ലാത്തവർ
സന്താനലബ്ദിക്ക് വേണ്ടി
പ്രാർത്ഥിക്കുക...
കാരണം,
മനുഷ്യ കുലത്തിൻ്റെ
സൃഷ്ടിപ്പ് ഇന്നായിരുന്നു....!

രോഗശമനത്തിന് വേണ്ടി
പ്രാർതഥിക്കുക.
കാരണം,
അയ്യൂബ് നബി(അ)ക്ക്
അല്ലാഹു രോഗശാന്തി നൽകിയത്
ഇന്നായിരുന്നു....!

ജയിൽ മോചനത്തിന്  വേണ്ടി
പ്രാർതഥിക്കുക.
കാരണം,
യൂസഫ് നബിയെ
അല്ലാഹു  ജയിൽ മോചിതനാക്കിയത്
ഇന്നായിരുന്നു....!

കുരുക്കിൽ നിന്നും
പ്രയാസത്തിൽ നിന്നും
കരകയറ്റാൻ വേണ്ടി
പ്രാർതഥിക്കുക.
കാരണം,
യൂനുസ് നബിയെ
മത്സ്യവയറ്റിൽ നിന്നും
അല്ലാഹു
രക്ഷിച്ചത് ഇന്നായിരുന്നു...!

അധികാരി വർഗ്ഗത്തിൻ്റെ
പീഡനങ്ങളിൽ നിന്നും
രക്ഷ നൽകാൻ വേണ്ടി
പ്രാർതഥിക്കുക.
കാരണം,
നംബ്രൂദ് രാജാവിൻ്റെ
പീഡനത്തിൽ നിന്നും
ഇബ്രാഹിം നബിയെ അല്ലാഹു
രക്ഷപ്പെടുത്തിയത്
ഇന്നായിരുന്നു...!

ശത്രുക്കളുടെ
അക്രമണങ്ങളെ തൊട്ട്
കാവൽ തേടുക.
കാരണം,
ഫറോവയേയും കൂട്ടരേയും
നൈൽനദിയിൽ മുക്കിക്കൊന്ന് അല്ലാഹു
മൂസാ നബിക്ക് സംരക്ഷണം
നൽകിയത് ഇന്നായിരുന്നു...!

നന്മയുടെ വക്താക്കളാവാൻ
വേണ്ടി പ്രാർതഥിക്കുക.
കാരണം,
മഹാ പ്രളയത്തിൽ എല്ലാം
നശിച്ച് പോയപ്പോൾ നൂഹ് നബിയെയും 
നന്മയുടെ ചെറിയൊരു സംഘത്തെയും
ഒരു കപ്പലിൽ അഭയം നൽകി
രക്ഷിച്ചതും ഇന്നായിരുന്നു...!

സർവ്വോപരി,
അല്ലാഹുവിൻ്റെ
കാരുണ്യത്തിന് വേണ്ടി
പ്രാർതഥിക്കുക.
കാരണം,
''മുഹമ്മദ് നബിയെ(സ)
ലോകത്തിന്
അനുഗ്രഹമായിട്ടല്ലാതെ സൃഷ്ടിച്ചിട്ടില്ല''
എന്ന അല്ലാഹുവിൻറെ
പ്രഖ്യാപനം ഉണ്ടായതും
ഇന്ന് തന്നെ...!

*പ്രാർതഥനയിൽ*
*എന്നേയും ഉൾപ്പെടുത്തുക*

------------------ *RP* -------------------------